by / on 14/11/2015 at 10:38 am

《愛殺寶貝》聲優「高部愛」疑吸毒 網民:「世界第一可愛嘅癮君子!」

講起日本女星吸毒,除咗酒井法子,最近多咗個叫高部愛嘅女星。佢除咗係女子組合「美少女俱樂部31」嘅前成員,仲係動畫《愛殺寶貝》(キルミーベイベー)嘅聲優,聲演角色吳織亞切,可能因為咁,吸引到宅男嘅注意,2ch最近好多網民討論,因為噚日涉嫌吸食可卡因毒品嘅佢被釋放,而且證實已經懷孕,日本網民反而將焦點放喺佢嘅素顏樣上面,有人留言話:「等等,好可愛喎!」、「有啲似佐佐木希」、「世界第一可愛嘅癮君子!」、「素顏都咁靚?太強了!」、「釋放啦,快啲放佢返聲優界。」不過返聲優界似乎無乜可能,因為自從10月爆出呢單新聞後,佢所屬嘅聲優事務所已經即時同佢解除合約,動畫官網亦即時移除佢嘅資料,同佢有關嘅作品包括之前配音嘅《青之花》、《放浪男孩》都要下架,不過呢幾套作品嘅BLU-RAY反而喺日本Amazon火速賣斷。唉,行錯一步前途就咁斷送,其實都幾可惜。

Read more ›