Post Tagged with: "香蕉"

【有片】自製朱古力夾心香蕉   古怪工具玩蕉法
by / on 13/08/2014 at 7:15 am

【有片】自製朱古力夾心香蕉 古怪工具玩蕉法

雖然唔係新嘢,但我真係唔知食蕉都可以食到咁招積。呢個叫DestapaBanana嘅香蕉糖心製造器,將條香蕉放入去後,可以清空中間位置,方便注入自己鍾意嘅口味,即係話可以自製朱古力夾心香蕉、士多啤梨果醬香蕉等等。聽落似乎幾好玩,不過官方未公佈幾時正式量產,各位鍾意吔蕉嘅朋友,記住繼續留意我哋報導,因為我都有興趣買返個。

Read more ›

香蕉悟空高人現身     最叻玩食物
by / on 29/03/2014 at 1:52 pm

香蕉悟空高人現身 最叻玩食物

之前網上流傳用香蕉砌成嘅悟空超級撒亞人髮型,原來係出自意大利嘅Nadia Luongo手筆,高人即係高人,佢好興用食物砌成人樣,士多啤梨醬、黃糖、意粉、奇異果全部都可以攞嚟玩,好曳,不過又幾有才華。入嚟有大量作品慢慢睇。

Read more ›
香蕉縮骨遮    黃綠兩色任揀
by / on 22/03/2014 at 12:03 pm

香蕉縮骨遮 黃綠兩色任揀

呢把香蕉縮骨遮令我諗起周星馳嘅《國產凌凌漆》,表面睇佢係一條蕉,放喺手袋無乜殺傷力,不過行行吓街突然落雨時,就可以拎條蕉出嚟拆開變成遮,型吖!條蕉仲有黃色同綠色揀,想熟啲定放耐多啲先食隨你鐘意,網上有得訂,二百蚊港紙唔駛,以蕉嚟計係貴咗啲。

Read more ›
苦瓜變香蕉   橙變蕃茄  神奇油漆變身術
by / on 11/03/2014 at 7:07 am

苦瓜變香蕉 橙變蕃茄 神奇油漆變身術

分子料理見得多,即係明明睇落係一個布甸,但其實係一個哈蜜瓜嗰種呢,呢輯相可能都係比呢種廚藝啟發,由藝術家Hikaru Cho創出嘅作品「It’s not what it seems」,每條生果上面油晒亞加力油漆,蓋住真身,無非都係想嚇你一包。例如橙皮下包住嘅原來係蕃茄、搣開苦瓜入面原來係香蕉,仲有仲有,矮瓜原來係隻生雞蛋。食嘅人應該唔會會嬲,仲會想學返兩招下次請人食飯。

Read more ›
有片  剝香蕉皮新方法   馬騮醒過人
by / on 01/03/2014 at 11:27 am

有片 剝香蕉皮新方法 馬騮醒過人

old news is so唔識串,不過呢條片我都係第一次睇。有無發覺剝香蕉皮通常有啲輪盡?頂頂嗰截好多時又會唔小心剝埋?外國有位專家教大家馬騮仔嘅剝香蕉方法,剝出嚟嘅香蕉一啲肉都無浪費,原來秘訣喺香蕉嘅底部‥‥‥呢條教學片喺YouTube已經有超過5百萬個點擊,有無興趣下次試吓?

Read more ›
騎呢扭蛋   香蕉鸚鵡估你唔倒
by / on 14/02/2014 at 12:06 pm

騎呢扭蛋 香蕉鸚鵡估你唔倒

日本EPOCH嘅扭蛋一向以惡搞聞名,之前介紹過有天壇大佛頭嘅柴犬,最近公佈今年5月會推出呢款香蕉鸚鵡扭蛋,夠膽死將香蕉同鸚鵡兩樣完全無關嘅嘢結合,但係效果又無違和感,仲幾得意,搞到我都好想買返隻。一式6款,普通高度45mm,但係仲有隻迷你版25mm,得意到暈!個人認為要買嘅,梗係揀最classic嘅黃色版香蕉啦!

Read more ›

外國雕蕉神人   變海棉寶寶氹囡囡
by / on 24/01/2014 at 9:45 am

外國雕蕉神人 變海棉寶寶氹囡囡

日本雕蕉神人End Cape之前都介紹過,估唔倒外國都有雕蕉神人,而且係一名爹哋嚟嘅,呢位Jurgen Steenwelle為咗氹兩個寶貝女開心,佢將香蕉加幾筆變身成外星人、飛機、海豚、Simpsons、海棉寶寶‥‥‥水準雖然無End Cape咁高,不過創意同埋誠意攞足滿分。

Read more ›
日本雕蕉神人 唔用顏料自然變黑
by / on 27/09/2013 at 5:03 pm

日本雕蕉神人 唔用顏料自然變黑

  雕蕉,之前都介紹過,不過係剝開塊皮雕入面啲果肉。大家都見過屋企啲香蕉出黑斑啦,呢位神人佢就只係用針拮條蕉就得,因為拮咗窿之後,等幾個鐘啲窿就會變黑,形成一幅幅唔同嘅圖畫,所以,每條蕉都需要最少5小時先完成到。有初音、進擊之巨人、One Piece、比卡超,全部都整得超靚!  

Read more ›
網圖分享:香蕉唔只可以食,仲可以玩!
by / on 05/09/2013 at 3:00 pm

網圖分享:香蕉唔只可以食,仲可以玩!

蕉係水果一種,照計真係用嚟食嘅啫,都說高手在民間,原來蕉仲可以用嚟玩架。上Yahoo維基百科,香蕉條目資料如下──「香蕉,又稱甘蕉、弓蕉、芽蕉,為芭蕉科芭蕉屬多年生草本植物蕉樹的果實,果實長有棱;果皮黃色,果肉白色,味道香甜。主要生長在熱帶、亞熱帶地區。原產於亞洲東南部熱帶、亞熱帶地區。」好明顯,香蕉最主要功用係果腹醫肚。卻原來,2013年嘅今日,香蕉嘅功用唔只食,仲可以玩,左Cut一刀右劈一截,上刮一忽下雕一舊,用無窮創意加刁鑽技術,一隻香蕉居然可以變成進擊之巨人、骷髏頭、黑武士、Simson、毒蛇、異形、大白鯊等等等等,以下圖輯,個人認為最厲害係機械人,一隻蕉唔夠用,玩夠一梳,拼拼砌砌,用箱頭筆畫多兩筆,成隻機械人活靈活現。

Read more ›
香蕉雕人樣  扣針製作雕完即食
by / on 24/02/2013 at 12:09 pm

香蕉雕人樣 扣針製作雕完即食

今日係渣打馬拉松大日子,跑手努力跑完,可以食返條大會提供嘅香蕉補充體力,認真窩心。如果條蕉有埋特別雕刻,跑手應該會更醒神。好似呢幾條作品咁,由設計師Honey製作,工具只需一條蕉、一個扣針,大概2小時就可以雕成《閃靈》積尼高遜招牌邪惡笑容樣,Honey話每次整完佢就會影張相留念,之後食咗條蕉慶祝,夠晒真性情。

Read more ›
雕蕉的藝術 日本專家教學 15分鐘雕完
by / on 30/01/2013 at 9:40 pm

雕蕉的藝術 日本專家教學 15分鐘雕完

近排網上出現咗好多用香蕉整嘅雕刻,雕龍雕槍我哋之前都分享過。今次有網站就直情搵咗個雕蕉專家山田恵輔出嚟,要佢即場示範雕香蕉。要準備嘅工具好簡單,就係一條蕉、匙羮、牙籤等等,最重要原來仲有檸檬汁,搽咗喺蕉肉表面就冇咁易變色咁話。最後,阿專家只係用咗15分鐘,就雕好條蕉,你有冇興趣雕條蕉喺情人節送俾女朋友?佢一定好開心啫……

Read more ›

畀貼士,唔好掛住食香蕉,分分鐘累你比其他馬騮仔撞落地面。
by / on 04/09/2012 at 12:00 pm

手機新Game:駕氫氣球拯救隊同胞

先要讚「Flying Monkey Adventure」顏色好順眼,唔會睇到人眼都花埋,再要讚玩法簡單,馬騮大王駕使氫氣球飛上天,

Read more ›