Post Tagged with: "騙案"

日本扭蛋機終極騙案   隱藏角色黑色問號
by / on 27/09/2019 at 7:43 am

日本扭蛋機終極騙案 隱藏角色黑色問號

係嬲嘅,日本福岡県北九州市地區英雄就去咗扭Bandai呢部扭蛋機支持自己,咁一般都會有個隱藏角色,當佢抽到時,結果竟然真係得黑色問號,有無得投訴?BTW,有網民喺另一部機都有相同經歷,入嚟有相。

Read more ›

日本「童年崩壞」玩具騙案       浸泡「美人魚」變晒樣
by / on 09/10/2018 at 7:31 am

日本「童年崩壞」玩具騙案 浸泡「美人魚」變晒樣

係騙案呀!日本有網民喺東京鐵塔水族館買咗款美人魚玩具俾阿囡,本來係個貝殼,聲稱浸泡3日後隻美人魚就會出現,阿囡每日都充滿期待咁去睇,點知第三日終於出嚟嘞,但就變咗咁嘅樣,完全同圖片不符!阿囡被嚇親,仲話唔想返學(無直接關係!)。樓主忍唔住張啲相放咗上網,仲喺Twitter熱傳緊。再睇返個close up咗嘅「美人魚」樣,又難怪小朋友發脾氣嘅。入嚟仲有其他網民嘅親身經歷,原來呢款浸泡公仔經常出事,入嚟有回帶,下次見到要小心。

Read more ›
世界級騙案 日本網民食「蝦天婦羅」見甘蝦
by / on 11/07/2017 at 7:30 am

世界級騙案 日本網民食「蝦天婦羅」見甘蝦

呢類型嘅騙案喺中國經常發生,不過今次係日本網民分享嘅。佢點咗一件天婦羅炸蝦,不過拆咗皮之後‥‥‥入面隻蝦細到懷疑係甘蝦,不過可以炸到咁大咁脆都要幾高嘅功力,就算唔係世界級都應該係國家級嘞。而且睇落都算係一件藝術品。

Read more ›
【SNOW騙案】日本野獸先輩 男人變可愛狗仔太過份
by / on 13/03/2017 at 7:43 am

【SNOW騙案】日本野獸先輩 男人變可愛狗仔太過份

SNOW呢個手機影相App真係世界上最大嘅騙案,最近有日本網民拎咗經典嘅野獸先輩嘅相出嚟,透過SNOW加工之後,野獸先輩居然變咗個好可愛嘅女仔,連樓主都話SNOW絕對無信用可言!BTW,野獸先輩通常指日本AV演員田所浩二,現今下落不明,但佢喺日本網民心目中一直地位超然。

Read more ›
【騙案】韓國網上熱傳美女P圖 長頸男激似《寄生獸》
by / on 18/01/2017 at 7:08 am

【騙案】韓國網上熱傳美女P圖 長頸男激似《寄生獸》

呢幾日大家睇朋友喺Facebook嘅P圖應該睇到好飽,不過有靚女嘅地方就有P圖,最近韓國熱傳呢張張相,圖中兩個靚女好搶眼,不過都唔夠後面個長頸男出眾!件事最近輾轉傳到去日本,網民嘅留言好精警:「魔界」、「個男仔有壓倒性嘅存在感」、「喺《寄生獸》入面見過」、「有無高手可以將佢還原?」,之後有網民重提之前P圖P到時空扭曲嘅藤原紀香,話:「可以同藤原紀香進行超自然能力對決!」入嚟有圖睇,係好笑嘅。

Read more ›
日本網民粉絲過萬放「素顏照」 史上最大騙案嚇親網民
by / on 07/12/2016 at 7:13 am

日本網民粉絲過萬放「素顏照」 史上最大騙案嚇親網民

網上嘅真相有時都幾難接受,最近日本2ch就好多人討論呢個帖,有位網民話因為自己嘅粉絲過咗一萬人,所以按照約定,將自己嘅素顏照放上網,證明自己無整過容。不過張素顏照就嚇親所有網民。先講平時嘅佢,眼大大戴晒大眼仔化晒妝,都有少少可愛嘅,點估到素顏照竟然係咁嘅樣?

Read more ›

【PS騙案】風景圖加重味精 PS前後對比圖一覽
by / on 07/04/2016 at 7:10 am

【PS騙案】風景圖加重味精 PS前後對比圖一覽

通常睇新聞都係叫我哋小心網友傳嚟嘅相,通常都會重手PS過,點估到原來風景圖都有詐騙案,而且PS力度仲勁。外國著名攝影師Peter Stewart好鍾意旅遊兼影相,而且好叻PS。最近佢將自己PS過嘅風景相Before and After舖晒出嚟比大家對比吓,唔怪得之喺網上見到好靚嘅風景,到你親身去到時,永遠都係差咁啲,原來就係差咁啲PS技巧。

Read more ›
【騙案】日本大叔變少女 手機P圖App「Beauty Plus」萬惡根源
by / on 23/03/2016 at 7:15 am

【騙案】日本大叔變少女 手機P圖App「Beauty Plus」萬惡根源

其實都唔怪得呢位日本大叔嘅,只可以話而家嘅P圖App實在太強,強到連大叔都可以變少女。呢張P前P後對比圖呢兩日喺Twitter爆紅,相中嘅大叔用咗美圖App「Beauty Plus」,皮膚變白變滑,啲少女味滲晒出嚟,其他網友仲P上P一齊出手,效果好嬌俏,偶像級。其實呢類型嘅App應該立例要加返水印,減低網民被騙嘅危機。

Read more ›
【警訊時間】日本兩女騙徒又犯案 化妝易容嚇網民
by / on 10/01/2016 at 2:16 pm

【警訊時間】日本兩女騙徒又犯案 化妝易容嚇網民

《警訊》到今時今日仲存在,因為騙案每日都發生,女士化妝易容騙案經常見到,啱啱日本網上又熱傳兩宗騙案,由於騙徒手法極之高明,所以一定要分享等大家可以警惕吓。先講第一單,有位女士上咗電視節目,其中佢張Before & After嘅相就令2ch網民嘆為觀止,鼻同嘴其實無乜點變,但對眼‥‥‥由單眼皮豆豉眼變成又大又圓嘅雙眼皮靚眼,連現場嘉賓都嚇到呆咗無反應。另一位就係喺Twitter幾出名嘅@_5m91,佢經常公開自己嘅before&after相,出名哨牙嘅佢每次都會戴口罩,再將單眼皮變成超靚大眼,近排又有新相,化完妝嘅佢我夠膽講絕對係女神級數。

Read more ›
【日本街頭騙案】喵星人成功上樓     瞓暖爐進駐豪宅
by / on 05/12/2015 at 1:20 pm

【日本街頭騙案】喵星人成功上樓 瞓暖爐進駐豪宅

大家都睇慣日本街頭嘅喵星人騙案,今次呢隻仲威威,因為佢搵到間大富之家,入咗豪門以後有排嘆。話說樓主話呢隻喵星人晚晚都喺停車場叫,於是帶咗佢返屋企,之後就放咗好多喵星人喺屋企變大爺嘅相,網友就見到佢屋企原來有個好大嘅暖爐(有火嗰種傳統火爐,勁!),屋企睇落仲好大,喵星人發現自己入咗豪門都好囂張,長期喺火爐前,加埋頸上面個新買嘅噹噹,即刻升價十倍!嚟到冬天,希望有更多街頭騙案發生,多啲喵星人成功上樓啦!

Read more ›
【騙徒曝光】日本59歲失業大叔 誤買AKB成員「山本彩」假冒簽名泳衣
by / on 05/09/2015 at 10:28 am

【騙徒曝光】日本59歲失業大叔 誤買AKB成員「山本彩」假冒簽名泳衣

騙徒嘅手法層出不窮,最近日本有單新聞喺討論區好多人談論,話說有個24歲嘅日本無業男子,將假冒有「NMB48」兼「AKB48」成員「山本彩」同「渡邊美優紀」嘅泳衣放上Yahoo網拍賣,最後有兩個59歲嘅大叔中招,被騙走21萬円,即係萬四蚊港紙左右,呃人嗰位最後被拘捕,仲連樣都登埋出嚟。不過網民就唔多同情大叔,仲恥笑佢哋:「年紀越大果然越蠢啊!」、「好想知佢哋幾時發現自己被騙呢?」、「係咪拎上手聞嘅時候發現味道唔同咗?」睇返兩件泳衣,簽名位置都好奇特,除咗胸旁有簽名,泳褲仔中間都有簽名,一睇就知係假!BTW,上網隨手搵返兩位成員嘅相,果然有大量泳照,但就係無出事嗰兩件,果然有可疑,唔信入嚟睇吓。

Read more ›

薄過Air! ebay買MacBook得張相
by / on 07/02/2015 at 2:01 pm

薄過Air! ebay買MacBook得張相

之前都有讀者留言講呢段新聞,為防大家中招,我哋recap多次。話說我哋都聽過唔少淘寶騙案,估唔倒外國都有人中招,呢位叫Paul Barrington嘅英國人最近上ebay買咗部二手Macbook,點知收貨時發現件貨輕過羽毛,真係Air一樣喎!打開入面竟然係張MacBook嘅黑白相,勁dry。部機賣300英磅,佢話之前睇過賣家嘅account開咗幾年,唔似呃人,點知‥‥‥好彩ebay發言人話會幫佢徹查,而且應承會賠返錢比佢。咁都好啲,事緣佢將跟咗自己廿幾年嘅衝浪板賣咗,就係為咗買部電腦開展自己婚禮DJ嘅新事業,就咁無咗筆錢,真係慘慘豬o架。

Read more ›
爆笑科技騙案   網購iPhone慘變真蘋果
by / on 03/08/2013 at 2:53 pm

爆笑科技騙案 網購iPhone慘變真蘋果

呢類騙案我以為睇警訊先會見倒,除咗笑之外,都諗唔倒第二個反應。話說澳洲有個21歲女子想買iPhone,於是舖上網站搵賣家,有個女士聯絡佢,開價美金$1500賣兩部iPhone,兩個人仲約咗喺麥當勞交收,點知事主拎部機返到屋企開嚟睇,居然發覺入面只有真!蘋!果!我只可以話個騙徒相當有幽默感,而事主又好無common sense,喂,個蘋果咁重,你唔係以為係部iPhone啩?

Read more ›