fbpx

Tag: 馬榮成

寶刀未老 馬榮成為手遊畫海報

寶刀未老 馬榮成為手遊畫海報

話說馬榮成農曆新年前好忙,因為答應咗人幫手為一個手遊創作宣傳海報。乜手遊暫時唔知,但佢已經將部份稿件放上面書公諸同好,大家覺得手畫點呀,我就覺得絕對Keep到質素寶刀未老嘞,唔知大家點睇?話說話今日已經係年三十晚,馬Sir畫好未先?

Read more ›

網圖分享:馬榮成生日快樂

網圖分享:馬榮成生日快樂

係遲咗,但遲到好過無到,點都要講聲生日快樂呀。話說1月16日係馬榮成牛一,佢喺面書作畫兼Post相,透露喺「特別嘅日子,約定車友踩上大帽山」。約三五知己,踩單車過日辰,很寫意,唔知我幾時先享受到呢種悠閒退休生活呢?

Read more ›
馬榮成面書加持 周勝x夏偉義《水滸策》係乜料?

馬榮成面書加持 周勝x夏偉義《水滸策》係乜料?

馬榮成喺面書開Post,話最近有位朋友推薦咗一本剛剛出版嘅新漫畫《水滸策》畀佢,並推介云:「這本漫畫是由大家都好熟悉的漫畫人周勝及夏偉義編繪,大家不妨留意一下。」死火,周勝加夏偉義?我係日日都巡書報攤檔嘅人,真係未見過《水滸策》呢本漫畫喎,睇封面幾唔錯喎,究竟幾時出版?有無C-Hing睇過?得馬Sir加持,大家又有無興趣?

Read more ›
馬榮成經典名作禮品盒裝$260 送全新聖誕卡

馬榮成經典名作禮品盒裝$260 送全新聖誕卡

對於之前Miss咗唔記買書嘅朋友嚟講,呢個馬榮成經典名作禮品盒裝可以考慮入手,上官小威出品,包13本馬榮成作品、鎖匙扣一個、13款A5卡同埋4款2020全新聖誕卡。雖然家陣都唔興了,但如果有人肯撩番幾隻字,送呢幾張聖誕卡畀我,我會感到很窩心。售$260,有買趁手。

Read more ›
馬榮成鐳射閃彩畫板第三彈開訂

馬榮成鐳射閃彩畫板第三彈開訂

好一招非常刁鑽嘅「潛艇魚雷」,依家睇番馬榮成啲格鬥構圖,依然咁賞心悅目。入正題,套餐價$180,包鐳射閃彩畫板、滑鼠墊同A5《小鬼頭》彩卡兩張,限量100塊,唔知大家有無興趣?

Read more ›
網圖分享:梁偉家畫港漫界前輩

網圖分享:梁偉家畫港漫界前輩

梁偉家又畫興大發了,喺面書登咗五幅畫作,畫嘅係港漫界五位前輩──上官小強、上官小寶、邱福龍、馮志明同馬榮成。雖然只係黑白稿,但人像大頭素描極神似,壽星仔、鐵縱橫、聶風、李小龍同橫刀等漫畫角色嘅神髓亦出晒嚟,值得畀掌聲,啪啪啪啪啪。

Read more ›

《風雲》珍藏郵票冊售罄 馬榮成無幫朋友落訂

《風雲》珍藏郵票冊售罄 馬榮成無幫朋友落訂

不愧係馬榮成,始終有強勁號召力,佢聯乘香港郵政推出嘅《風雲》系列郵品大受歡迎,當中嘅珍藏郵票冊更火速售罄。為此,馬Sir特登開Post話:「在公平公開的原則下,連我自己都要上網訂購。」講到明幫唔到親朋戚友搭單落訂。真心抵讚,都啱嘅,最緊要公平,其實仲有好多其他精品,大家再慢慢揀喇。

Read more ›
香港郵政x馬榮成 推出珍藏郵票冊限量5000冊

香港郵政x馬榮成 推出珍藏郵票冊限量5000冊

馬Sir迷要破費了,郵票迷都要破費了,有集郵嗜好嘅馬Sir迷就更加注定要大大力破費了。香港郵政局聯乘馬榮成《風雲》推出一系列郵品,有平有貴,最貴係珍藏郵票冊,限量5000冊,售$480;最平係普通版首日封,售$1.5。其他如套摺、郵票、郵票小型張、版票、圖片卡等等等等,各有唔同套餐組合供選購。發行日期10月29日,要訂趁早。

Read more ›
網圖分享:馬榮成畫「冷月寒星」

網圖分享:馬榮成畫「冷月寒星」

斷估應該係畫興大發,又或者打算順便幫上官小威《復刻李小龍》做宣傳,馬榮成忽然依唔知第幾期《李小龍》內文嘅銀螳螂戰九紋龍為藍本,喺面書出圖一幅,仲話當中一招「冷月寒星」令佢印象深刻喎。雖則好多C-Hing話馬Sir丟低支筆太耐,畫功已經回晒塘,但睇完呢幅圖,我覺得絕無此事,真係Keep到咁上下高水準喎,唔知大家點睇?

Read more ›
馬榮成露兩手 自畫平板電腦+手機桌布

馬榮成露兩手 自畫平板電腦+手機桌布

有好嘢,係好應份公諸同好嘅。馬榮成深明此理,將其自畫嘅平板電腦同手機桌布開心Share,平板電腦幅步驚雲,靚呀喂;至於手機桌布嗰幅,都靚嘅,但就唔知畫緊聶風定步驚雲嘞。Anyway,都值得一儲,Save as wallpaper無壞,希望馬Sir多啲得閒,又多啲露兩手喇。

Read more ›
網圖分享:馬榮成露兩手 鋼筆畫步驚雲

網圖分享:馬榮成露兩手 鋼筆畫步驚雲

或者因為無得出街踩單車太悶,馬榮成只好乖乖留守室內練畫。佢剛剛喺面書掟咗大作公諸同好,並留言曰:「近年甚少用鋼筆繪畫,昨天花了點時間畫了一個步驚雲,曾經十分熟識的感覺又再次回來,沒有因為疏於練習而忘記那些紙筆墨之間的感覺。」唔知畫咗幾耐呢?我覺得著實畫得唔錯,大家畀幾多分?畀幾多分都好,希望佢可以多啲露兩手喇。

Read more ›

《五兄弟》閃彩鐳射畫板第二彈開訂

《五兄弟》閃彩鐳射畫板第二彈開訂

第一彈賣得好,上官小威繼續添食,馬榮成《五兄弟》閃彩鐳射畫板第二彈開訂,$180包鐳射畫板一塊、《武舘》迷你專刊一本、《武館》A2海報一張同A4卡4張。限量128塊,要搶。

Read more ›
和仔大人《阿修羅》創刊 馬榮成賀圖加持

和仔大人《阿修羅》創刊 馬榮成賀圖加持

《阿修羅》創刊,我撐咗,暫時睇唔錯,可以繼續畀$23和仔大人賺。唔只廣大讀者,馬榮成都睇咗,仲畫咗幅賀圖添。佢喺面書咁話:「香港漫畫出版業真的越來越少,個人特別留意的當然是黃生的《龍虎門》及龍哥的《山海易戰》,除此之外當然還有較年輕的漫畫家和仔,他的作品《三國誌異》據知已經告一段落,緊接推出的新作品,是一部短篇創作,名為《亞修羅》,新作品新嘗試,經驗之談,這個時候往往是最大挑戰的階段,熱愛香港漫畫的朋友,一定要大力支持呀!」Wow,百忙撥冗畫賀圖,感動呀喂,不過馬Sir寫錯人哋書名喎,係《山海逆戰》非《山海易戰》,係《阿修羅》非《亞修羅》。Anyway,得馬Sir加持,希望會刺激到銷量喇,大家記得聽馬Sir話,多多捧場呀。

Read more ›
復刻馬榮成「天書八部」開訂$160

復刻馬榮成「天書八部」開訂$160

好喇,上官小威復刻馬榮成嘅「天書八部」,依家即式開訂喇,八本舊作Total賣$160,送馬榮成作品證書、陸小子金卡、龍之子銀卡同4張心意卡,報告完畢。

Read more ›
期待!馬榮成「天書八部」三月中旬推出!

期待!馬榮成「天書八部」三月中旬推出!

馬榮成雖然封筆多年,但影響力猶在,至少對於上官小威即將喺三月中旬出版嘅《神偷十三》、《專欄集2》、《專欄集3》、《魔鬼實驗》、《相識》、《瘋狗》、《山火》同《陸子小》呢「天書八部」,我係有興趣入手嘅。原因?好簡單,未睇過吖嘛,當新書咁睇都唔錯吖。

Read more ›