by / on 22/03/2017 at 9:24 pm

司徒劍僑網上連載《絕行者》 十粒星推介

終於有空,可以靜靜欣賞喺漫畫App「騰訊動漫」連載嘅司徒劍僑作品《絕行者》,睇完第六回,大致感覺係──題材新鮮、故事節奏明快、角色性格鮮明、構圖好有電影感。地產商、釘子戶、飛車特技、電單車、武功、劍氣、神秘死亡預言……明明幾樣嘢好九唔搭八,居然撈埋一齊嚟講又好有紋有路;故事推進得好快,第一回已經有人死,第六回已經打到飛天;角色方面,高飛有情有義、Andy狂傲難馴、安安真係安安份份地做花瓶、「九龍皇帝」畢老死牛一面頸、神秘女高手草菅人命,全部都令人留下深刻印象;構圖亦係精采,尤其Like劍氣當地盤工具係豆腐咁割連續嗰幾格,實在係正。有讚無彈?係呀,無收司徒劍僑錢,我有嗰句講嗰句,真心覺得好正,如果之後可以出埋實體書就好咯,咁當然,首要條件係唔好爛尾先喇。

Read more ›