台灣「高捷少女痛車」啟動 萌爆4少女揚威日本

台灣同日本好近似,動漫氣氛都好濃烈,最近高雄捷運就有呢架「高捷少女痛車」誕生,架車由即日起至11月1日喺高雄捷運橘線行駛,合共有4位高捷少女成員登場,睇落畫功唔錯,網上仲有「下一站.與你」PV試聽版聽,萌爆!開幕當日有少女扮服務員同Lolita做宣傳,好多動漫迷都專程去影相,件事傳到去日本,網民反應好熱烈,大讚:「架車超乎想像地痛,超越日本!」、「不過啲台灣Lolita打扮嘅女仔就醜咗啲‥‥‥」、「畫風勁似日本嘅萌畫。」去開台灣旅行嘅可以去撞吓彩。BTW,8月31日前仲有架One Piece海賊王列車喺高雄捷運紅線行駛,動漫迷好忙。

Read more ›