Post Tagged with: "香港漫畫星光大道"

步驚雲不敵風吹雨打 絕世好劍斷開兩截
by / on 25/07/2017 at 9:30 pm

步驚雲不敵風吹雨打 絕世好劍斷開兩截

幾鋒利嘅刀都有生銹嘅一日,絕世好劍也不例外。瀏覽馬榮成面書,得悉擺喺九龍公園香港漫畫星光大道嘅步驚雲塑像,因抵受唔住日曬雨淋And風吹雨打,插喺地下嘅絕世好劍斷成兩截,劍身仲出現爆邊情況。唉,此一斷劍,令我諗番起N年前訪問過有嗰句講嗰句嘅林祥焜,佢大鬧政府唔尊重港漫,將啲塑像置放露天地方,無瓦遮頭,不出三兩年一定又殘又爛又污糟,好應該認認真真起個永久性港漫博物館,落力宣傳發展成為旅遊點云云。唏噓呀,真係俾林祥焜不幸言中喇,希望有關方面做多啲保養工夫喇。

Read more ›

Cuson發現Cuson斷頸!網民估蝗蟲所為!
by / on 29/03/2017 at 10:15 pm

Cuson發現Cuson斷頸!網民估蝗蟲所為!

記得香港漫畫星光大道開幕之初,我訪問過林祥焜,佢忿忿不平話如果政府真係有心推廣港漫的話,就好應該批地起番個港漫博物館,而唔係求求其其將啲雕塑掟喺九龍公園,日曬雨淋又俾人擒上擒落,唔使幾耐必定損壞云云。噓,家陣真係不幸言中嘞,Cuson個雕塑不幸斷頸,喺頸肩連接位置出現一條爆開咗嘅大裂痕,再唔修理的話,睇個勢遲早成個頭碌落地,到時就真係大吉利是咯。呢壇嘢邊個發現?Cuson本尊囉,佢影埋相貼上面書,並留言曰:「我個頭就嚟批甩……咁樣爛對我都幾大仇…」有網民估屬蝗蟲所為,有人又好搞笑話係Miss CaCa整蠱,點都好,我哋要珍惜展品,影相還影相,千其唔好又爬又騎,就算唔整爛,踩到一個個腳印都唔好喇。

Read more ›
塗鴉+疑似沾屎!邊個整污糟星光大道Cuson塑像?
by / on 23/08/2016 at 11:00 pm

塗鴉+疑似沾屎!邊個整污糟星光大道Cuson塑像?

喂!真係唔好咁吖,邊個咁多手呀?讀過書未呀?知唔知乜嘢叫公德心?呢鋪真係十萬個火滾,事緣Cuson喺尖沙嘴九龍公園香港漫畫星光大道個塑像,俾人惡意塗鴉,左邊面頰多咗「HK」字樣、額頭多咗「PEOPLE」字樣,而鼻哥窿同上唇仲有兩笪疑似屎嘅啡色物體,搞到好好一個塑像污糟邋遢。Cuson喺面書登相,有網友立即爆粗聲討──Thomas Choi:「屌,正人渣!」、Steven Chui:「離曬大譜!」、Way Cheung:「損人不利己,太過份!」我當然有份聲討喇,胡亂塗鴉嗰個人渣好應該拖出嚟斬,出街小心旱天雷呀……我都唔知點解自己會咁嬲,Cuson本尊反而無乜嘢。

Read more ›
哨牙珍絕密新造型曝光 轉著吊帶波點裙好Sexy
by / on 28/01/2016 at 8:30 pm

哨牙珍絕密新造型曝光 轉著吊帶波點裙好Sexy

絕密情報,位於九龍公園香港漫畫星光大道嘅哨牙珍塑像,將會喺1月30日換新裝,造型由傳統粉紅色唐裝變成黃點吊帶波波裙,Pose亦變得更撩人,輕拂裙擺露肉腿非常Sexy,甘小文呼籲大家到時捧場:「阿哨愛靚唔愛命,寒風凜烈下花枝招展,新—季夏裝出爐,欲睹哨美人全新風釆,屆時恭候。」OK,應承你,禮拜六見喇。

Read more ›
香港漫畫星光大道 新增漫畫角色提名
by / on 16/03/2015 at 6:30 pm

香港漫畫星光大道 新增漫畫角色提名

啱嘅,得嗰24個角色點夠分?所以作為港漫死忠嘅我,絕對支持香港漫畫星光大道增加漫畫角色。呢壇嘢,唔敢話政府好做到嘢,但總算有做過嘢,政府打算同樣喺九龍公園添多六個漫畫角色雕塑,兼決定擺多三年,叫之後廣大港漫迷多個影相點咁話喇。不過讚完都要彈,大佬呀,歸根究底,港漫畫畀邊個睇先?畫畀讀者睇吖嘛,因乜解究只有漫畫家、教授漫畫相關科目人士、與漫畫業相關公司、機構同組織先有提名權?計我話,讀者係畀錢嗰個,讀者嘅聲音先係最準確最發自內心,如果呢次無邱福龍嘅鐵縱橫、無馮志明嘅霸刀,我會殺人架。

Read more ›
漫畫星光大道兩週年同樂日 漫畫家送親筆畫板
by / on 26/11/2014 at 10:15 pm

漫畫星光大道兩週年同樂日 漫畫家送親筆畫板

面書專頁「香港漫畫星光大道」不停更新好料,大家想唔想知送親筆畫板嘅漫畫家陣容?鼎盛咯,排名不分先後,包括有王澤、黃玉郎、馬榮成、邱福龍、鄭健和、牛佬、上官小強、劉雲傑、溫日良、馬星原、崔成安、鄺志德、梁偉家、馬遜、黃國興、趙汝德、鄧達軒、Eric Chow、林業慶、夏偉義、雪晴、Steven Chui、Miloza Ma同Ultraman。啲親筆畫靚唔靚?俾幾幅大家睇吓先。咁呢個禮拜六,大家準時下晝兩點鐘見咯喎。

Read more ›

2013動漫節──唔好Miss漫人偶匠
by / on 28/07/2013 at 2:30 am

2013動漫節──唔好Miss漫人偶匠

我無本網站編輯苦茶咁神通廣大,可以早一晚漏夜鼠入會場,惟有靠自己排隊啦。傳媒都要排隊?係,雖則我有Pass理論上可以免費入場,但一樣要排隊。

Read more ›
王小虎
by / on 01/08/2012 at 2:00 pm

星光大道下的王小虎著Leggings?

黃興豬戥《刀劍笑》未能入圍不值、馮志明話唔抹殺所有入圍單位對港漫嘅貢獻、余兒為《吾命騎士》明明有份但Last被飛出局深深不忿,

Read more ›