Post Tagged with: "香港人"

網圖分享:高質文宣 香港人誓做流川楓+櫻木花道
by / on 19/08/2019 at 8:19 pm

網圖分享:高質文宣 香港人誓做流川楓+櫻木花道

  8月18日170+萬人爭取到乜嘢?無錯,暫時無乜實質嘢爭取到,但大遊行卻顯示到香港人是如何高質與團結。而最重要係,證明到和理非同勇武派可以大融合,你中有我,我中有你,你做我矛,我當你盾。網上流傳嘅呢幅文宣圖,觀之感受甚深,睇過《Slam Dunk》嘅一定Get到箇中意思,櫻木花道同流川楓可以合作打敗山王,香港人又幾時得到最後勝利?加油。

Read more ›

網圖分享:謝!栢迪「背心小流氓」為香港人打氣!
by / on 12/08/2019 at 9:15 pm

網圖分享:謝!栢迪「背心小流氓」為香港人打氣!

多謝栢迪為香港人打氣,我多麼希望佢筆下嘅「背心小流氓」including「公義」小晨、「守護」小楓、「勇氣」小韋、「責任」小儂、「堅持」小石、「希望」小苦,可以喺現實世界出現,為民請命,撥亂反正。我信呢個世界係有報應嘅,天地有正氣,香港人加油。

Read more ›
邱瑞新無心機寫週記 《火武耀揚》替香港人打氣
by / on 09/08/2019 at 8:15 pm

邱瑞新無心機寫週記 《火武耀揚》替香港人打氣

呢排香港水深火熱,相信唔少人都情緒低落,彷彿唞啖氣都唔順,抽口煙都冒不出輕鬆。好明顯邱瑞新都心情麻麻,今期第1033期《火武耀揚》直頭無心機到唔想寫字,原因係「心情沉重,無法執筆,瑞新周記暫停一期。」並附璀璨維港夜景照一張,上書「天佑香港,香港人加油」。唉,真係「恐怕這個璀璨都市光輝到此」,天呀,幾時先可以畀番個無催淚彈嘅香港我呀?

Read more ›
日本電飯煲扭蛋版 香港人送禮必備
by / on 30/04/2019 at 7:04 am

日本電飯煲扭蛋版 香港人送禮必備

好多香港人去日本會買電飯煲,如果朋友託你買,你又唔想抬返嚟,可以考慮抽呢個扭蛋俾佢。有6種顏色,由專出扭蛋嘅奇譚出品,5月中推出,送禮自用都可以留意返。

Read more ›
《火武耀揚》長樂孖仔對話有共鳴 做香港人真係好辛苦呀
by / on 08/11/2018 at 10:00 am

《火武耀揚》長樂孖仔對話有共鳴 做香港人真係好辛苦呀

今期第994期《火武耀揚》好密格足料,相信好多邱瑞新死忠讀者都同我一樣,覺得襟睇之餘亦睇到笑中有淚。笑者,長樂社孖仔出場,西人仔一貫九唔搭八作風激到火武紮紮跳,句句對白都好低B,喺地鐵我真係睇到架架聲笑咗出嚟。悲者,來自南京仔一大堆負面說話,好惹香港人共鳴──「兄弟……呢個年代邊有人同你講兄弟。」、「男人響香港地冇樓?同賤人廢柴冇分別;返工得雞碎咁多,仲要日日受氣,帶埋老母返工都唔掂。」、「女人要靚係唯一生存意義,買化妝品,買靚衫,狂做尖……嘥晒啲錢仲要人X港女。」結論呢,瑞新透過路人甲對白講咗出嚟:「哇!做香港人真係好辛苦呀!」雖殘酷,但確係事實。而最最最最最可悲係呢句──「真你鹵味!香港立撚咗例,唔俾講真話,講真話會俾人拉架。」簡直突破越位陷阱,一語中的,悲乎,刻下香港,敢講真話嘅仲有幾人?

Read more ›
【貓奴必買】屬於香港人嘅貓相集 影盡傳統老舖唐貓
by / on 23/10/2016 at 11:35 am

【貓奴必買】屬於香港人嘅貓相集 影盡傳統老舖唐貓

作為一個土生土長嘅香港貓奴,睇呢輯相應該會好有共鳴。長住喺香港嘅荷蘭攝影師Marcel Heijnen,發現香港好多傳統老店例如藥材舖、五金舖、海味舖等等都有養貓,佢覺得好有趣,於是多年嚟走訪好多店舖影落大量喵相,鏡頭下嘅唐貓全部都好可愛,勾起好多香港人嘅回憶,記唔記得你細個落士多或者街口嗰隻貓仔?鍾意佢嘅作品可以follow佢嘅Instagram,或者親身去12月喺Blue Lotus Gallery舉行嘅展覽,再買本佢嘅相集《香港舖頭貓》支持吓!

Read more ›

有無搞錯!Cuson畫作俾人抄襲?
by / on 11/08/2016 at 10:15 pm

有無搞錯!Cuson畫作俾人抄襲?

網海浮沉,無聊瀏覽面書,無意中發現羅振奇君一個Post,個Post登咗兩幅漫畫,一幅係Cuson畫嘅,另一幅係網媒「港人講地」畫嘅,Cuson嗰幅出先,「港人講地」嗰幅出後。一對照,係,對白唔同,想表達嘅訊息更加係啱啱相反,但構圖佈局、公仔面相、情節鋪排都好相似,你話咁樣算唔算抄呢?雖然唔係格格Copy and Paste,但我就覺得至少表達手法算抄。個人認為,先不論黃絲藍絲乜嘢唔同立場,「抄」本身已經係對創作嘅一大侮辱,喂,唔好話係向Cuson致敬之作呀,我估Cuson本尊固然唔信,稍為懂得「知識產權」為何物嘅文明香港人,都無一個會信囉。

Read more ›