Tag:

【日本水災】做隻出色的馬仔 日本馬仔屋頂避難3日大團圓

【日本水災】做隻出色的馬仔 日本馬仔屋頂避難3日大團圓

日本暴雨成災,希望當地人快啲回復過嚟啦。但就算喺災難當中,都總會有令人振奮嘅事,好似呢隻馬仔「リーフ」咁,上年3月由大阪牧場嚟到岡山縣,倉敷市真備(まび)町,點知早前就水災救唔切佢走,好彩佢醒,識得游水仲爬上屋頂避難,經過3日之後同施設職員谷本小姐再遇,職員開心到喊出嚟。雖然喺屋頂落嚟時整親腳,但當地居民俾嘢佢食佢都有食晒,希望冇大礙啦。

Read more ›

【新片速報】日本馬仔超貪玩     自製飄雪效果雪地狂奔

【新片速報】日本馬仔超貪玩 自製飄雪效果雪地狂奔

玩雪唔係人類嘅專利,馬原來都好鍾意嘅。呢段片偷拍到隻馬專登走埋去啲舖滿雪嘅樹度,然後拉兩拉,等啲雪跌晒落地,好似飄雪咁,之後佢就好開心咁喺雪地度跑嚟跑去,仲重覆玩完再玩,睇片都感覺到佢好開心,入嚟有得慢慢睇。

Read more ›
【有片】見到人扮馬以為同類 揭開頭套即冇趣

【有片】見到人扮馬以為同類 揭開頭套即冇趣

呢條片好好笑,開頭有人戴個頭套扮馬仔,隻真馬見到好似好開心好有興趣咁,但當個人揭開頭套之後……喂!反應駛唔駛咁快呀?喂?

Read more ›

【咁都friend倒】喵星人與馬 最鍾意爬上馬身瞓覺

喵星人雖然外表好cool,但其實好多都係親善大使,仲同乜嘢類型嘅動物都可以融洽相處。好似呢隻叫Sappy嘅喵星人,佢嘅好朋友係一隻馬,叫Dakota。佢哋由細玩到大,雖然年齡上有差距,一個15歲(馬)一個得1歲(貓),而且身形上都有好大差距,但都無影響佢哋成為好朋友喎。而家佢哋經常一齊食玩瞓,喵星人最鍾意爬上馬大哥個身度瞓覺,可能貪佢暖暖哋,視點又夠晒高,好識嘆!

Read more ›

有片 宇宙最強稻草軍車 潛入專用安全過《MGSV》隻馬

近排好多人都都玩緊《Metal Gear Solid V》啦?要潛入敵軍真係要好小心,啱啱喺網上見到呢架日本發明嘅稻草軍車,雖然唔係最新,但即係諗起如果MGSV入面有得用都幾啱駛,應該安全過騎馬喎!匿喺入面嘅軍人一身墨綠色嘅軍裝,連頂帽上面都專登貼咗幾條草,個頭突出嚟敵軍都唔會出感嘆號。

Read more ›

High爆馬大哥 靚女陪慶生學人吹蠟燭

睇完呢條片我有啲心傷,因為我生日都無咁多人同我慶祝。呢隻叫JD嘅馬最近生日,佢班主人就幫佢搞咗個簡單而隆重嘅慶祝活動,有蛋糕有蠟燭,仲唱埋生日歌。當佢哋一唱完生日歌時,馬大哥JD居然識即刻吹熄啲蠟燭,仲頭昂昂依起棚牙好招積,威喇威喇,有咁多女同你慶祝生日。

Read more ›

Twitter熱傳感人相 馬仔吻別臨終主人

呢張相最近噚日起喺Twitter熱傳,相中見倒一隻馬吻別病床上嘅女主人。事緣病床上77歲嘅Sheila Marsh患上癌症末期,佢養咗好多動物,包括6隻馬3隻狗3隻貓,其中同呢隻叫Bronwen嘅馬感情最深,養咗超過25年。當佢壽終正寢時,好想見Bronwen最後一面講聲再見,最後經過醫院同家人嘅安排下,佢哋喺醫院附近嘅街道見面,當主人一叫Bronwen個名時,佢即刻好懂性彎身鍚主人一啖,感人一幕比人影咗放上網,幾小時後Sheila亦離開人世。網民大讚醫院有人情味,努力實現病人臨終願望,抵讚。

Read more ›

日本中央競馬 X 《進擊之巨人》第2彈 人氣投票領先者是……

之前網站有小遊戲又有新片睇,日本中央競馬會(JRA)X《進擊之巨人》嚟到第2彈,係「進撃の有馬記念」。特設網站有人氣投票活動,1人可以投10票俾唔同角色,20位角色中,至今遙遙領先嘅竟然係……

Read more ›

脫韁野馬享受人生 沙灘晒太陽暢泳

夏天無馬跑,因為馬仔要去抖暑,咁人要抖暑可以去沙灘,馬呢?原來佢哋都好鍾意游水,美國馬里蘭州Assateague Island同埋Virginia嘅沙灘最近出現咗300隻馬仔,佢哋去到沙灘好奔放,打橫瞓喺沙地曬太陽不特止,有啲仲好識嘆衝晒落水暢泳,睇見佢哋咁開心,我都好想周末去沙灘玩,可唔可以大發慈悲唔落雨呀!

Read more ›