fbpx

Tag: 餐廳

日本コメダ珈琲店用「雞叫」代替鐘仔 網民幻想全店叫店員會係點?

日本コメダ珈琲店用「雞叫」代替鐘仔 網民幻想全店叫店員會係點?

去日本餐廳,枱上都有個鐘仔俾你叫店員幫忙,多數都係啲電子鐘咁啦。不過近日就有網民發現日本コメダ珈琲店用呢隻「膠雞」嚟代替,相信大家都聽過呢隻雞鬼練咁嘈嘅聲?對呢隻雞冇概念?跟埋條片俾你參考番。

Read more ›

【有片】方便食嘢戴口罩 日本餐廳推出進餐專用口罩紙

【有片】方便食嘢戴口罩 日本餐廳推出進餐專用口罩紙

室內要戴,戶外要戴,只有飲食時可以唔駛戴。但其實再安全啲,飲食時都可以戴呀!日本連鎖意大利家庭餐廳Saizeriya就推出呢款食事用口罩「しゃべれるくん」,用再紙包住你自己個口罩改裝而成,可以防飛沫,又可以順便收好個口罩,仲有lam lam脷圖案添,掂呀!

Read more ›
日本網民推介 「蝦之放題」餐廳    2480円任食Twitter熱傳

日本網民推介 「蝦之放題」餐廳 2480円任食Twitter熱傳

鍾意食蝦嘅朋友要bookmark定,平時日本放題通常都係魚生壽司或者燒肉,原來日本連蝦都有任食放題。呢間位於東京墨田區錦糸町車站嘅餐廳「エビバリ」佈置好有峇里島風格,而餐廳嘅任食蝦放題價格2480円,豪華拼盤入面有大蒜烤蝦、炸蝦、烤雞肉,亦可以無限追加單點,另外有蝦沙律、炸蒜片蝦仁飯提供,蝦狂迷應該好滿足。

Read more ›
日本京都隱蔽小店推介 專門食鴨肉Menu好奇特

日本京都隱蔽小店推介 專門食鴨肉Menu好奇特

暫時都未去得日本旅行住,不過可以bookmark定啲美食餐廳留返之後去。日本有網民推介呢間喺京都祇園附近嘅隱蔽小店,專門食鴨肉,佢話超美味,不過個招牌同menu就比較特別,睇見咁得意嘅鴨仔圖案,會唔會有少少唔忍心食佢落肚?入嚟有地址同多啲相片。

Read more ›
日本網民推介淺草餐廳 1000円任食6款料理

日本網民推介淺草餐廳 1000円任食6款料理

去開東京又想平平哋任食嘅話,日本網民最近推介淺草嘅「浅草むぎとろ本店」,1000円可以任食6款料理,限時90分鐘,逢星期一至五11am-1:30pm嘅首100名入場人士可以享用,去開淺草可以試吓。

Read more ›
【超尷尬】日本餐廳半價優惠大隻佬 要著背心做指定動作

【超尷尬】日本餐廳半價優惠大隻佬 要著背心做指定動作

要攞優惠係要付出代價嘅,日本タコベル最近有個優惠,著住背心去到櫃枱前做出呢個大隻佬手勢,再order新出嘅呢款炸雞食物NAKED CHICKEN TACO,就可以得到半價優惠,由780円減到390円!一個人去真係有啲尷尬。有無香港嘅大隻佬諗住去為港爭光吓?

Read more ›

《東京喰種》餐廳血洗銀座 4萬支紅玫瑰食物血淋淋

《東京喰種》餐廳血洗銀座 4萬支紅玫瑰食物血淋淋

《東京喰種》電影續集《東京喰種 トーキョーグール【S】》日本7月19日上映,諗起佢自然諗起間餐廳,最近六本木開設「喰種レストラン」,俾大家感受《東京喰種》夜宴,除咗有血淋淋嘅食物,場內仲有4萬支紅玫瑰嘅佈置,好型!只限7月5日至8月4日開放,地點未公開,只係話咗喺銀座某處,而且要預訂,每位價錢1萬円。食物方面係佢哋稱為「血與鮭魚嘅美食晚餐」,菜單包括鵝肝、生牛肉片、烤鹿肉等等,全部血淋淋,fans必去。入嚟有得回帶睇返電影預告。

Read more ›
日本家庭餐廳Gusto「完全一人席」 叉電Wifi全包超正

日本家庭餐廳Gusto「完全一人席」 叉電Wifi全包超正

一個人去日本,電話無電想叉吓?最近有好地方推介。日本家庭式餐廳連鎖店Gusto(ガスト)最近推出咗呢啲一人私家位,吸引好多網民談論。外形好似圖書館嘅自修室,但就配備埋叉電、Wifi,而且無時間限制,傾電話都得,仲好過去Starbucks,因為有多啲食物揀!佢嘅分店極多,唔少都係朝七晚十二,happy hour啤酒200円杯,難怪好多日本網民推介。入嚟有店舖地點同埋多啲相片睇。

Read more ›
日本「藍色食物醬汁」量產     沙律飯團全部變藍

日本「藍色食物醬汁」量產 沙律飯團全部變藍

一見到呢隻藍色就諗起史萊姆,不過日本人似乎幾鍾意,最近品牌Kenko仲出埋藍色嘅調味醬汁,個名好好聽叫「Ocean Blue」,用嚟配沙律又得,整飯團又得。用咗全天然材料「螺旋藻」,醬汁仲有骨膠原成分同埋oil-free,女仔食多啲都唔怕。可惜暫時只限供應俾餐廳,未有得零售,可以預期嚟緊好多餐廳都會有藍色食物供應嘞!

Read more ›
日本網民推介銀座餐廳      超正星空佈置Twitter熱傳

日本網民推介銀座餐廳 超正星空佈置Twitter熱傳

去日本最重要都係搵嘢食,最近有日本網民推介呢間「アンドピープル銀座店」。位於東京銀座,主要食景,仿星空嘅天花佈置超靚,仲有一個個帳篷設計,吸引好多人RT同埋留言話要去試。推介去食晚餐先感受到個靚景,食物方面主要係西餐類,啲甜品賣相仲好正,人均消費大約3千円左右,唔算貴,去開東京可以試吓。

Read more ›
意義不明攝影會 觀光客集結餐廳排氣口外影櫻花

意義不明攝影會 觀光客集結餐廳排氣口外影櫻花

自從有咗社交平台之後,大家都出盡力影櫻花,唔放過任何攝影角度。好似日本有網民就見到有間內臟燒肉店嘅背面排氣口集結咗好多觀光客,原來有棵櫻花,啲櫻花開始飄落河上,河上又有隻雀,係咪好有意境?難怪個個都爭住影‥‥‥

Read more ›

【有片】日本餐廳撳鐘仔 叫極叫唔到店員嚟

【有片】日本餐廳撳鐘仔 叫極叫唔到店員嚟

日本餐廳好多都會喺枱頭放個鐘仔,你撳就可以叫到店員嚟幫你落order。呢位日本網民就以為呢個係,但點解叫極都叫唔到店員嚟呢?

Read more ›
東京獨特藝術展 全國餐廳筷子套拼湊而成

東京獨特藝術展 全國餐廳筷子套拼湊而成

藝術嘅嘢真係要用心欣賞,日本最近就有呢個「Japanese Tips」展覽,將全國餐廳嘅筷子套摺成唔同形狀再拼湊成一面牆,超過8000間餐廳,睇相都覺得壯觀,有興趣可以去東京千代田區嘅3331 Arts Chiyoda參觀,免費嘅。

Read more ›
【超邪惡﹞日本超級芝士漢堡 兩塊厚芝士夾麵包

【超邪惡﹞日本超級芝士漢堡 兩塊厚芝士夾麵包

日本好多瘦人,但係佢哋嘅食物經常都好肥好過份。好似時裝品牌Journal Standard旗下嘅餐廳J.S.Burgers Cafe就有呢個芝士漢堡「Super Cheese Burger」。平時人哋係兩塊麵包中間夾芝士,佢就用兩塊芝士嚟夾一塊麵包,再細心睇吓塊camembert芝士,真係厚過塊麵包!中間仲有啲車打芝士溶溶哋咁漏出嚟,睇見都覺得好好味、好邪惡。不過據講每日都好快俾人買走,而且係期間限定,想食都唔易。

Read more ›
【毁容】日本網民餐廳中伏 吉祥物甜品咁嘅樣

【毁容】日本網民餐廳中伏 吉祥物甜品咁嘅樣

喺日本比較少會遇到呢種理想與現實嘅情況,不過凡事總外例外。最近有日本網民去咗餐廳,店員話今年店舖3週年紀念,仲出咗個用佢哋 吉祥物整成嘅甜品,點知嚟到之後‥‥‥隻熊仔好似俾人毁咗容咁,隻眼珠仲突咗出嚟,最恐怖係頭頂有個紅色嘅3字!右下角係吉祥物嘅原圖,難以置信!不過樓主最後都補返句,個甜品味道係幾好嘅。

Read more ›