雖然多咗個「o」，但都估到「Skeletoon」主角係副骷髏骨頭，又係一個純考反應嘅低能遊戲，值得一讚係畫面用色幾陰森恐怖，聲效都鬼聲鬼氣，畀Like。

臨近萬聖節，大把關於Halloween嘅免費Game出籠，「Slingshot Zombies」刁鑽啲，用丫叉射殺一眾妖魔鬼怪，好考你眼界。

萬聖節於我，只係一個商家佬出師有名賺大錢嘅節日，但既然聖羅蘭都扮得老佛爺幫海洋公園宣傳，而「有機網」又作為全香港最好睇嘅打機動漫網站，點都要搵番個Game畀大家應吓節，就呢個免費遊戲「Splatter the Difference」啦。