fbpx

Post Tagged with: "馬雲"

【有片】睇馬少飛《黃飛鴻傳奇》版頭插畫
by / on 17/07/2018 at 9:15 pm

【有片】睇馬少飛《黃飛鴻傳奇》版頭插畫

馬雲著、馬少飛繪、李志清題字嘅《黃飛鴻傳奇》,係我書展必買Item之一,係,我認,好大程度係因為封面畫得實在靚,所以好想擁有。為宣傳,馬少飛喺面書發放咗一條短片,內容關於書中章節嘅版頭插畫,睇完,唔知能夠打動你買書?

Read more ›

馬少飛操刀 馬雲《黃飛鴻傳奇》封面曝光
by / on 03/07/2018 at 9:45 pm

馬少飛操刀 馬雲《黃飛鴻傳奇》封面曝光

之前報導過馬雲今年書展會推出《黃飛鴻傳奇》,依家有封面睇喇。字由李志清題,係好有武俠味嘅,加分;封面由馬少飛繪畫,構圖佈局同用色都係正嘅,又加分。不過呢,封面主角黃飛鴻無疑畫得最大個,但唔知點解硬係覺得唔夠後面嘅李連杰、甄子丹、李小龍等人搶眼,焦點好易就望咗喺佢哋身上。Anyway,文字書我一向鍾意,加埋呢個高質素封面,更加想買。

Read more ›
李志清贈封面題字四揀一 馬雲呼籲投票幫幫眼
by / on 15/06/2018 at 9:45 pm

李志清贈封面題字四揀一 馬雲呼籲投票幫幫眼

李志清水墨畫強,寫毛筆字一樣耍家,堪稱字畫雙絕。話說作家馬雲透露青雲工作室將會喺書展推出《黃飛鴻傳奇》,透請咗李志清幫手替封面題字,李志清不但無推卻,仲一口氣寫咗四個Version添。咁問題嚟嘞,四個墨寶都咁靚,用邊個好呢?馬雲揀唔到,惟有公開俾人投票,大家請用心望望,留言畀啲意見喇。

Read more ›
馬雲《黃飛鴻大鬧丁家莊》重新出版 馬少飛畫新插圖
by / on 07/06/2018 at 10:15 pm

馬雲《黃飛鴻大鬧丁家莊》重新出版 馬少飛畫新插圖

嚟緊書展,馬雲將有新作……吖,唔係,應該係舊作先啱!青雲工作室決定重新出版馬雲舊作《黃飛鴻大鬧丁家莊》,咁當然唔會就咁搬字過紙喇。重新包裝係指定動作,請嚟馬少飛畫番廿幾幅新插圖,啲畫畫成點?有相你睇,有石堅、張晉、李連杰,都好高質架,鍾意睇文字書嘅你,唔知又有無興趣呢?

Read more ›
牛佬搞Gag有啖笑 金正恩+馬雲突入《古惑仔》
by / on 24/04/2018 at 9:45 pm

牛佬搞Gag有啖笑 金正恩+馬雲突入《古惑仔》

好耐未試過睇公仔書睇到笑出聲,今期第2124期《古惑仔》非常正斗,估唔到牛佬可以搞笑成咁。話說三聯舉行選拔賽以應付「巨星之戰」,埋尾居然出現一眼就睇得出……都唔使「疑似」……係直頭係金正恩同馬雲嘅兩個新角色,名就係咁意改過吓,馬雲改名云「馬騰」,金正恩改名云「北正恩」,而負責考馬騰嘅察拉仲有句超抵死對白:「聽聞宇宙最強的甄子丹和洪金寶也不是你的對手……」為此,網民反應都好兩極,有人覺得如此忽然搞笑,會搞到壇巨星之戰無厘正經不倫不類,緊張氣氛消磨殆盡;有人卻認為出吓呢類騎呢角色,誠然多個話題,反而令故事更聚焦。我呢,都覺得牛佬此著OK,有啖笑固然開心,有新角色加入更加係好事嘛,話唔定呢兩兜友之後有好大發揮呢。猶記得初初地中海出場,都係樣樣衰衰賤賤格格鹹鹹濕濕,毫無高手風範可言,而事實證明呢個角色好成功。

Read more ›
馬雲突入《山海逆戰》? 神農族大巫師功夫高唔高?
by / on 15/12/2017 at 9:08 pm

馬雲突入《山海逆戰》? 神農族大巫師功夫高唔高?

有錢可以任性,無馬雲咁多錢嘅邱福龍都可以任性,絕絕絕絕絕對有理由相信,今期第55期《山海逆戰》新出場嘅神農族大巫師姜風諭造型,靈感係來自打低吳京、甄子丹、李連杰、向佐、Tony Jaa等功夫巨星嘅《功守道》主角馬雲。一睇五官面相就知,輪廓出晒,神髓足晒,絕對係,除非唔係。造型面相就似到十足嘞,唔知大巫師好唔好揪呢?咁做得烈山仁師傅,功夫渣極有限喇……應該。

Read more ›

有錢就是任性 Cuson作畫「預想馬雲下條預告片」
by / on 13/11/2017 at 7:18 pm

有錢就是任性 Cuson作畫「預想馬雲下條預告片」

有錢就是任性,只要有錢,就可以請得起宇宙最強甄子丹、李連杰、吳京、Tony Jaa等等武打明星,就可以要自己做主角,仲要做最好打嗰個。馬雲《功守道》預告片,我諗大家都睇過,老實,個人認為係拍得幾正嘅,係角色錯配今人頂唔信咁解啫。頂唔順者,算上Cuson一份,佢喺面書作畫一幅,並留言曰:「預想馬雲下條預告片。」但見畫中馬雲單手頂住雷神個槌,背後悟空、超人同一拳超人訓晒喺地,嗯……真係未必無可能喎。

Read more ›
有著數!早訂《新著鐵拐俠盜》送Postcard!
by / on 14/07/2017 at 10:00 am

有著數!早訂《新著鐵拐俠盜》送Postcard!

鍾意睇小說嘅,今年書展可以留意吓《新著鐵枴俠盜》,係戴慶賢Fans嘅,都可以留意吓《新著鐵枴俠盜》,因為此書定位為漫畫x小說,小說部份由阿生撰寫,漫畫則由戴慶賢負責,文字好唔好睇真係唔知,戴慶賢手筆就一定啱睇。每本$168,早買有著數,依家向「尋回‧漫畫檔」預訂,即送一套10張Postcard,手快有手快無。

Read more ›
馬雲新著《鐵拐俠盜》 附戴慶賢插畫要撐
by / on 22/09/2016 at 9:30 am

馬雲新著《鐵拐俠盜》 附戴慶賢插畫要撐

唔講大話,之所以買書展期間推出嘅馬雲《鐵拐俠盜》,全因為有崔成安畫封面;我認,欣賞完封面之後,小說已束之高閣,因為未有時間詳細睇。之所以馬雲話會出新著《鐵拐俠盜》,我原本無乜特別感覺,但當得知搵到戴慶賢畫插畫,成件事又唔同講法。馬雲喺面書登咗兩幅插畫公諸同好,一張係主角少年版呂偉良,一張係主角死敵Wildfire,兩幅都畫得好靚,我已經Save as wallpaper,而因為戴慶賢嘅插畫,我諗我會繼續捧馬雲場。係,為插畫而買小說,絕對係妹仔大過主人婆,但……吹咩?

Read more ›
小說《鐵拐俠盜──無價之寶》復刻創刊 崔成安繪畫封面
by / on 19/07/2016 at 9:00 am

小說《鐵拐俠盜──無價之寶》復刻創刊 崔成安繪畫封面

馬雲小說《鐵拐俠盜──無價之寶》復刻創刊,將會喺書展期間推出普通版同會場版,各售$88。點解要買?因為封面由崔成安繪畫。書有書香,我係小說迷,必買嗰隻!Fine,就算你唔多鍾意睇字,不過只要係崔成安Fans,畀$88買個封面都抵。報告,「123漫畫精品專門店」現已接受優先訂購,早落訂,送多張馬雲簽名紀念珍藏卡一張,手快有,手慢無。

Read more ›