Post Tagged with: "食飯"

【新片速報】日本和尚100%貓奴 邊食飯邊餵貓超忙
by / on 01/06/2019 at 2:12 pm

【新片速報】日本和尚100%貓奴 邊食飯邊餵貓超忙

仲記唔記得呢位日本嘅寺廟和尚,最近佢又有新片喺Twitter熱傳。佢屋企養咗好多隻貓,每逢和尚食飯就會好熱鬧,啲貓會坐晒上佢個身不停喵喵叫,佢每食完一啖就要餵啲貓食吓零食,好忙。最近呢段片見到人同貓都好精神,中間隻貓仲好長氣,不停喵喵叫似乎好肚餓,入嚟有片睇。

Read more ›

【新片速報】日本「禮儀之喵」 食飯戴圍巾Twitter熱傳
by / on 19/10/2017 at 7:36 am

【新片速報】日本「禮儀之喵」 食飯戴圍巾Twitter熱傳

喵星人食嘢都好講禮儀,戴返條圍巾即刻型晒。日本呢位喵星人分享咗佢隻喵戴圍巾嘅短片,難得隻喵好乖好配合,識自動伸前條頸等主人可以戴到,仲令佢即時變尖面!段片喺Twitter好多人RT,入嚟有多啲呢隻喵嘅生活照同片睇,超可愛!

Read more ›
日本女生:「男生食飯後俾3000円的士錢太孤寒」 惹火言論網友狂鬧
by / on 13/07/2016 at 7:13 am

日本女生:「男生食飯後俾3000円的士錢太孤寒」 惹火言論網友狂鬧

首先我估因為食完飯無JR搭所以要搭的士,而日本的士出名極貴。但係呢幾位極品「日女」(港女啲friend)講嘅說話真係好過火,難怪喺網上狂俾人鬧。話說日本電視台訪問咗片中呢幾位女性,講到同男仔食完飯後,對方比的士錢自己呢個話題,有位22歲嘅女仔話:「如果問佢要3千円嘅的士錢,而佢只係俾3千円就太孤寒嘞。作為男人應該要比張1萬円,橫掂都係俾就型啲啦。」網民群起圍攻,留言好到肉:「去死啦」、「因為你只值3千円,要有自知之明」、「屋企有無鏡?」其實無論靚唔靚,都唔應該有咁嘅要求啦,係咪?

Read more ›
【無言的壓力】貓奴每日食飯腳上千斤重 日本Twitter熱傳
by / on 29/04/2016 at 7:13 am

【無言的壓力】貓奴每日食飯腳上千斤重 日本Twitter熱傳

喵星人好有自己個性,鍾意坐邊就坐邊,瞓邊就瞓邊,因為喺佢心目中,間屋所有嘢都係佢嘅,包括貓奴。近日有日本網民就喺Twitter放咗佢隻喵嘅相被瘋傳,佢話每日食飯嘅候,腳上都會有股無言嘅壓力,原來佢隻貓好鍾意趁佢食飯時踩住佢隻腳,俾人發現時個樣仲一臉無辜,入嚟仲有呢隻霸氣喵嘅生活照,好可愛。

Read more ›
【有得睇無得食】日本喵星人逢食飯必出現 醜態被放IG
by / on 08/03/2016 at 7:14 am

【有得睇無得食】日本喵星人逢食飯必出現 醜態被放IG

各位貓奴,每次你食飯時,屋企嘅喵星人有無即刻衝埋嚟望住你食?雖然無得食,但似乎聞吓都開心喎。日本呢對男女屋企養咗兩隻喵星人,每次食飯兩隻喵都會現身,主人就影低晒佢哋嘅為食樣,仲放埋上網,而家IG有好多粉絲。另外睇相都知黑白色嗰隻個樣曳啲,果然,每次都係佢忍唔住出手想搶嘢食,仲成日舔舔脷流晒口水。

Read more ›
有片      狗狗食飯前先祈禱   曳狗偷望
by / on 17/04/2014 at 7:14 am

有片 狗狗食飯前先祈禱 曳狗偷望

勁得意!可能慢咗少少,不過我啱啱先睇倒,好想分享吓。呢四隻狗狗最近喺台灣爆紅,睇片見倒佢哋食飯前識得耷低頭祈禱,食完仲識自己擔返走個食物兜還返比主人,勁乖勁得意!不過我留意倒左邊第二隻狗狗特別曳,祈禱時偷望主人,食完又唔收返個兜,好彩佢旁邊個friend抵得諗,願主寬恕你。

Read more ›

有片   韓國新潮流    靚女網上直播開餐   月賺7萬
by / on 30/01/2014 at 7:21 am

有片 韓國新潮流 靚女網上直播開餐 月賺7萬

韓國真係無奇不有,最近興起網上直播食飯,其中最人氣係呢位韓國靚女Park Seo-yeon, aka The Diva,佢每晚直播自己食七咁食,吸引好多人睇,仲令佢每月穩賺7萬蚊港幣!呢個全新概念成為韓國潮流,而家大概有3500人主持緊呢類型節目,靚女Park Seo-yeon每日開工3小時,直播期間網友可以送虛擬汽球比佢,每個值100 won,一個月可以賺倒超過7萬蚊港幣。佢話大家最鐘意係睇佢一次過食咁多嘢,滿足倒減肥節食嘅人士,更重要係,填補倒一班自己喺屋企食飯好空虛嘅網友心靈。

Read more ›