fbpx

Post Tagged with: "飯盒"

求生必備《新世紀福音戰士》防災備蓄品 五款飯盒即開即食
by / on 28/07/2020 at 7:11 am

求生必備《新世紀福音戰士》防災備蓄品 五款飯盒即開即食

限聚令進一步收緊,好多人去超級市場買定儲糧,作為《新世紀福音戰士》嘅fans,點都要買埋呢套補給套裝。最近官方同日本網站amiami、食品公司Holika Foods合作,推出呢個「特務機関NERV指定防災備蓄品 アソートセット」,每款有白飯配醬料,分別係咖哩牛肉、牛肉丼飯、燉牛肉、中華丼飯同埋和風漢堡肉,最正都係個盒,用返Eva獨有風格。另外所有食品一打開就可以食用,仲可以保存3年半,8月初推出,每套7000円,末日都可以食好啲,求生必備呀。

Read more ›

西人自製風格便當    三色椒做盔甲
by / on 19/11/2014 at 7:09 am

西人自製風格便當 三色椒做盔甲

好耐無介紹過自製便當,主要原因係見得多好難有驚喜,不過呢個外國便當專家Micky Araben嘅飯盒有啲唔同,有別於日本便當嘅精緻,有好強烈嘅個人風格,設計顏色鮮豔,仲好鐘意用我極之怕食嘅三色椒,用嚟做機械人盔甲都幾型。另外啲飯仲好重份量,壓到實一實,果然係鬼佬style。

Read more ›
慈母靚爆愛心飯盒   蜘蛛俠飯團 Hello Kitty麵包床
by / on 26/09/2014 at 7:07 am

慈母靚爆愛心飯盒 蜘蛛俠飯團 Hello Kitty麵包床

經常都有慈父慈母整愛心飯盒比仔女帶返學食,呢位新加坡嘅媽咪Li Ming都唔例外,而且佢整嘅飯盒仲相當高質,拍得住日本人嘅精緻。我最鍾意係蜘蛛俠飯團同埋Hello Kitty方包床,靚到唔捨得食,雖然唔知味道係點,不過相信佢兩個囝囝Lucas同埋Ivan應該食得好冧,好快變肥仔。

Read more ›
愛心爹哋開網站   《壞蛋獎門人》飯盒跟住整
by / on 06/04/2014 at 12:31 pm

愛心爹哋開網站 《壞蛋獎門人》飯盒跟住整

越嚟越多愛心爹哋鐘意整靚個Lunchbox比仔女帶返學校威威,之前都介紹唔少,最新有呢個住喺三藩市嘅慈父Beau Coffron,每星期佢都會為兩個小朋友整飯盒,由《壞蛋獎門人》到《My Little Pony》到《芝麻街》都有,情人節、萬聖節仲會有特別版飯盒,好冧。除咗樣靚之外,仲好好味好健康,我點知?因為佢仲開咗個網站LunchBoxDad,將自己嘅心血結晶同埋整作過程放上去公諸同好,睇啱可以跟住做。

Read more ›
宇宙最貴外賣飯盒   4000港幣一盒
by / on 22/12/2013 at 6:55 pm

宇宙最貴外賣飯盒 4000港幣一盒

外賣飯盒唔只得餐蛋飯,倫敦名廚Charlie Bingham最近整咗個宇宙最貴嘅外賣飯盒,一盒賣美金$500!有幾巴閉?請睇以下簡介:食物包括英國最靚嘅龍蝦、深海帶子、野生Turbot貴價魚、白色大鱘魚魚子醬、煙燻三文魚、煙燻蠔,配白松露菌拼香檳汁,連面層嘅麵包碎都混合咗24K金,個盒當然都係24K包金,仲要即叫即做,由護衛員親自送上門,睇完我好肚餓,口水流到一地都係,可惜荷包無錢,嗌Pizza Hut都唔夠。

Read more ›
Lego飯盒自由組合   多色任揀
by / on 16/07/2013 at 7:49 am

Lego飯盒自由組合 多色任揀

出街食晏又貴又迫又多味精,如果屋企有住家飯,帶飯真係唔錯嘅選擇,如果個飯盒好似呢個LEGO Lunch Box咁得意,我都唔介意帶多幾味餸。叫得做Lego,梗係有N咁多隻色比你任揀,最得意係有迷你Lego盒,等你可以大盒套細盒咁自由組合帶多幾味餸,貫徹Lego嘅創作理念,不過我估唔放得入微波爐,唯有帶飯團啦。

Read more ›

《Pokémon》精靈球飯盒 爆球品嚐比卡超!
by / on 05/07/2013 at 6:23 pm

《Pokémon》精靈球飯盒 爆球品嚐比卡超!

囝囝唔肯食飯點算呀!?選擇題: A. 買個個飯煲、B. 買XX牌營養米、C. 買個漏斗灌入去……好神秘呀呵? 不過現實中廣告就係咁教哋! 不過我覺得呢件嘢Work啲囉, 寵物小精靈怪物球飯盒, 小智氹食飯喎、食比卡超肉喎!

Read more ›
打機當食飯 木製PS3主機飯盒
by / on 14/12/2012 at 3:00 pm

打機當食飯 木製PS3主機飯盒

細個阿媽成日鬧我:「你打機得啦?唔使食飯喇。」好老實,係,其實細個打機真係重要過食飯。咁o依家做遊戲網站編輯呢?唔打機又真係冇飯食喎,咁,呢個PS3「究極のキャラ弁」就好啱我喇。日本PS為記念《Metal Gear》同《FF》25周年而製作,用日本傳統木工打造。打開部趟蓋版PS3,我就可以開飯有飯食,長230mm × 闊290mm × 高145mm,但係,冇人煮飯擺落去喎,唔通要我帶薯片加個印尼撈麵做便當?好彩,屬非賣品。

Read more ›