fbpx

Post Tagged with: "馬拉松"

倫敦馬拉松用92萬個水樽 新設計「史萊姆」水珠夠環保
by / on 30/04/2019 at 7:56 am

倫敦馬拉松用92萬個水樽 新設計「史萊姆」水珠夠環保

呢兩年大家都講環保,其中膠樽都算係重災區,而馬拉松期間嘅膠樽問題更加係超嚴重。單係2018年嘅倫敦馬拉松就用咗92萬個膠樽。最近倫敦馬拉松嘅主辦單位使用呢粒好似史萊姆嘅水珠Ooho做代替品,由初創公司Skipping Rocks Lab研發,使用海藻作為主要物料,包住啲水嘅表層係可食用嘅,即係全粒水珠可以啪入口,今年倫敦馬拉松已經正式使用,網民都讚賞呢個改動。而Ooho仲可以應用喺其他方面,入嚟有多啲相關資料。

Read more ›

神戶馬拉松禁登記選手Cosplay 超強跑手暗Cos冇人知?
by / on 18/11/2017 at 1:20 pm

神戶馬拉松禁登記選手Cosplay 超強跑手暗Cos冇人知?

日本馬拉松好多人Cosplay參加,一般唔太誇張都冇問題,亦都有馬拉松比賽講明邊啲賽事先歡迎Cosplay。繼大阪馬拉松之後,神戸馬拉松都宣佈,禁止「日本陸上競技連盟(陸連)」登記咗嘅選手Cosplay,即係針對一啲好成績但又會Cosplay嚟跑嘅跑手,好似呢位好出名、神戸市出身嘅32歲再田光進咁,佢之前成日Cos動漫女角嚟跑,最勁係佢仲要跑到sub 3呢啲好成績……咁佢會點應對?cosplay但唔好俾人知咪得囉,好似咁。

Read more ›
【最後一屆】日本種子島馬拉松 跑前送「燒酒」選手扮火箭
by / on 13/03/2017 at 7:22 am

【最後一屆】日本種子島馬拉松 跑前送「燒酒」選手扮火箭

日本呢兩個月好多馬拉松賽事,啱啱星期日就有「名古屋女子馬拉松」同「種子島馬拉松」。咁一般跑馬拉松前,大會都會送返啲食品飲品俾選手,有日本網民參加種子島馬拉松,得到嘅飲品唔係能量飲品或者水,而係一支「焼酎」!佢自己都話呢份紀念品好特別,不過跑馬拉松前都係唔好飲酒好啲嘞。BTW,種子島位於鹿兒島南部,有睇《秒速5厘米》嘅應該都有印象嘞,呢個地方仲係日本最大嘅宇宙航空基地,所以馬拉松個名都型過人,叫「Rocket Marathon」!不過好可惜今年係最後一年主辦,睇返Twitter嘅相,可以圍住沙灘跑,仲有1:1火箭模型睇,仲有選手扮火箭跑,氣氛唔錯,跑完張「完走証」都好特別,入嚟有相睇。

Read more ›
中國馬拉松cosplay圖集    日本網民:「熊本熊係真定假?」
by / on 20/09/2016 at 7:14 am

中國馬拉松cosplay圖集 日本網民:「熊本熊係真定假?」

中國嘅馬拉松好多人唔敢跑,因為怕空氣差,要跑都係去日本跑好啲,起碼有大量cosplay睇喎。但原來中國嘅馬拉松都有好多cosplayer,仲好有驚喜!日本有網民最近放咗大量中國馬拉松嘅選手cosplay圖上網,當中仲有「熊本熊」?另外當然唔少得中國宮廷裝、草帽圍裙裝、野人裝,連見慣大場面嘅日本網民都話大開眼界‥‥‥

Read more ›
【成功上樓後記】被領養中國馬拉松狗狗     突然失踪嚇壞主人
by / on 28/08/2016 at 12:26 pm

【成功上樓後記】被領養中國馬拉松狗狗 突然失踪嚇壞主人

仲記唔記得呢隻成功上樓嘅中國汪星人Gobi?佢突破蒙古戈壁沙漠馬拉松防線,跑足77英里,最後成功感動蘇格蘭跑手Dion Leonard帶佢返屋企。不過由於中國批文需時,Dion就喺家鄉等呀等。點知最近竟然收到通知,話狗狗Gobi走失咗!佢即時飛返中國尋狗,經過連日嚟嘅努力, 好彩最後皇天不負有心人,成功搵返Gobi,狗狗一見到佢仲即時開心到撲向佢,好感人。而家佢決定留喺中國直接等到批文完成,網民都大讚佢係一個好有心嘅領養者,呢啲就係緣份嘞,恭喜Gobi搵到個好主人。

Read more ›
【成功上樓】狗狗突入蒙古沙漠馬拉松 跑足77英里成功被收養
by / on 06/08/2016 at 11:50 am

【成功上樓】狗狗突入蒙古沙漠馬拉松 跑足77英里成功被收養

又一單成功上樓嘅勵志個案,今次呢隻叫Dobi嘅流浪狗狗好有諗頭,為咗搵主人,佢決定突入參加馬拉松。事件發生喺今年3月,當時中國蒙古戈壁沙漠舉行緊連跑6日嘅馬拉松,嚟自外國嘅選手Leonard喺跑第二日嘅起跑線發現有隻狗仔,之後仲跟住佢跑喎,佢諗住天氣咁熱,狗狗都唔會跑得好耐,點知最終呢隻狗狗竟然跑足全日,完成咗23英里(即係大約37公里,接近一個全馬) 嘅路程!第3日佢哋又一齊跑多26英里。不過第4、5日由於天氣太熱,大會車咗狗狗去完跑點等Leonard,但係去到第6日,狗狗又再落場,最後仲同Leonard一齊衝線!完賽後Leonard決定收養呢隻狗狗,不過要喺中國帶隻狗狗返家鄉蘇格蘭唔容易,唔止要4個月時間,仲要花費大約5000英磅,Leonard喺網上開咗個「Bring Gobi Home」嘅活動集資,截至今日已經成功籌足錢,狗狗加油呀!今次唔止成功上樓,仲可以移埋民,羨慕死一班同鄉呀!

Read more ›

日本偽娘Coser好跑得 神戶馬拉松再創佳績
by / on 16/11/2015 at 10:27 am

日本偽娘Coser好跑得 神戶馬拉松再創佳績

呢位「マラソンサニー@神戶」,之前都變裝參加過好多馬拉松,最記得係島風短裙出戰啦,仲有上年神戶馬拉松佢都以Sub3成績衝線。啱啱噚日(16日)又係神戶馬拉松舉行嘅日子,日本馬拉松有變裝跑手唔出奇,勁在佢跑得快,往往睇電視報道領先跑手群都會見到佢,而今年佢仲快過上年10幾分鐘,以2小時42分完成全馬!唔只如果佢唔著裙唔戴假髮唔變裝成績會點呢?

Read more ›
【破世界紀錄】推BB車跑馬拉松 3小時17分完成賽事
by / on 20/10/2015 at 7:11 am

【破世界紀錄】推BB車跑馬拉松 3小時17分完成賽事

能夠完成42公里嘅馬拉松已經唔容易,呢位啱啱生完BB嘅媽咪Jessica Bruce更厲害,因為佢全程推住架BB車跑,入面瞓住佢7個月大嘅BB Daniel仔,最後佢以3小時17分52秒完成賽事,破咗世界紀錄!佢同老公一齊跑英國嘅Abingdon Marathon,本來準備咗尿片比阿B換,但阿B頭20公里狂瞓,之後醒咗就兩頭望無扭計,好乖仔。原來呢位媽咪之前一直係跑手,最高紀錄試過2小時58分完成賽事,由於佢唔想生完B之後放棄跑步,所以就換個方式同BB一齊練跑參賽。遺傳咗優良血統,再加上自細受訓嘅Daniel仔,第時會唔會跑得特別快呢?

Read more ›
有片  瘋狂科學家High five機器    跑馬拉松不是夢
by / on 13/07/2015 at 7:08 am

有片 瘋狂科學家High five機器 跑馬拉松不是夢

天生懶底嘅我,好羨慕跑馬拉松嘅跑手,因為衝線前可以同沿路嘅人玩High fives嘛!可能呢位科學家都有相當諗法,所以返返吓工居然諗到喺實驗室裝幾隻塑膠假手,吹晒氣然後自己瘋狂玩high fives,睇佢個樣真係high爆,有網友忍唔住幫佢整咗個無限loop版本,無聊得嚟好好笑。

Read more ›
《復仇者聯盟2》玩命宣傳    「終極電影馬拉松」連睇25小時
by / on 09/03/2015 at 7:17 am

《復仇者聯盟2》玩命宣傳 「終極電影馬拉松」連睇25小時

好強!呢場馬拉松電影自問Marvel電影迷都未必頂得順。復仇者聯盟2《AVENGERS: AGE OF ULTRON》4月30日上畫,美國戲院AMC同埋Regal Theaters就搞咗個「終極Marvel電影馬拉松」活動,由4月29日夜點6點起連續播放Marvel電影25小時,Iron Man、雷神、變形俠醫‥‥‥睇足11套戲一次過重溫,睇到最尾就係4月30日晚7點嘅《AVENGERS: AGE OF ULTRON》,夾啱晒時間!睇通宵仲要連睇25小時,有無人頂得順?不過完成咗之後會有個特別徽章送返,但係咁搞法,睇到最新嗰集復仇者恰眼瞓咪好唔抵?

Read more ›
新片速報   日本餵蕃茄機械人   馬拉松跑手專用
by / on 23/02/2015 at 7:13 am

新片速報 日本餵蕃茄機械人 馬拉松跑手專用

日本人一向鍾意鑽研機械人,最近又有新嘢發表,就係呢個專門餵馬拉松選手食蕃茄嘅機械人!由食品公司Kagome製作,揹住佢跑步,個機械人就會定時定候餵跑手食蕃茄,機械人背部總共可以裝8個蕃茄,睇落幾開心,不過原來個機械人足足有17磅重!即係話仲重過揹住7個蕃茄跑。不過成件事其實都係為咗宣傳,因為個機械人唔會量產,今次整咗呢隻機械人出嚟純粹係話比各位跑手知,跑步食蕃茄係一個好選擇,同埋佢哋將會贊助2015年嘅東京馬拉松,唓。

Read more ›

揹93磅雪櫃跑馬拉松    連跑兩個全碼84km
by / on 19/04/2014 at 12:51 pm

揹93磅雪櫃跑馬拉松 連跑兩個全碼84km

\好勁!跑馬拉松已經係跳戰人體極限,呢位住喺英國Hebburn嘅Tony Phoenix-Morrison唔止跑,仲揹埋一個重93磅嘅雪櫃上身,參加當地連跑一日4個全碼嘅24小時馬拉松,更加係極限中嘅極限。佢今次嘅跑步目的係為當地癌病組織「Cancer Research UK」籌款,最後成功籌得幾千英磅,可惜佢最終只能夠跑完兩個全碼,即係大概84km,因為醫生阻止佢繼續跑,話再跑多5公里佢隻腳就會跛。雖然未能成功完成晒四個賽事,不過呢個紀錄應該無人破到,佩服。

Read more ›
新片速報 東京馬拉松Cosplay大集合 聖鬥士/撒雅人/馬沙參賽!
by / on 24/02/2014 at 8:25 pm

新片速報 東京馬拉松Cosplay大集合 聖鬥士/撒雅人/馬沙參賽!

啱啱就噚日(23日),係東京馬拉松舉行嘅日子,我哋都報道咗少少Cosplay嘅裝扮,不過今次就動感啲,有埋片!片中見到金牛座黃金聖鬥士、超級撒雅人比達、美少女戰士,仲有大量女僕女護士……不過,我覺得最有創意都係有人拎住滑浪板扮去滑浪,仲有郵筒先生……

Read more ›
【有片】完走東京馬拉松 送你一條打印蕉
by / on 14/02/2014 at 9:18 pm

【有片】完走東京馬拉松 送你一條打印蕉

香港渣馬星期日就係喇,我哋嘅錢編輯今年繼續半馬,到底訓練不足嘅佢返唔返到嚟?我哋已經提醒咗佢,萬一有機會上到電視,記得用埋最後一啖氣幫GameoverHK宣傳……緊接下星期2月23日就係東京馬拉松,呢個出名難中嘅比賽,今年有3萬5500人參加!日本梗係唔同啲,除咗氣氛好觀眾多之外,收得你錢大把嘢俾番你,好似呢條香蕉,印咗你個facebook名同埋朋友嘅祝福,仲有完成時間,係東馬同賣蕉嘅Dole合作,好正。

Read more ›
閃燈人現東京尾班列車 原來準備馬拉松
by / on 07/02/2014 at 3:04 pm

閃燈人現東京尾班列車 原來準備馬拉松

東京馬拉松,今個月尾就係喇!每年馬拉松都會有大量跑手Cosplay參賽,當中有鹹超、巴魯坦星人,甚至係上班族……係,著西裝拎住個公事包嚟跑!到底佢哋喺咁嘅裝備下點樣完成賽事?靠嘅就係訓練!喺噚晚嘅「田園都市線」列車度,就有人影到呢個發光人,大家都好奇怪佢為乜著成咁搭尾班車,最後謎底解開,佢啱啱著呢套嘢練完跑,而且呢套衫仲係風力發電嘅添,問你怕未?

Read more ›