Post Tagged with: "鬧爆"

日本便利店Lawson食物新包裝 網民鬧爆「納豆」爛設計
by / on 26/05/2020 at 7:53 am

日本便利店Lawson食物新包裝 網民鬧爆「納豆」爛設計

好耐無去日本,原來便利店Lawson啲食物換咗包裝,不過評價就非常差嘞。有網民影咗相放上網,話新包裝遮住晒啲食物,一啲都吸引唔到人,另外最多人鬧嘅係納豆,包裝寫住Natto,好多人都唔知係咩,樓主仲串佢係咪扮緊「北大西洋公約組織」(NATO),連Lawson店員都留言鬧埋一份,話納豆同啤酒都因為新包裝而賣得好差。之後有網民仲改埋圖,入嚟有回帶。

Read more ›

日本團體販賣「平成空氣罐頭」 每個1080円網民鬧爆
by / on 24/04/2019 at 7:34 am

日本團體販賣「平成空氣罐頭」 每個1080円網民鬧爆

日本嘅平成年號即將完結,有團體就諗到製作呢個「平成空氣罐頭」發售,每個賣1080円,據講吸引好多日本遊客購買。睇電視新聞仲見到職員喺橋上即時採集空氣,講多少少背景資料,日本嘅岐阜縣關市有一個地方真係叫「平成」,而喺呢度嘅一個非牟利團體就諗到喺「令和」來臨之前製作呢個罐頭,仲揀選咗喺年號橋上面製作。每個罐頭入面除咗空氣,仲裝有5円硬幣同埋祝福,不過賣1080円,似乎真係貴咗啲,難怪有網民喺Twitter鬧爆,仲吸引好多人留言支持,入嚟有回帶。

Read more ›
遊「東京迪士尼」扮傷殘呃著數     日本網民鬧爆
by / on 30/12/2018 at 2:57 pm

遊「東京迪士尼」扮傷殘呃著數 日本網民鬧爆

成件事唔知有冇內情有冇誤會,如果係真,都真係好無品!日本東京迪士尼有一個叫Happiest Surprise嘅企劃,員工可以派特殊襟章俾遊客,每個襟章都可以享有一啲特別待遇,例如睇show坐前啲、買嘢食有優惠等等,最近有人就發現有個坐輪椅嘅男仔收到18個襟章,不過無幾耐就發現同行著黑色風褸嘅女士,竟然同呢個坐輪椅嘅男仔調位!即係話呢個男仔根本係扮傷殘!網民睇到之後鬧爆,話佢哋為咗呃著數侮辱咗真正傷殘嘅人,亦有人話咁做會令其他人懷疑真正傷殘嘅人士,係一件好恐怖同壞心腸嘅事,真係超睇越嬲。

Read more ›
【家長注意】日本網民鬧爆 廁所小童椅近開門掣
by / on 22/09/2018 at 8:37 am

【家長注意】日本網民鬧爆 廁所小童椅近開門掣

會帶埋小朋友去日本嘅朋友要注意。最近呢個月Twitter好多人討論呢款廁所兒童椅,有網民發現佢嘅設計好有問題,因為旁邊嘅開關掣居然係小朋友可以伸手觸及嘅!即係放個小朋友上去坐定定,但係佢一多手撳製就會開門……

Read more ›
Crocs出高踭涼鞋惹爭議     火速斷市網民鬧爆
by / on 15/07/2018 at 1:55 pm

Crocs出高踭涼鞋惹爭議 火速斷市網民鬧爆

Crocs嘅鞋出名舒服,不過靚唔靚就見仁見智。佢哋最近推出咗款女裝高踭鞋引起網民熱烈爭議,對鞋嘅型號係Cyprus V Heel,賣美金$55,個樣好平實,重點係好快就賣斷市!網民反應兩極化,有人話對鞋超舒服,著住跑馬拉松都得,不過亦有人話好難接受,甚至話如果接受到呢對鞋嘅人唔配擁有一對腳,睇得出佢哋真係好唔鍾意呢款新鞋。BTW,你又鍾唔鍾意Crocs嘅鞋?有無人想買返對呢款高踭鞋?

Read more ›
Sony E3演奏樂器涉嫌歧視    網民鬧爆原來跟車太貼
by / on 19/06/2018 at 7:13 am

Sony E3演奏樂器涉嫌歧視 網民鬧爆原來跟車太貼

原來今年Sony PlayStation嘅E3發佈會發生咗段小插曲,話說介紹遊戲《Ghost of Tsushima》時,Sony搵咗人吹奏類似笛嘅樂器「尺八」,不過就引起網民Dani Jo喺Twitter嘅指控,話唔明點解Sony唔搵返日本人著返傳統日本服去演繹,而要搵外國人?件事仲牽連到種族問題,之後好多人留言鬧爆Sony,不過呢個時候有個日本人留言回覆,話其實演奏者Cornelius Boots係現存其中一個識呢種樂器嘅大師。留言之後,Dani Jo開始封鎖留言,之後仲刪埋個Twitter戶口。呢個故事教訓大家唔好跟車太貼,同埋鬧人前記住Google吓先。

Read more ›

日本MariCar遊客鏟上行人路 網民鬧爆影響任記形象
by / on 04/05/2018 at 7:58 am

日本MariCar遊客鏟上行人路 網民鬧爆影響任記形象

好多外國遊客鍾意去日本揸呢款MariCar,間公司而家面對緊任天堂嘅版權訴訟問題,後者索償緊1千萬円,同時間佢哋嘅安全問題都成為好多人嘅討論焦點。近來有越嚟越多意外發生,最近又有一單,事發地點係東京六本木,有架MariCar鏟咗上附近一間餐廳嘅門口,撞爛咗個招牌停咗喺道牆前面,司機據知係一個30幾歲嚟自新加坡嘅女士,件事喺Twitter好多日本人討論,有人話會影響任天堂嘅形象,有人話遲早有更嚴重嘅意外發生,政府應該要收緊對呢類型車嘅監管,如果準備去日本揸MariCar嘅記住要小心,唔好影響其他人甚至危害到自己嘅性命,諗清楚先好。

Read more ›
【新片速報】日本吉祥物為上位經常自殘 網民鬧爆:「太危險!」
by / on 27/02/2018 at 7:16 am

【新片速報】日本吉祥物為上位經常自殘 網民鬧爆:「太危險!」

之前都報導過,而家喺日本做吉祥物唔容易,競爭好大,為咗出位,好多時要搵命搏。呢個高知縣須崎市嘅觀光大使就係最佳例子,經常喺Twitter上載佢嘅「搞笑」場面,有時係撞牆,今次就喺彈床度跳跳吓撻咗落地,成功吸引到過百萬views。不過就有唔少留言鬧爆,話其實咁做好危險好易整傷,而且佢係好多小朋友嘅偶像,咁做會教壞小朋友。無論如何,用自殘方法吸引人注意都係太極端嘅行為,唔值得呀。入嚟有回帶片。

Read more ›
【公關災難】外國Dove廣告涉種族歧視    官方道歉網民鬧爆
by / on 10/10/2017 at 7:39 am

【公關災難】外國Dove廣告涉種族歧視 官方道歉網民鬧爆

Dove沐浴露又引發公關災難。呢兩日喺外國Twitter好多人談論呢個新廣告。黑人女人除咗件T恤之後變白人,好多人話係種族歧視,Dove最終道歉兼將廣告落架。睇返之前Dove都試過有類似嘅廣告出街。不過留言都有正反兩面,有人睇完成段廣告片之後話其實只係想表達Dove適合唔同膚色嘅人用,如果將白人女人同黑人女人嘅出場次序調轉就唔會有今次嘅爭議,大家又點睇?

Read more ›