Tag: 香味

【貓奴】日本「貓鼻」香味Lip Gloss 零距離錫佢個鼻

【貓奴】日本「貓鼻」香味Lip Gloss 零距離錫佢個鼻

之前日本都出過貓肉球hand cream同貓額頭味噴霧,今次Felissimo再親密啲,出埋貓味Lip Gloss潤唇膏!聲稱味道好似你錫緊隻貓個鼻咁,有三隻顏色,瘋狂貓奴可能忍唔住想買。BTW,其實係咪每隻貓都唔同味架?同埋通常啲貓個鼻都濕濕哋,唔知呢支Lip Gloss係咪都係好水潤?入嚟有官方網站,每支賣1300円,其中39円仲會捐去Felissimo嘅貓基金,買嚟送俾女貓奴最啱。

Read more ›

新片速報 煙肉味鬧鐘app 有得聞無得食

想唔想一早起身唔係比阿媽嗌醒,而係比一陣香噴噴嘅煙肉味薰醒?煙肉品牌Oscar Mayer最近做緊個宣傳活動,將會送出4700個手機附加香味座,下載埋個app之後,每朝起身鬧鐘一響就有煙肉味噴出,香醒你。我最欣賞係佢個廣告,拍到好似史詩式巨著咁,一塊煙肉都可以咁盪氣迴腸!講返個app,每朝起身得陣肉味,但之後又無人煮煙肉早餐比我食,其實都幾dry。

Read more ›

香味甜品首飾 女仔必冧

食物形狀嘅首飾之前都介紹過,不過今次呢個有啲特別,因為佢有埋香味!唔止呎吋同真實食物一樣,仲有埋味道,女仔最鐘意嘅Macaron、冬甩、窩夫、曲奇、雪榚都有得戴上身,全部由店主兼設計師Mei親自人手製,一般要兩星期起貨,作為禮物送比女朋友真係甜到入心。

Read more ›

貴爆手機game 邊打邊聞爆谷味

打機不嬲都係用眼睇,用耳聽,用對手撳吓掣,留返個鼻比我抖吓好喎。不過最近就有隻手機game就標榜可以釋出爆谷香味,等你一邊打一邊聞住陣爆谷味,一邊個肚打鼓。隻game叫Poptopia,App Store有得免費下載,不過想有得聞爆谷味,就要買個好似耳機插嘅遊戲角色公仔,插住佢玩玩吓就有爆谷味爆發出嚟,呢個插頭要另外想eBay買,睇睇價錢,嘩,bid緊美金$150,為返港紙要成千二蚊,多謝先。

Read more ›

新片速報 日本手機噴香味 隔空送玫瑰 搵你有味

奇特嘅產品越出越多,但呢個由日本ChatPerf推出嘅新產品,我覺得好實用,首先插喺耳機位再裝個app,你就可以set到有短訊Whatsapp佢就用香味嚟提你!送個俾女朋友,你仲可以隨時送花香味俾佢……iPhone 4版本會喺今年9月出,而Android版仲開發緊。繼續發展落去,就係打射擊遊戲可以聞到火藥味,打喪屍game聞到腐臭味,嘩!咁第時搭巴士港鐵,侵味咪好正?

Read more ›