fbpx

Tag: 騎呢

東京奧運新產品 超騎呢「太陽傘帽」免費派發防中暑

東京奧運新產品 超騎呢「太陽傘帽」免費派發防中暑

唔係P圖,係真正發生嘅。呢頂太陽傘帽係日前東京都知事小池百合子,喺「2020東京奧運會和殘奧會」記者會上公佈嘅新產品。為防止民眾喺戶外觀賞例如馬拉松比賽時過熱,官方特別研製咗呢款太陽帽,仲計劃喺比賽期間免費派發俾民眾。不過網民嘅反應就負評居多,有人話從示範者個樣已經知咩事,有人仲質疑點解小池百合子自己唔戴嚟示範‥‥‥

Read more ›

【圖集】日本Twitter熱玩「貓騎呢相片比賽」 大量崩壞圖超搞笑

【圖集】日本Twitter熱玩「貓騎呢相片比賽」 大量崩壞圖超搞笑

間唔中就會玩吓,最近日本Twitter好多人用hashtag「#猫の写真へたくそ選手権」,分享佢哋隻貓嘅騎呢相,絕大部份都係面容扭曲、動作浮誇,總之就係將佢哋最醜嘅一面公諸於世,入嚟有大量圖俾大家睇吓放鬆吓,超推介!

Read more ›
【有片】日本超騎呢「減壓睡眠法」   模仿子宮內BB睡姿

【有片】日本超騎呢「減壓睡眠法」 模仿子宮內BB睡姿

最近呢幾張圖喺Twitter好多人分享,事緣TBS喺節目《新・情報7days》入面介紹呢種「減壓睡眠法」,成年人可以重溫BB喺媽咪子宮入面嘅睡姿,據講可以有助減壓同矯正骨盤。不過網民就覺得好古怪,有人話留名等睇有人焗死,有人話喺遊戲《Resident Evil 7》入面見過。BTW,想試嘅話東京嘅「水天官整骨院」有呢個服務,每節50分鐘,3人同行每人2980円,不過要搵人同你一齊去都唔易。單人嘅話,一節25分鐘,開價7980円。

Read more ›
【超騎呢】日本人面麵包扭蛋 睇見唔開胃好想儲

【超騎呢】日本人面麵包扭蛋 睇見唔開胃好想儲

日本扭蛋出名設計古怪,繼我最鍾意嘅奇譚之後,最近呢間扭蛋公司「バカねプロダクション」都好有潛質,第一彈推出嘅扭蛋已經好驚喜。呢款人面麵包,一式四款,有豆沙包、咬咗一啖嘅豆沙包、多士同咖喱雞包,每個麵包上面都有個超迫真嘅人面,見到都唔開胃,但又好想儲喎。預計10月推出,到時去開日本記住留意吓嘞。

Read more ›
假冒品牌騎呢相集    海量品牌被迫造假

假冒品牌騎呢相集 海量品牌被迫造假

好多假嘢有時都幾有創意,尤其是大陸啲假品牌,似真得嚟改一兩隻字,唔留心啲好易比佢fake倒。網上搜羅咗大量假品牌,大部份來自中國同東南亞,好多都創意非凡,例如STAR FUCKS咖啡、Michaelsoft(讀音一樣)、Mike、Nokla、PolyStation,唔止名似,LOGO、顏色、設計都以到十足,而且由產品到餐廳都有,無處不在。

Read more ›
十大聖誕騎呢車   掛住燈飾周街走

十大聖誕騎呢車 掛住燈飾周街走

聖誕節又到假日車出動!揸車嘅或者過馬路嘅都要打醒精神,坐車嘅都要小心唔好亂執街邊嘅錢。抽完水講返正題,外國人好重視聖誕,除咗屋企佈置之外,架車都要全副武裝,網上搜羅咗10架勁爆聖誕車,有正正經經圍晒燈飾嘅、騎騎呢呢將棵聖誕樹楝喺車頂嘅,仲有‥‥‥呢個係咪聖誕老人嚟?

Read more ›

騎呢手機回顧特集    煙盒/法拉利/萬佛朝宗

騎呢手機回顧特集 煙盒/法拉利/萬佛朝宗

手機設計越嚟越悶,近幾年都係跟住iPhone演變出嚟嘅大芒touchscreen方向走,反而強國就唔同喇,經常有驚喜,網上搜羅咗大量奇形怪狀嘅手機,金色圓形嘅佛祖電話、萬寶路煙盒改裝成嘅手機、法拉利跑車造型嘅手機,有啲之前都見過,有啲而家都仲有人用緊,大開眼界。

Read more ›
18楝中國騎呢建築物   五粮液大戰茶壺大樓

18楝中國騎呢建築物 五粮液大戰茶壺大樓

間中都有呢類型專題,我特別鍾意鬼佬眼中嘅中國古怪建築物,呢啲咪外國勢力囉。今次專題列出總共18楝騎呢建築物,除咗大家見慣見熟嘅福祿壽大酒店,仲有幾楝我未見過嘅,例如成個巨型茶壺變成嘅大廈,又或者一大支五粮液隊喺你面前嘅大樓,18款入面梗有啲你未見過嘅,當溫故知新或者開拓吓眼界啦。

Read more ›
得意動物瑜伽圖集    紓緩睇波壓力

得意動物瑜伽圖集 紓緩睇波壓力

呢幾日睇波睇到好大壓力,係時候搵啲嘢睇吓輕鬆吓,我講嘅係得意動物呀!外國網站搜羅咗一班得意動物嘅瑜伽動作圖,有貓貓、狗仔、熊人、猩猩,全部都擺出高難度瑜伽動作,當然,佢哋唔係真係做瑜伽,而係咁啱得咁撟做緊啲伸展動作,但係效果好似真嘅一樣。其中有幾個動作真係好奔放,我睇到忍唔住大聲笑咗出嚟,係囉,雖然英格蘭同日本都輸波,都要笑住做人嘛。

Read more ›
日本綜藝節目騎呢合集    食鞋/玩鱷魚超嘔心

日本綜藝節目騎呢合集 食鞋/玩鱷魚超嘔心

日本綜藝節目出名玩得癲,外國網最近綜合咗15個超騎呢玩法,真係好瘋狂!例如輸咗要食鞋、比鱷魚喪追、吹氣球自爆,仲有啲好三級嘅玩法,有興趣慢慢睇。好在全部係GIF,3秒睇得完,睇完即刻覺得香港嘅綜藝節目好小學雞濕濕碎。

Read more ›
獵奇廁所系列     鬧市奔放如廁你敢唔敢?

獵奇廁所系列 鬧市奔放如廁你敢唔敢?

廁所日日去,最熟悉嘅除咗屋企就係公司/ 學校,有機會出去見識吓開吓眼界都唔錯。以下精選咗五款好有個性嘅廁所,包括玻璃地面深不見底嘅廁所格;一邊去一邊有靚女望實你嘅尿兜,之前介紹過嘅日本花園透明廁格,不過都唔及呢個爆,鬧市之中嘅透明廁所,不過係人哋睇你唔倒,你喺入面先睇倒人嘅特殊玻璃,比在係我應該屙唔出,你呢?

Read more ›

日本美容新招    騎呢美容帶減笑紋

日本美容新招 騎呢美容帶減笑紋

日本人貪靚之餘都好講創意,之前介紹過古怪雙眼皮托同埋增高鼻架,啱啱喺網站又有新發現,呢條美容帶聲稱可以減淡笑紋,戴住佢再跟指示做一堆擘大口再嘟嘴嘅指定動作,就可以減紋兼提昇面部輪廓。以美容器嚟講佢已經唔算樣衰,不過都強烈建議你匿埋喺房自己一個人時先好做,費事嚇親人,眾叛親離。美容帶盛惠港幣300左右,上網有得訂。

Read more ›
騎呢怪物大集合    日本懷舊風癲過《怪獸大學》

騎呢怪物大集合 日本懷舊風癲過《怪獸大學》

呢輯圖集據稱受哥斯拉、超人系列影響而創作,入面嘅怪物堪稱極之騎呢,但好有創意,例如好似毛毛蟲加貓樣嘅怪物啦、成面毒瘤加一隻大眼嘅怪異生物啦,全部由Rory Skagen創作,懷舊得嚟顏色又繽紛,好有懷舊日本風,如果有套動畫集齊晒咁多款騎呢怪物,會唔會驚嚇過《怪獸大學》?

Read more ›
新片速報   日本騎呢廣告大集合Part 2   七分鐘無悶場

新片速報 日本騎呢廣告大集合Part 2 七分鐘無悶場

上次報導過嘅騎呢日本廣告大集合,喺YouTube好受歡迎,閒閒哋已經三百幾萬views,再接再勵,今次佢哋再推出第二集,廣告新好多,有熟口熟面嘅木村、上戶彩、同埋‥‥‥尤達大師。講騎呢唔夠上集勁,不過七分鐘都好充實,星期一返工悶悶哋睇啱晒。

Read more ›
日本騎呢面膜   戴完再大嗌  瘦面去皺

日本騎呢面膜 戴完再大嗌 瘦面去皺

又係日本發明,不過七月份真係唔好隨便喺屋企敷呢個面膜,如果你唔係獨居嘅話。今次呢個面膜戴上面後,仲要配合不同嘅誇張表情,聲稱可以促進面部血液循環,緊緻提升,仲可以減少皺紋,每日用5分鐘就得,效果無人知。價錢都唔平,大約港幣450蚊左右,好彩可以洗完再循環使用。不過真係奉勸各位女士,千祈唔好喺男朋友或者老公面前用佢,費事嚇到佢以後唔識返屋企。

Read more ›