Post Tagged with: "馬賽克"

日本超邪惡「馬賽克紙膠帶」 用途廣泛惡搞圖Twitter熱傳
by / on 10/01/2018 at 7:03 am

日本超邪惡「馬賽克紙膠帶」 用途廣泛惡搞圖Twitter熱傳

紙膠帶呢件產品本身好少女,用嚟DIY禮物最啱。不過日本有公司就諗到出呢款馬賽克紙膠帶,濶8毫米長4米,有網民用嚟貼漫畫效果好邪惡,仲可以貼明治嘅產品說明圖,引人瑕想,好多網民留言話勁想買,去開日本見到記住買返幾pack備用。

Read more ›

黃水斌Fruit Punch Tee第三彈開訂 馬賽克遮住圖案要你估估吓
by / on 15/09/2016 at 7:30 pm

黃水斌Fruit Punch Tee第三彈開訂 馬賽克遮住圖案要你估估吓

廢話唔多講,直接報料,黃水斌Fruit Punch Tee第三彈正式開賣,一如以往超限量12件,隨書附送Postcard一大張。過癮在黃水斌喺面書發放消息,貼相嗰陣刻意用馬賽克遮蓋Tee圖案,留言話:「當收到產品時,格仔會被消失的。」估唔到佢份人都幾風趣!實情係早一日,佢登過兩幅作品,一幅畫長髮美少女大頭,一幅畫Pat Pat有紋身嘅長腳。比對兩幅作品同馬賽克,你大大大大大大有機會估到圖案係乜。執筆嗰陣,已經有五個讀者留言話「要」,一個讀者留言話「Need」,即係話已經賣出一半。想擁有?執輸行頭慘過敗家,唔該快快手落訂喇,每件$280。

Read more ›
有片:痴線的!研磨器對戰!輸家火花急射下體!
by / on 14/03/2016 at 10:15 pm

有片:痴線的!研磨器對戰!輸家火花急射下體!

痴線!為呃Like越玩越癲!YouTube頻道「Dudesons」癲到玩火呀呢次!對戰者各自戴上護目鏡、冷帽同工衣,各自拎住個五金行業用嘅研磨器(Grinder),齊齊鬥磨鐵鬥擦出火花,大量火花命中對方身體發射,就睇吓邊個頂唔住放棄為輸家。輸嗰個,慘咯,大懲罰係脫到一絲不掛,願賭服輸,鏡頭所見輸家真係光脫脫,重要部位有馬賽克阻住,而火花,就毫無止境射向男人最痛嗰幾吋。有幾痛?唔敢想像,淨係知睇片都覺得痛囉。

Read more ›
超級英雄舉中指? 蠱惑的馬賽克瘋狂亂打
by / on 01/09/2015 at 7:11 am

超級英雄舉中指? 蠱惑的馬賽克瘋狂亂打

馬賽克好好用,用得好隨時令張相有畫龍點睛嘅效果!外國網Moviepilot最近貪玩幫班超級英雄打格仔,不過就只係打喺隻手度,等人有無限聯想。佢哋仲要吼實班英雄舉起手好型擺甫士嘅時候先玩。講句公道話,Iron Man同Joker呢啲真性情嘅,舉吓中指好平常;但出名認真嘅美國隊長同Superman就水洗都唔清嘞。仲有個閃電俠,出名快閃嘅佢,就算舉完其實大家都未必睇到。

Read more ›
馬賽克紙幣      挪威銀行玩嘢設計
by / on 12/10/2014 at 11:14 am

馬賽克紙幣 挪威銀行玩嘢設計

馬賽克紙幣?唔係網民惡搞,而係真真正正將會喺2017會推出嘅挪威新紙幣。正面係挪威嘅地標或者代表物,背面呢?就係佢嘅馬賽克圖案,好前衞!今次嘅設計由挪威銀行Norges Bank搵咗8家設計公司參加,最後由Snøhetta設計公司勝出,圖案有三文魚、燈塔、漁船、波浪等代表性圖案,拎住比出嚟比錢,型囉!

Read more ›
Lego打格仔     蒙羅麗莎被馬賽克
by / on 05/12/2013 at 7:24 am

Lego打格仔 蒙羅麗莎被馬賽克

蒙羅麗莎唔係比人馬賽克咗,睇真啲,原來呢個蒙羅麗莎係用lego砌成,要離遠啲先睇得真。由意大利lego迷Marco Sodano創作,佢話目的係想令所有小朋友可以透過lego認識藝術,好宏大,不過我估小朋友對名畫未必咁有興趣,佢哋而家對智能手機嘅興趣,應該比lego大得多‥‥‥

Read more ›

過萬塊Lego砌成馬賽克畫      冒險島/洛克人8bit圖
by / on 22/08/2013 at 7:44 am

過萬塊Lego砌成馬賽克畫 冒險島/洛克人8bit圖

由外國網友Mytemporaryshop製作嘅Lego馬賽克,足足有74″x45″大,用咗10,511塊獨立Lego砌成,入面有齊大量任天堂同埋世嘉嘅角色,細心搵會見倒高橋名人嘅《冒險島》主角、洛克人等等大量經典遊戲角色,好有親切感。根據作者所講,要製作呢張砌圖,單係搵齊所需顏色嘅Lego都已經用咗大量時間。呢幅靚圖有得買,開價港幣大約$37,500,作者都知貴,喺網站講明十月份都賣唔出的話,就會將佢分拆再獨立賣,如果咁唔好彩成事,你會買邊一忽?

Read more ›