【懷舊mode】高橋由美子當年舊相 日本年青網民激讚

《大時代》啱啱播完,個人有啲空虛,好掛住慳妹、紀文、婷婷同埋玲姐。日本嗰邊都興懷舊,有網民喺討論區放咗曾經紅極一時嘅日本女星高橋由美子嘅舊相,當年13歲嘅佢樣貌勁清純可愛,同而家千年一遇嘅美少女比一啲都唔輸蝕,網民都勁讚可愛。不過條題係「美少女從13歲到41歲」,樓主都放埋高橋由美子最近上電視嘅近照,多咗個雙下巴,黑眼圈深咗,網民話:「時間流逝真係殘酷啊!」不過另一邊廂聽日發售嘅雜誌《週刊ポスト》就搵咗佢影咗輯性感相,都幾大膽喎。

Read more ›