Post Tagged with: "馬榮成"

期待!馬榮成「天書八部」三月中旬推出!
by / on 17/02/2020 at 9:00 pm

期待!馬榮成「天書八部」三月中旬推出!

馬榮成雖然封筆多年,但影響力猶在,至少對於上官小威即將喺三月中旬出版嘅《神偷十三》、《專欄集2》、《專欄集3》、《魔鬼實驗》、《相識》、《瘋狗》、《山火》同《陸子小》呢「天書八部」,我係有興趣入手嘅。原因?好簡單,未睇過吖嘛,當新書咁睇都唔錯吖。

Read more ›

上官小威復刻馬榮成四作品 大堆頭多嘢送開訂$80
by / on 10/12/2019 at 7:30 pm

上官小威復刻馬榮成四作品 大堆頭多嘢送開訂$80

我份人好簡單嘅啫,最緊要多公仔書睇,《隱形怪客》、《馬榮成專欄集》、《博命單刀》同《異形》,四本訂購價Total $80。照舊由上官小威復刻,亦照舊例牌多嘢送,送四張A4卡、A2《五兄弟》海報同四張小卡。咁大堆頭,仲要係馬榮成作品,講真係好有吸引力嘅。

Read more ›
復刻馬榮成《武館》 加送貼紙售價不變
by / on 11/11/2019 at 8:30 pm

復刻馬榮成《武館》 加送貼紙售價不變

有著數係應份攞到盡嘅,上官小威復刻馬榮成《武館》,「收藏家港漫專區」特別預留30套,除原有贈品外再送多兩張貼紙,依舊售$20,大家識做啦?

Read more ›
復刻馬榮成《武館》不日推出
by / on 04/11/2019 at 8:30 pm

復刻馬榮成《武館》不日推出

馬榮成Fans留意,其作品《武館》又玩復刻,上官小威打算以薄裝形式不日推出,每本$20。And,話說馬Sir有摯友名霍老大者,私藏馬Sir《武館》原稿,此靚畫亦會隨書附送,而霍老大亦技癢,替原畫黑白稿著色,出來嘅效果好有八九十年代港漫風味,正呀喂。

Read more ›
馬榮成+步驚雲踩單車 宣傳「博愛單車百萬行」
by / on 18/12/2018 at 9:45 pm

馬榮成+步驚雲踩單車 宣傳「博愛單車百萬行」

馬榮成鍾意踩單車,所以搞到阿雲師兄都要踩單車,為宣傳2019年3月10日嘅「博愛單車百萬行」,馬Sir再次作畫,聯同步驚雲出車上征途,仲有句Slogan「乘風十載,行雲滿愛」添,路線會經過昂船洲大橋同南灣隧道,唔知全長有幾多km,我淨係知兩個轆上面嘅雲師兄,依然型英帥靚正。

Read more ›
馬榮成「製作私人獨有的表情符號」 幾時有風雲?
by / on 07/12/2018 at 7:45 pm

馬榮成「製作私人獨有的表情符號」 幾時有風雲?

係遲來了少少,但無損港漫迷興奮心情,馬榮成剛喺面書留言曰:「最近發現了一個手機應用程式,可以用來製作私人獨有的表情符號,便急不及待下載並開始嘗試繪畫,覺得非常有趣。」暫時所見,構圖只得Q版馬Sir,喂,幾時畫埋雲師兄同風師弟呀,懷空懷滅絕無神都正啫,我諗好多讀者都好鍾意呀喂。

Read more ›

網圖分享:馬榮成真心Fans的《中華英雄》角色系列畫
by / on 16/11/2018 at 9:45 pm

網圖分享:馬榮成真心Fans的《中華英雄》角色系列畫

是日推介面書專頁「黄书庆漫画」,負責人如無意外應該叫黃書慶,亦如無意外地係馬榮成超級Fans,佢畫嘅《中華英雄》角色實在係十粒星正。面相動作極似,但又唔可以稱為十足十嘅無相神功,畫作雖然只得黑白,但隱隱然又有個人風格在,究竟點可以畫得咁似樣嘅呢?Anyway,係值得開心Share嘅。

Read more ›
有片:超正!聶風火麒麟雕像開箱!
by / on 10/09/2018 at 8:22 pm

有片:超正!聶風火麒麟雕像開箱!

馬榮成喺面書透露,上年10月咁上下開始接受預訂嘅聶風火麒麟雕像,上星期已經開始派貨。家陣有開箱片睇,之前話嘅可拆眼罩普通頭、額頭有麒麟眼嘅入魔頭有找數;揮手刀、反手持刀等姿勢擺到好順滑;頭髮亦做到飄逸感覺,四肢比例唔錯;座下隻火麒麟亦做得好有氣勢,係唔知點解火麒麟身體唔做成火紅色,取而代之卻係類似鱷魚身體咁嘅顏色。整體嚟講,水準係好高嘅,一定吸睛,如果我可以擁有就好咯。

Read more ›
馬Sir死忠Fans留意!動漫節2018搞《風雲歲月紀念展》!
by / on 24/07/2018 at 8:17 pm

馬Sir死忠Fans留意!動漫節2018搞《風雲歲月紀念展》!

喂,真係唔講唔知,原來動漫節已經舉行咗20年,為一賀呢個里程碑,今年有關方面決定舉辦《風雲歲月紀念展》,即係又關馬榮成事喇。馬榮成喺面書話呢個展覽會展出漫畫、新舊原稿同風雲雕塑,對飲港漫奶水大嘅你我他,點都要捧吓場嘅。咁辦得展覽,當然唔會齋得個睇字,屆時會有《馬榮成‧風雲路》同《2018年風雲水墨畫集》出售,睇啱咯,順便買埋囉。

Read more ›
馬榮成Fans留意 《風雲》威士忌出雄霸同泥菩薩版
by / on 30/03/2018 at 2:30 pm

馬榮成Fans留意 《風雲》威士忌出雄霸同泥菩薩版

即係好賣喇,如果唔係點會添食啫,繼聶風同步驚雲後,《風雲》威士忌再出雄霸同泥菩薩版,《天下》角色眾多,又估唔到馬榮成會揀呢兩個角色喎。兩者同為單一穀物威士忌,我唔識飲酒,唔知酒靚唔靚,但個包裝就一定靚嘞。唔知賣幾多錢呢?不過幾多錢都好,斷估死忠Fans都一定會買。

Read more ›
上官小威《金漫畫》第七至九期開訂
by / on 12/03/2018 at 8:57 pm

上官小威《金漫畫》第七至九期開訂

由上官小威扯頭纜,馬榮成、馮志明同謝志榮編繪嘅《金漫畫》出到第七至九期出版,今次玩贈品版,限100套,送第一、二、三、八期貼紙同《馬榮成漫畫作品回顧》小冊子,售$98。「收藏家港漫專區」開訂,要搶。

Read more ›

馬榮成推出風雲紅酒 $1680送水墨畫集
by / on 17/01/2018 at 7:45 pm

馬榮成推出風雲紅酒 $1680送水墨畫集

之前提過馬榮成會推出紅酒,依家有最新資料,分兩個版本,一,銀版單支裝,有風雲紅酒各一,每支$1100,早訂每支平$300;二,風雲‧金裝紀念禮盒套裝,包風雲紅酒各一,兼送多本水墨畫集《以酒論英雄》,盛惠$1680,限量380套。嗯……我唔識飲酒,唔知酒價,但係本畫集,我是十萬個想要的。

Read more ›
《金漫畫》四至六期$98 幫襯「收藏家港漫專區」送紀念卡
by / on 17/01/2018 at 7:17 pm

《金漫畫》四至六期$98 幫襯「收藏家港漫專區」送紀念卡

首先問一句,你做咗「收藏家港漫專區」會員未?已入會?Good!未入會?唔該快!事關一做會員,再幫襯買《金漫畫》第四至六期($98),即送馬榮成《五兄弟》珍珠紀念卡一大張,物唔輕情義好好好重。限量推出,要買快手。

Read more ›
馬榮成製作單車衫 聶風+步驚雲教你安全知識
by / on 24/12/2017 at 4:47 pm

馬榮成製作單車衫 聶風+步驚雲教你安全知識

之前報導過嘅「上海商業博愛單車百萬行」,請來馬榮成幫手畫宣傳動畫,原來仲唔只咁,馬榮成仲幫手製作咗兩件單車衫,大紅戰衣望落都幾型仔架。另外,佢亦為大會繪畫咗本十幾頁嘅漫畫小冊子,主題係「以風雲的角色介紹單車的安全知識」,哈哈,有幾盞鬼喎。單車我踩得唔叻,但單車衫同小冊子,我想擁有。為善事,大家多多支持呢個活動喇,報導完畢。

Read more ›
上官小威出抱枕/水晶畫板套裝 各限量40套要搶
by / on 07/12/2017 at 7:17 pm

上官小威出抱枕/水晶畫板套裝 各限量40套要搶

正呀喂,搶呀喂,上官小威又有新產品推出嘞,仲一口氣推出兩件套裝添。套裝一,證書加晶螢抱枕,尺寸36cm x 36cm,實用架,不過既係精品,俾著我就買咗都唔捨得用嘞,售$88;套裝二,證書加水晶畫板,畫板係24cm x 27cm馬榮成《五兄弟》畫板,證書之外仲送多張復刻紀念卡添,售$120。各限量40套,唔知點解出得咁少,不過啱嘅,物以罕為貴吖嘛。

Read more ›