fbpx

Tag: 高達

新片速報 PS3/PS Vita《Gundam Breaker》模型任你砌

新片速報 PS3/PS Vita《Gundam Breaker》模型任你砌

之前啲畫面都見過啦,就係高達頭、新安州身都冇問題,你砌得出就可以喺《Gundam Breaker》呢隻PS3/PS Vita遊戲入面出戰!今次呢條片就睇得更加清楚到底係點換裝,上下身砌埋會對移動性、攻擊力、防守力有唔同影響。不過咁,我情願能力低啲都唔會將高達砌到咁鬼核凸。遊戲由Namco Bandai開發,預計今年內推出。

Read more ›

新片速報《機動戦士ガンダムUC》第6集預告

新片速報《機動戦士ガンダムUC》第6集預告

自從Unicorn宣佈會出多一集,第7集先完結,我個心當堂定咗落嚟,如果唔係啲劇情點交代得晒呀?第6集DVD同BD會喺3月22日推出,官方就發佈咗短版嘅預告片,咦?唔記得第5集講到邊?係,翻睇啦!至於會唔會買藍光?我就唔會住,因為我深信佢出晒7集,一定有特別版套裝……

Read more ›
「超.大河原邦男展」今年3月兵庫縣睇高達

「超.大河原邦男展」今年3月兵庫縣睇高達

鍾意元祖高達,一定係大河原邦男嘅fans,喺嚟緊3月23日至5月19日,日本兵庫縣立美術館就會搞一個名為「超.大河原邦男展(Legend of Mechanical Design)嘅展覽,當中展出《科學忍者隊ガッチャマン》(1972,港譯《神勇飛鷹俠》)、《太陽之牙》(1977)、《機動戦士ガンダム》(1979)等作品原畫,呢幾個月去開關西旅行,又多個朝聖點!

Read more ›
新片速報 台場高達聖誕亮燈實況

新片速報 台場高達聖誕亮燈實況

嘩,讀書嘅唔駛講嘢,今個月考完試放長假,唔打機都唔知做咩好!返工嘅都唔錯,又有冬至,又有聖誕假紅日,都係歡樂天地!有冇計劃去日本旅行,如果有,你一定要俾女友睇吓呢條片,去台場潮聖睇高達唔悶o架。呢條係日本網友拍攝台場1比1高達聖誕燈飾亮燈當日嘅情況,加晒快鏡咁,又燈飾又音樂又投射影片,去啦去啦!如果諗住留喺香港,更加要睇吓呢條片,輕輕感受吓,好過冇!

Read more ›
模型油到似動畫 70年代塗裝風格

模型油到似動畫 70年代塗裝風格

睇吓上邊左邊張圖,你會以為係一張好普通嘅安彥良和風動畫圖?但當你睇埋右邊個架幅圖,你就會知佢係一隻經過70年代動畫風塗裝技巧嘅高達模型!砌模型係為咗將2D人物3D化,呢位高手就啱啱相反,將模型油到變成動畫咁!呢個作品係「第13回Hobby Japanオラザク選手權」參賽作品,可惜嘅係以一分之差,連季軍都攞唔到,不過,我就覺得佢創意滿分喇!

Read more ›
限量產品登場 Gundam Café進駐東京車站

限量產品登場 Gundam Café進駐東京車站

有女朋友嘅你,去日本旅行,有時真係身不由己,你想去秋葉原咩?佢要你去原宿涉谷shopping,你要去台場搵高達?佢要去迪士尼喎?呢一刻,你會明白人生係充滿挫折。不過唔緊要,高達永遠都站喺你嗰邊,啱啱官方就宣佈第3間分店「東京車站店」會喺12月20日開幕!面積61平方米,有26個位,除咗紅渣咖喱嗰啲之外,不過有新嘢喎!有東京車站限定嘅杯墊同玻璃杯,杯底有個Haro,趁轉車時間,三倍速去掃貨啦!如果監管太嚴,飲杯Haro咖啡都得啩?Sir!

Read more ›

台場Gundam Front 「機動戦士ガンダム 第08MS小隊展」實況

台場Gundam Front 「機動戦士ガンダム 第08MS小隊展」實況

去東京旅行會山長水遠去台場拜高達,唔使講都係知你係行家。咁既然係行家,應該都睇唔少高達,對我嚟講,繼0079之後,《馬沙之反擊》係黃金年代,OVA就有《0080 口袋裏的戰爭》,機體靚到呢!再之後,就輪到《0083》同埋呢套寫實啲嘅《08小隊》!今個月(即日至30日)去拜完1比1高達上完香,記得上7樓Gundam Front,因為有個「機動戦士ガンダム 第08MS小隊展」舉行緊,有實景模型、設定圖等展出,仲有DVD、Blu ray買,包你駛大啲!

Read more ›
New Type必食 HARO肉包登場

New Type必食 HARO肉包登場

之前大家都睇過初音喺Family Mart個肉包有幾恐佈,真係心痛死人!今次輪到高達中阿寶嗰個Haro(ハロ),好彩嘅係今次唔係喺便利店包住賣,而係喺Gundam Cafe賣,起碼唔會壓扁變晒形先!呢個肉包由10月5日起會喺秋葉原店同東京台場Diver City有售,200日元一個,8厘米直徑,食咗變New Type。

Read more ›
新片速報《Gundam Breaker》玩實景砌模型

新片速報《Gundam Breaker》玩實景砌模型

啱啱Namco Bandai喺遊戲展公佈嘅PS3/PS Vita動作遊戲《Gundam Breaker(ガンダムブレイカー)(暫名)》將會喺2013年推出,而喺會場睇到嗰段片亦終於發佈出嚟喇。片中可以睇到高達可以喺現代實景好似台場呢啲地方戰鬥,而且RX-78都分大細,已知就係以模型為主題,所以,有1/144、1/100、1/60嘅唔同比例!咦?咁MG活動能力會唔會好過HG?RG呢?PG呢?

Read more ›
9/29展出 東京台場1比1花之高達

9/29展出 東京台場1比1花之高達

東京台場有隻1比1高達長擺大家都知,高達迷都應該去敬咗個禮啦!喺嚟緊9月29日至10月28日仲有新嘢,就係一個高約7米嘅高達胸像!都有成隻咯,仲胸咩像啫?呢個胸像係回應番之前張高達花花海報,同支持綠化東京行動「第29回全国都市緑化フェアTOKYO」而整嘅,所以全個胸像都係用真花砌出嚟,仲話用咗超過10,000包括海棠花、百日草等嘅花朵!

Read more ›
現身大阪駅 1比1高達……模型盒展覽館

現身大阪駅 1比1高達……模型盒展覽館

Bandai出嘅RG系列越出越好,越出越精細,搞到玩開大碼MG嘅我都想買隻砌吓!繼宣佈會推出Zeta Gundam之後,仲會喺8月15日開始至21日於JR大阪駅展出呢個超巨型RG模型盒……呢個盒闊其實係一個展示空間,闊8.3米,裏頭會展出最新模型,都係嗰句,去開京阪神,順便梗係去埋啦!

Read more ›

STRICT-G x JAM HOME MADE 高達解毒潮物

STRICT-G x JAM HOME MADE 高達解毒潮物

邊個話毒唔可以潮,一時間要毒男解毒,可能佢會打喊露出紅疹周身唔自在,所以,要一步步嚟。先要戒甩去Uniqlo買動畫Tee呢條癮,再嚟就可以進階駛多啲錢,買啲銀製飾物。其實,銀器飾物其實都可以潮中帶毒,日本潮牌JAM HOME MADE今年就同高達嚟個crossover,推出一系列高達銀器,嘩!個高達頭吊咀裏頭有核戰機o架!台場Gundam Front有得賣呀!出擊啦!新類型潮人!

Read more ›
全高6米 月中現身 站在大陸上的高達

全高6米 月中現身 站在大陸上的高達

唓!高達一早出現喺大陸啦,日本冇出過嘅模型,有!出過嘅,又會改良再減低成本再出!1比1高達呢?唔知大家有冇睇過新聞,之前有個山寨版,冇白色咁寡,黃色o架!不過今次要講呢個,係攞正牌嘅!叫「RX-78-2 Gundam China Special」,會喺萬代廣州將於上海舉辦嘅「第8屆中國國際動漫遊戲博覽會」內展出,仲有限量模型出,仲由中國漫畫家集團擔任色彩設計!同陳浩南一樣,有條龍喺身o架!咦?中國漫畫家……哦!我記得喇!之前有本中國隊長吖嘛!

Read more ›
周末開機 PS3《機動戰士高達Battle Operation》中文字幕PV

周末開機 PS3《機動戰士高達Battle Operation》中文字幕PV

連放三日假,仲要打風添,咁有咩遊戲玩呢?煲完《Lollipop Chainsaw》,成日打《Metal Gear Solid HD》又悶悶地,咁梗係要下載呢隻免費嘅《機動戰士高達Battle Operation》試吓,睇吓有幾好玩!呢隻遊戲只可以喺日本PSN下載到,因為係免費,人人都可以DOWNLOAD,想了解多啲?呢度有段最新5分鐘宣傳片詳細介紹,仲有有心人落埋中文字幕,開機前必睇!

Read more ›
PS3免費下載 6月28日連線對戰《機動戰士高達Battle Operation》

PS3免費下載 6月28日連線對戰《機動戰士高達Battle Operation》

由NAMCO BANDAI Games開發,於6月28日可以喺PSN下載嘅online對戰遊戲《機動戰士高達Battle Operation》,啱啱公佈各項收費情報。不過放心,下載遊戲唔駛錢,免費都有得玩,雖然暫時就只限日本PSN,但只要你有日本PSN,就可以有得玩!想買嘢,都可以出去買張點數卡,侵埋你玩!

Read more ›