Post Tagged with: "飯團"

日本古怪戒指扭蛋 飯團內藏魚籽戒指
by / on 24/09/2019 at 7:35 am

日本古怪戒指扭蛋 飯團內藏魚籽戒指

之前都有介紹過,最近終於推出嘞。呢款表面係飯團,打開其實收埋咗隻戒指嘅扭蛋,最近有日本網民去咗扭,10部機排開好有氣勢,樓主仲扭到明太子同埋燒三文魚,去開日本嘅朋友可以試吓,我最想要三文魚籽。

Read more ›

日本「飯團求婚戒指」扭蛋      誠徵勇士死亡測試
by / on 14/07/2019 at 11:17 am

日本「飯團求婚戒指」扭蛋 誠徵勇士死亡測試

又係奇譚嘅扭蛋,今次呢款好驚喜,表面睇係一個飯團,打開原來收埋一隻求婚戒指,係咪好驚喜?好感動先?戒指總共有5個款式,包括燒鮭魚、梅干、明太子、魚籽同埋昆布芝麻,其中又以魚籽睇落最矜貴,啱晒吃貨女友,有無死士夠膽挑戰吓用佢嚟求婚?預計9月發售,而家籌備定啱啱好。

Read more ›
【圖集】高質動漫角色「飯團」 醫生業餘作品超治癒
by / on 04/07/2019 at 7:48 am

【圖集】高質動漫角色「飯團」 醫生業餘作品超治癒

醫生除咗醫病,仲可以治療人心,好似泰國呢位醫生,本身都係業餘嘅食物藝術家,佢嘅IG有大量作品,主要係用飯團做設計,全部完成品都好高質,佢特別鍾意比卡超系列,製作咗好多作品,鍾意嘅記住入嚟follow埋佢嘅IG。

Read more ›
【新片速報】超友善日本喵星人 任人搓圓襟扁扮飯團
by / on 24/04/2019 at 7:43 am

【新片速報】超友善日本喵星人 任人搓圓襟扁扮飯團

喵星人好有性格,唔係隻隻肯俾人搓圓襟扁,仲要肚皮向上咁坐。日本有網民放咗段片上Twitter,即場表現用隻貓嚟搓飯團,而隻貓似乎瞇晒眼好享受,好幸福,我指個貓奴,入嚟有片睇。

Read more ›
日本「紫菜梅飯團」纖維飲品 網民分享試後感
by / on 14/04/2019 at 1:22 pm

日本「紫菜梅飯團」纖維飲品 網民分享試後感

日本好興呢啲纖維飲品,啫喱狀好有益,不過將佢變成飯團嘅食物纖維飲料,就唔係人人都接受到。日本有網民鼓起勇氣買咗嚟試,仲喺Twitter分享咗試後感,引起好多網民討論。首先飲飯團呢件事佢覺得已經好瘋狂,不過樓主話個味道係好正確嘅,有飯味、紀州南高梅味、鏗魚味同海苔味,不過個腦會接受唔到自己飲緊呢堆嘢落肚,咀嚼啫喱時感覺好尷尬。有網民留言話可能呢啲就係未來世界嘅食物,亦有人話適合用嚟做懲罰遊戲,睇完有無啲想買?據聞「驚安の殿堂」有貨,買返嚟送俾朋友做手信啱晒。

Read more ›
【人類總是】日本網民買飯團 3日後發現變成咁
by / on 27/05/2018 at 2:38 pm

【人類總是】日本網民買飯團 3日後發現變成咁

大家都試過買咗麵包或者三文治,之後放咗喺袋唔記得咗食,日本呢位網民喺Family Mart買咗個辛子明太子飯團,買咗3日先記返起,拎出嚟好似無乜嘢,不過打側一睇‥‥‥同本MacBook差唔多薄。你啲三文治同麵包有無試過咁嘅下場?

Read more ›

【有片】超可愛星戰Porgs飯團     製作過程影片跟住學
by / on 20/01/2018 at 3:35 pm

【有片】超可愛星戰Porgs飯團 製作過程影片跟住學

今集星戰電影《Star Wars:The Last Jedi》多咗隻賣萌嘅動物Porgs,好多女仔都讚佢得意。Disney Parks嘅YouTube頻道拍咗段片教大家點樣整Porgs飯團,睇落唔難,完成品又肥又蠢好可愛。不過一啖食佢落肚好似有啲殘忍喎!

Read more ›
日本7-11蟹柳飯團有蟲? 網民拆解疑點Twitter熱傳
by / on 24/06/2017 at 7:16 am

日本7-11蟹柳飯團有蟲? 網民拆解疑點Twitter熱傳

日本嘅食物出名衞生,不過最近有位日本網民喺7-11買咗個蟹柳飯團,包裝入面居然有隻黑色蟲仔!件事吸引好多網民討論,劇情仲好峰迴路轉。有另一位網民好快留言話發現包裝應該俾人開過,隻蟲仔估計係有人故意放入去,佢仲畫埋圖解釋犯案經過,然後建議樓主刪post以免導致誹謗罪,其他網民就繼續食花生,入嚟有得分析吓。

Read more ›
日本皮製飯團套 掛喺袋超有型
by / on 06/02/2017 at 8:28 pm

日本皮製飯團套 掛喺袋超有型

去日本旅行有時都會喺便利店買呢啲飯團第二朝做早餐,但我都識講,便利店都有得賣,咁到底喺咩情況下需要買定一個掛喺袋度?可能係唔方便離開工作岡位嘅時候?準備去荒山野嶺唔會有便利店?點都好,最重要一件事係有型嘛。呢3款由ARATAYA製作嘅皮套,專門俾你放三角形嘅飯團入去,扣好掛喺袋,真係好型,4,200円個。

Read more ›
生味噌飯團Twitter熱傳     關西「名物」好唔好食?
by / on 07/01/2017 at 7:08 am

生味噌飯團Twitter熱傳 關西「名物」好唔好食?

鐘唔鐘意食飯團?呢幾嚿生味噌飯團最近喺日本Twitter熱傳。有日本電視節目介紹呢件關西「名物」,大家笑到喊嘅表情,似乎對呢件名物不敢恭維喎。但係網民就唔係咁睇,有人話唔應該詆毀人哋嘅食物,有人分享自己爸爸都好鐘意食味噌飯團,仲有人話如果燒一燒會更加好味。BTW,我都食過燒味噌飯團,個人認為幾好味。至於生味噌,其實係指直接由味噌桶取出,未經高溫處理嘅味噌。下次去日本見到記住試吓。

Read more ›
【圖集】喵星人乜都係「枕頭」   亂瞓飯團/遙控器/盆栽
by / on 18/07/2016 at 7:15 am

【圖集】喵星人乜都係「枕頭」 亂瞓飯團/遙控器/盆栽

喵星人好識嘆,瞓覺都鍾意搵啲嘢枕住個頭,最常見係搵自己隻前腳頂住個頭,識嘆啲嘅會搵本書或者挨喺Keyboard上面瞓。不過估唔到仲有好多奇怪「貓枕頭」,例如飯團、模型、遙控器、網球甚至盆栽‥‥‥超搞笑,入嚟慢慢欣賞。

Read more ›

【不要玩食物】比卡超/龍貓/蛋黃哥 超靚自製飯團點捨得食
by / on 09/01/2016 at 2:27 pm

【不要玩食物】比卡超/龍貓/蛋黃哥 超靚自製飯團點捨得食

之前都有好多人玩食物,不過今次呢個主攻飯團,而且好高質,高質到唔介紹唔得。以為整飯團就係日本人,原來今次呢位係泰國女blogger,個名叫Peaceloving Pax,佢會好細心咁將飯粒染成唔同顏色,再加砌過嘅公仔包括比卡超、蛋黃哥、龍貓、叮噹、Minions、LINE公仔等等,而且啲相影得好靚,佢嘅YouTube頻道仲有教學片睇。

Read more ›
【好飽】日本水著囡囡 胳肋底搓飯團嚇走網友
by / on 22/10/2015 at 7:13 am

【好飽】日本水著囡囡 胳肋底搓飯團嚇走網友

日本人對食物嘅執著大家都知,不過今次就過咗火。平時搓飯團都係用手,不過呢日本水著囡囡就諗倒用胳肋底。先喺胳肋底沾滿黑白芝麻,之後將個飯團夾入去,搓呀搓,未食飯嘅真係要慎入!(嗱我打咗格喇算係咁啦) 睇見完成品表層立立令,好重口味,BTW,個囡囡嘅質素真係‥‥‥日本網友嘅反應都好大,有人話「想嘔!」、「好污糟」,亦有人突破盲點:「唔會覺得熱咩?」、「手臂好粗喎!」我就慶幸佢無腋毛。

Read more ›
蛋黃哥食物吊飾 變身飯團哥/甜筒哥
by / on 17/09/2015 at 7:06 am

蛋黃哥食物吊飾 變身飯團哥/甜筒哥

又嚟嘞!呢隻超hea嘅蛋黃哥,個個星期都有新產品公佈,今次就到呢個細細件嘅食物吊飾,一式五款,三角紫菜飯團勁得意,喺入面爬爬吓嗰款甜筒都好搞笑,仲有漢堡、腸仔、蘆筍等唔同食物,唯一不變嘅係佢都係口擘擘勁懶散!今個月推出,每扭一次200円,去開日本記住帶埋佢哋返香港嘞。

Read more ›
【貓奴工具】日本貓飯團工具 啤出眼耳口鼻
by / on 26/06/2015 at 7:15 am

【貓奴工具】日本貓飯團工具 啤出眼耳口鼻

日本人總有辦法將啲好平凡嘅嘢變得好萌,例如呢個貓飯團就係好好嘅例子,只要放塊紫菜落去個貓樣夾入面,撳兩撳,就可以啤出貓眼、耳、口、鼻、貓鬚全套,直接貼上飯團表面,就係超可愛嘅貓咪飯團。至於嚿飯團,想傳神當然要有埋兩隻倒三角耳仔位啦,呢套工具有個容器可以塞嚿飯入去啤返貓形狀出嚟。全套工具喺amazon有得買,美金$16,各位貓奴有無興趣?

Read more ›