by / on 02/07/2013 at 11:19 pm

PS陣營殺入「香港電腦通訊節」 日日送機 抽你去東京

我有一個問題,PS4話年尾推出,到底香港係咪呢?官方梗係話無可奉告,遲啲會有公佈喎。咁我心諗,上年阿項總接受訪問時咁唔妥亞洲遊戲展,今年唔知仲參唔參加,但嚟緊嘅電腦通訊節佢就啱啱宣佈咗參加……咁年尾會唔會大搞出機?如果出機又照計會留番參加亞洲遊戲展吖?我好亂,好亂!好喇,講番呢個記者會,SCEH宣佈會參加「香港電腦通訊節2013」,仲會由7月5日至8月25日舉行「PlayStation®夏日激賞打機」,喺藍店、特許經銷商或者電訊節展區買PS Vita或者PS3,就會即送背囊連水樽或飛碟,仲有大抽獎,抽品有「東京遊戲展」之旅雙人來回機票連酒店住宿,請你去TGS率先玩PS4喎。另外,仲會每日舉行「PS VIta日日獎」活動,買機就有機再抽中送多部PS Vita俾你……咦?買Vita抽Vita?俾你送/放俾朋友玩共鬥吖嘛,咦咩啫咦!詳情入嚟睇啦。

Read more ›