Post Tagged with: "食物"

多啦A夢唔食豆沙包食Macaron
by / on 26/02/2014 at 7:17 am

多啦A夢唔食豆沙包食Macaron

多啦A夢最鐘意食豆沙餅,估唔倒其他甜品都啱胃口。剛剛宣佈4月28日推出嘅多啦A夢玩具,一套8款,全部以多啦A夢狂食嘢做主題,食物方面,除咗朱古力、百力支同健康嘅車厘子之外,仲有香港人一窩鋒湧去買湧去學但又好快唔興嘅Macaron,就係無佢最鐘意嘅豆沙包!今次仲有多啦A夢嘅妹妹多啦美客串登場食士多啤梨,我最想要都係食車厘子嗰個,多啦A夢食到咀歪歪好得意。

Read more ›

日本3D食物大集合   多啦A夢/ 龍貓滾滾吓
by / on 04/02/2014 at 7:13 am

日本3D食物大集合 多啦A夢/ 龍貓滾滾吓

呢幾日食蘿蔔糕、年糕食到滯晒,喺時候食返多啲蔬菜。日本之前好興玩3D咖啡拉花,近排就演化成3D食物,最常見就係喺火煱上。有日本網站將呢啲喺Twitter上見倒嘅3D食物圖大集合,見倒呢啲3D動物主要用蘿蔔茸、紅蘿蔔(又係蘿蔔!)等等蔬菜砌成,有多啦A夢、龍貓以至近期日本最紅嘅吉祥物彈跳王梨之妖精「ふなっし(Funassyi)」,全部喺火爐上滾滾吓,一陣間就溶晒喺湯入面,好殘忍。

Read more ›
雪櫃磁石    提醒你食物到期日
by / on 20/11/2013 at 8:34 am

雪櫃磁石 提醒你食物到期日

健康嘅嘢我睇得好淡,炸雞、薯條呢啲嘢好難避免嘅,不過過期食物我就點都唔會食。有無試過雪櫃食物過晒期被迫要掉咗去?呢款雪櫃專用磁石好實用,有掃描QR Code功能,記低每樣嘢嘅到期日,再將磁石貼喺雪櫃面,當食物就快過期佢就會變色提示你。咁實用唔怪得之可以捧走2013 Red Dot設計大獎,可惜仲未量產,同埋我雪櫃有好多零食‥‥‥

Read more ›
多啦A夢記憶麵包出配飾      唔放得入口
by / on 10/11/2013 at 12:19 pm

多啦A夢記憶麵包出配飾 唔放得入口

去得東京嘅多啦A夢博物館,一定要去埋入面間餐廳,食物靚之餘味道仲好得,諗起都肚餓。專出迷你呎吋玩具嘅日本RE-MENT最近就宣佈推出一套八件嘅多啦A夢食物配飾,最吸引我嘅梗係記憶麵包啦,最欣賞佢有少少蜜糖沾喺麵包邊,超細心。另外咖喱飯、豆沙飽都唔錯,可惜唔放得入口。12月2日有得賣,每盒380円,對比餐廳價格嚟講算好平喇。

Read more ›
大師相集  巨型食物玩得唔食得
by / on 21/10/2013 at 7:29 am

大師相集 巨型食物玩得唔食得

攝影師Christopher Boffoli嘅作品我真心推介,佢嘅成名作品「Big Appetites」系列,所有人類都變成迷你呎吋,不過啲食物就超巨型,最精彩係每張圖都有故事,例如倒瀉嘅牛奶上面有人划艇、朱古力上有人採礦‥‥‥佢嘅作品仲結集成書,amazon有得賣,推介。

Read more ›
電影海報變食物   《Ice Cream》驚嚇片變笑片
by / on 07/08/2013 at 7:34 am

電影海報變食物 《Ice Cream》驚嚇片變笑片

電影海報改圖成日見,不過今次有埋主題,全部都同食有關!外國網站搜羅咗大量以食物做主題嘅電影海報改圖,唔止改名,連張圖都改埋,好好笑。我最欣賞《Ice Cream》個雪糕筒同埋《TOP GUM》香口膠,《Butter Island》都唔錯,睇完我有啲肚餓。

Read more ›

日本蛋多士 iPhone 5殼   左右兩邊冧女一流
by / on 05/08/2013 at 7:42 am

日本蛋多士 iPhone 5殼 左右兩邊冧女一流

日本出嘅電話殼手工真係特別靚,好似呢款蛋多士iPhone 5專用電話殼,官方將佢同真嘅食物拼埋一齊,基本上係搵唔倒分別,塊多士夠厚,蛋黃令立立,睇見都覺得肚餓,最有心思係佢出埋左右兩款,等你可以同另一半拼埋一齊變成一塊完整多士,冧女一流,開價3800円,日本製。

Read more ›
「六爪魚」驚現希臘沙灘   稀有生物慘被食落肚
by / on 29/07/2013 at 7:22 am

「六爪魚」驚現希臘沙灘 稀有生物慘被食落肚

八爪魚之所以叫八爪魚,因為佢有八隻爪,但係居住喺美國華盛頓嘅Labros Hydras最近同仔女去家鄉希臘玩,居然喺沙灘捉倒隻六隻腳嘅「八爪魚」!你無聽錯,真係得六隻腳!廚師拒絕幫佢烹調,由於佢太餓,於是決定自己煮,仲好識嘆加埋蕃茄、檸檬之類嘅配料,食完諗諗吓先知驚,因為佢殺死咗隻極稀有嘅海洋生物!為咗贖罪,佢話比海洋生物學家知發現到六爪魚嘅地點,好彩六爪魚原來之前都被發現過一次,不過估唔倒今次居然比人食埋落肚,唉,都話人餓起想嚟真係會失去理智o架啦!

Read more ›
食物畫家神人    牛奶速畫李小龍MJ
by / on 24/07/2013 at 7:33 am

食物畫家神人 牛奶速畫李小龍MJ

呢條片千祈唔好比阿媽睇倒,唔係實比佢鬧浪費。法國畫家Vivi Mac強項係用飲品畫畫,一盒奶一支飲管,就可以畫成李小龍、Michael Jackson等多位名人,仲開埋YouTube頻道將過程任你睇。最快4分鐘之內可以畫起一個人像,技術超班。除咗牛奶,仲有用Rum酒畫成嘅海盜Johnny Depp、麥樂雞BBQ醬嘅蒙娜麗莎、幼條軟糖砌成嘅尤達大師,基本上放得落肚嘅都可以當畫筆顏料,好瘋狂。

Read more ›
遊戲主角食物Tee 之夏天食少啲
by / on 13/05/2013 at 7:23 am

遊戲主角食物Tee 之夏天食少啲

夏天,有咩服裝方便得過一件Tee,簡簡單單唔駛貴,最緊要有model身形,同埋唔好食咁多嘢。作為機迷,可以望梅止渴,好似呢件tee,有齊遊戲主角鍾意嘅食品,例如孖寶兄弟嘅增高蘑菇、Donkey大猩猩梳香蕉‥‥‥其他嗰幾款你認唔認得出自邊款遊戲?

Read more ›
東京シティビュー餐廳 「初音未來」菜式登場
by / on 14/04/2013 at 9:49 pm

東京シティビュー餐廳 「初音未來」菜式登場

喺六本木東京シティビュー(Tokyo Cityview)入面,擁有高250米展望台嘅「Mado Lounge Spice」將會推出「初音ミクカフェ」主題活動,由4月26日至6月16日供應初音菜式。當中有咖喱「39カレー」(1,000円)、仲有特飲「Ievan Polkka カクテル(ノンアルコール)」(700円)同「ねぎ茶そば」(900円)。又係嗰句,去開旅行,搵晚去試吓啦,六本木喎,唔覺毒嘅。

Read more ›

西人便當     instagram紅人醒神早餐
by / on 17/03/2013 at 4:00 pm

西人便當 instagram紅人醒神早餐

平時睇日本人便當睇得多,係時候食吓西餐!今次介紹呢個廚師Ida Skivenes來自挪威,嚐好係煮嘢食,唔好意思,我知我又講無謂嘢。由兩年前佢開始定期喺instagram舖自己嘅食物相,講真,賣相好靚好生鬼,除咗動漫人物蝙蝠俠、小王子、變形俠醫之外,仲有好多趣緻動物,睇完心情靚晒。講返個廚師,年齡估計35-30歲,佢話每次整完影完,就會馬上食咗碟嘢慶祝,難怪佢咁瘦。

Read more ›
獵奇飾品   日本薯條頭巾/pizza頸巾登陸
by / on 15/03/2013 at 10:13 am

獵奇飾品 日本薯條頭巾/pizza頸巾登陸

話咗大家幾多次咖喱漢堡唔係用嚟玩架,衰仔!咁薯條呢?班戟呢?Pizza飽呢?啱啱喺網上見倒呢堆食物飾品,由日本人製作,好勁好想買!不嬲去日本都好佩服餐廳門口啲膠製食物嘅像真程度,估唔倒喺網站Nari Nari見倒有公司咁大膽攞嚟做飾物,條熱狗腸頸鍊同埋Salami腸耳環堪稱無敵,入嚟仲有大把相睇,女士們有無興趣一齊團購吧?

Read more ›
by / on 21/12/2012 at 10:00 am

免費手機新Game:超考智慧蠢人咪玩

我有個減咗一百磅肥膏嘅Best friend,我懷疑佢腦筋隨住磅數一併減退,邊有人鬥地主揸啤Dee啤三,下家得兩隻都出啤三俾人結牌咁笨架?真係堪稱聰明絕頂,不過係頂佢個肺個「頂」。

Read more ›