Post Tagged with: "高科技"

【有片】日本網民發現 IKEA「衞星兵器」   高科技吊燈似「獨角獸」爆甲又似《Halo 4》
by / on 21/02/2020 at 7:39 am

【有片】日本網民發現 IKEA「衞星兵器」 高科技吊燈似「獨角獸」爆甲又似《Halo 4》

其實早幾年都已經有類似嘅產品,亦都有人玩過。你哋有冇喺宜家傢俬見過呢件兵器先?唔係,係吊燈先啱。日本Twitter最近熱傳呢盞燈,網民話睇落好似衞星兵器,拉掣仲會解體,好高科技咁,有無興趣買返個?之後大量網民出圖出片回應,有人仲話似足Halo 4,亦有人話似電影同動漫,入嚟有得睇。

Read more ›

「淚袋」+「雙眼皮」= 無敵? 日本網民熱烈討論
by / on 20/04/2016 at 7:14 am

「淚袋」+「雙眼皮」= 無敵? 日本網民熱烈討論

「淚袋」呢樣嘢都講咗好耐,咁究竟有同無係咪差咁遠?最近2ch網民放咗兩位女素人嘅合照上網,標題係:「有無雙眼皮同淚袋可以相差咁遠wwww!」大家都覺得左邊嗰位女仔大眼加淚袋靚過左邊嗰個好多,有唔少網民回帶睇返古今中外嘅明星,發現絕大部份靚仔靚女都有個淚袋,亦有人試吓key走明星們嘅淚袋,發現又真係怪怪哋。不過單眼皮嘅唔駛傷心,有唔少網民留言話鐘意單眼皮女生,仲話覺得右邊嗰位女仔幾靚女,仲似乎好易相處,大家又點睇?

Read more ›
【喵生活3.0】高科技改變喵星人習慣 狂玩iPad狂上網
by / on 20/04/2016 at 7:12 am

【喵生活3.0】高科技改變喵星人習慣 狂玩iPad狂上網

科技改變咗人類生活,原來喵星人嘅生活都有翻天覆地嘅轉變。外國網站搜羅咗大量喵星人before & after嘅生活照,例如以前瞓電視頂嘅喵,而家轉咗薄芒電視之後無得瞓;或者以前鍾意瞓喺本書入面,而家就改為瞓喺手提電腦面;以前玩池塘入面嘅真金魚,而家就玩iPad上嘅捉魚遊戲,作為貓奴嘅你睇完應該會好有共鳴。

Read more ›
新片速報    東京馬拉松Dole高科技香蕉   邊跑邊顯示心跳?
by / on 25/03/2015 at 7:08 am

新片速報 東京馬拉松Dole高科技香蕉 邊跑邊顯示心跳?

之前都介紹過日本Dole趁2014年東京馬拉松整咗條獎牌香蕉,上面印有完賽時間等資料,好受歡迎。嚟到2015年,Dole又有新嘢發佈,今次佢哋創作咗一條高科技蕉「Wearable Banana」,可以邊跑邊計時速同埋測量心跳再顯示喺蕉面,又可以顯示朋友喺社交平台send出嚟嘅鼓勵留言,完咗仲可以食埋條蕉,有埋片睇似層層,但係諗真啲就覺得有可疑,但係呢,又未到4月1日,究竟係點呢?信唔信?我睇唔透。

Read more ›
日本網民熱傳     高科技黑板刷好方便
by / on 24/03/2015 at 7:11 am

日本網民熱傳 高科技黑板刷好方便

讀書時候都試過做值日生,最怕就係要擦黑板,因為用黑板刷刷極都白濛濛唔乾淨,最方便都係用條毛巾濕啲水抹,不過又好繁複喎。最近好多日本網站都出咗呢張圖,有個類似高科技黑板刷嘅儀器,可以自動刷黑板,而且刷得好乾淨。有網民就話不如第時換埋LED顯示屏,連黑板都唔駛用,但係無黑板嘅課室,我就覺得少咗啲青春嘅感覺‥‥‥

Read more ›
有片   2015自拍神器     遙控飛機最啱高炒
by / on 02/12/2014 at 8:00 am

有片 2015自拍神器 遙控飛機最啱高炒

老實,自拍神器嗰支棒拎出街已經唔型,所以想玩自拍可以諗吓呢件高科技新產物Zano,外形好似一架迷你遙控飛機,全程用手機操控,影相拍片都得,仲可以飛到極高影,下巴即刻尖晒。影完撳個掣就可以將啲相同片過返晒落手機再開心share。暫時喺kickstarter集緊資,預計下年3月量產。

Read more ›

有片 萬聖節高科技服裝 鬼眼識郁夠搶眼
by / on 13/10/2014 at 7:03 am

有片 萬聖節高科技服裝 鬼眼識郁夠搶眼

萬聖節仲未到,不過如果咁好彩有party去 (我都想,唔計海洋公園呀!)要諗著咩衫,呢幾件高科技衫肯定可以令你成為全場焦點。設計師Mark Rober嘅每件衫都會留返個窿,比大家將部電話塞入去,之後開著個APP,啲假眼假腦就會以動畫方式呈現,即係你身上面嘅怪嬰對眼識得望嚟望去,又好玩又驚嚇。問題又嚟喇,電話無電或者想問現場嘅靚女交換facebook時點算好?啲衫賣美金25至70不等,網上有得訂,app就免費下載嘅。

Read more ›
《回到未來》波鞋Air Mag  / 核融合裝置Mr. Fusion有得買
by / on 21/09/2014 at 8:16 am

《回到未來》波鞋Air Mag / 核融合裝置Mr. Fusion有得買

Hot Toys推出嘅電影《回到未來》時光車DeLorean Time Machine,就算要等到2016先攞貨,依然有大把人爭崩頭湧去落訂。除咗買車買角色,真心fans仲可以考慮埋最新宣佈推出嘅Marty McFly高科技波鞋Air Mag,同埋第二集出現嘅核融合裝置Mr. Fusion。前者由HalloweenCostumes.com設計,預美金98.99;後者就由Diamond Select Toys公司推出,預計美金399.99,15年2月發售。細心嘅你應該留意到,波鞋無NIKE嘅Logo,不過底部一樣識著燈,都算有誠意!

Read more ›
有片    貓奴恩物   遙控鏡頭紅外線玩具熱賣
by / on 25/05/2014 at 7:18 am

有片 貓奴恩物 遙控鏡頭紅外線玩具熱賣

貓奴注意!如果你見少屋企隻貓貓一陣都出紅疹集中唔倒精神,呢個高科技貓咪玩具Kittyo可以救你一命。當你唔喺屋企時,開者個app就可以搖控呢個裝置,首先可以透過喇叭嗌佢引起貓貓注意(如果佢應你嘅話),然後放射出令貓貓瘋狂嘅紅外線,你可以透過手機遙控操作同佢玩追,全程透過手機鏡頭睇倒,仲有得即時錄影隨時重溫。玩完之後,又可以跌返粒零食出嚟獎勵吓佢,簡直係貓奴恩物!Kickstarter而家集資中,美金$99嘅名額已經售罄,美金$119嘅名額仲有少量,預計今年11月發貨,貓奴們,行動吧!

Read more ›
新片速報   高科技紙飛機    手機遙控好襟玩
by / on 01/12/2013 at 5:13 pm

新片速報 高科技紙飛機 手機遙控好襟玩

細個有無摺過紙飛機?今時今日嘅智能手機年代,紙飛機都要進化到3.0,呢款喺Kickstarter集緊資嘅紙飛機我都想買返部,自己摺完之後,裝返個特製裝置上去,再喺手機裝個app,就可以用手機控制紙飛機,睇片見倒好好玩。玩完無電唔駛驚,插USB就可以叉返電,而且個裝置好襟撞,唔會好似模型飛機咁撞兩下就散,可惜只係支援蘋果產品,呢樣要扣分。

Read more ›
好玩!寵物高科技玩具    捉雷射點真正啱玩
by / on 29/09/2013 at 3:11 pm

好玩!寵物高科技玩具 捉雷射點真正啱玩

屋企嘅寵物終於有高科技玩具玩!呢款名為Petcube嘅玩具,一個簡潔箱仔,有齊camera、mic同埋貓狗最鐘意嘅雷射紅點。當你出咗街又掛住佢,就可以開者個手機app睇佢有無瞓晏覺,嗌吓佢個名,最正係可以開著畫面同佢玩「捉雷射點」嘅無聊遊戲,雖然簡單,但係貓仔真係好鐘意,好過你開著套膠劇《神鎗狙擊》毒害佢。Petcube而家喺kickstarter集資中,反應好好,而家美金$149套餐仲有少量名額,要買快手。預計下年5月到貨。

Read more ›

日本高科技廁所被轟    入侵後不停噴水吹風
by / on 04/08/2013 at 1:47 pm

日本高科技廁所被轟 入侵後不停噴水吹風

日本廁所出名多嘢玩,吹風灑水播歌乜都得,其中可以用手機app操控嘅日本智能廁所SATIS最近就被轟,保安公司Trustwave話由於所有SATIS廁所嘅hard-corded藍芽Pin都係0000,所以任何人裝咗個app之後,都可以操控附近嘅廁所,咁問題就嚟嘞,不法之徒可以操控佢不停沖廁增加商戶成本,最大鑊係你如如吓廁,旁邊有人想整蠱你不停噴水吹風你都無仇報,嘩,好驚呀!

Read more ›
有片  高科技時裝   眼部追踪自動發光
by / on 26/06/2013 at 6:50 am

有片 高科技時裝 眼部追踪自動發光

科技+時裝,唔一定就等於太空衣,加拿大華裔設計師Ying Gao之前設計過會因應穿者心情而改變透明度嘅服裝,前衞得嚟好sexy,最新作品 (No)where (Now)here係呢兩套有眼球追踪功能嘅連身裙,當有人注視時,物料會郁動甚至發光,雖然條裙嘅設計真係幾靚,睇片又真係幾神奇幾3D,但我諗唔通呢個功能有乜實際作用。另外,我估你都想見識嗰套隨心情而變透明嘅科技裙,入嚟有回帶影片。

Read more ›