Post Tagged with: "食物"

日本LEGO神人專砌食物 炸蝦天婦羅/PIzza超像真
by / on 06/05/2016 at 7:13 am

日本LEGO神人專砌食物 炸蝦天婦羅/PIzza超像真

LEGO神人輩出,呢位來自日本嘅Tray,強項係整LEGO食物,睇見佢嘅Pizza又有層次又好似幾好味,已經睇得出佢實力非凡,仲有天婦羅炸蝦、日式便當、香蕉、漢堡包,睇見都覺得勁。有人懷疑佢係LEGO Master Builder,即係全世界只得40個,由LEGO官方挑選嘅LEGO Master!除咗食物,Tray仲有砌LEGO高達、白兵、Simpsons甚至One Piece船,入嚟有回帶。

Read more ›

【不要玩食物】日本超正食物書籤 煙肉三文魚夾住睇
by / on 14/04/2016 at 7:15 am

【不要玩食物】日本超正食物書籤 煙肉三文魚夾住睇

日本仲有好多人鍾意睇書,所以依然有好多公司會出書籤。今次呢款直情唔睇書都想買,因為全部都係食物,而且像真度極高。有煙肉、三文魚、蛋、紫菜、多士,全部喺網站Tokyo Kitsch有得買,每個1500円左右,唔睇書亦可以加100円變成鎖匙扣,不過有幾個款而經售罄,想買要快。

Read more ›
【撞樣】你生得好似‥‥‥食物? 日本Twitter熱傳對比圖
by / on 24/11/2015 at 7:13 am

【撞樣】你生得好似‥‥‥食物? 日本Twitter熱傳對比圖

人有相似呢啲撞樣事件經常見,不過人同食物相似‥‥‥都幾無奈嘅。日本Twitter最近瘋傳呢幾張相,OREO、酸梅、燒餅都搵到佢嘅另一半,仲有好多人睇過嘅蛋壽司、朱古力餅、冬甩‥‥‥堅好笑!最過份係我睇完居然有啲餓‥‥‥

Read more ›
【新片速報】得意松鼠收藏食物入地毯 得個忙字任務失敗
by / on 02/10/2015 at 7:12 am

【新片速報】得意松鼠收藏食物入地毯 得個忙字任務失敗

屋企有養松鼠又有舖地毯嘅,有無試過喺地毯入面搵倒佢哋嘅食物?松鼠除咗鐘意將啲食物收喺臉頰內側,野外生活嗰啲仲好鐘意收埋喺泥地下面積穀防飢(不過好似成日會唔記得咗自己收喺邊嘅)。呢條片最近喺Twitter熱傳,有位日本網友拍倒屋企隻松鼠將粒堅果收埋入地毯,睇見佢好忙咁不停撥呀撥呀,嘗試用地毯嘅長毛遮住粒堅果,不過都係得個忙字,因為佢三爬兩撥之後粒堅果又出返嚟,最後佢仲以為搞掂咗仲開心咁跳開,好彩喺屋企啫,喺野外嘅話,粒堅果一定比其他動物食咗啦!

Read more ›
鍵盤戰士有嘢食 Keyboard窩夫配滑鼠麵包好飽肚
by / on 25/09/2015 at 7:12 am

鍵盤戰士有嘢食 Keyboard窩夫配滑鼠麵包好飽肚

鍵盤戰士都要食嘢嘅,呢款Kickstarter集緊資嘅Keyboard窩夫倒模啱晒!今個月到貨,每個窿都可以放唔同嘅嘢食,放粒藍莓又得,放啲蜜糖又得,不過都唔夠隻Mouse滑鼠吸引,一包五嚿有齊唔同味,唔駛自己煮,打開就食得,最啱一邊單手食一邊打keyboard。

Read more ›
蛋黃哥食物吊飾 變身飯團哥/甜筒哥
by / on 17/09/2015 at 7:06 am

蛋黃哥食物吊飾 變身飯團哥/甜筒哥

又嚟嘞!呢隻超hea嘅蛋黃哥,個個星期都有新產品公佈,今次就到呢個細細件嘅食物吊飾,一式五款,三角紫菜飯團勁得意,喺入面爬爬吓嗰款甜筒都好搞笑,仲有漢堡、腸仔、蘆筍等唔同食物,唯一不變嘅係佢都係口擘擘勁懶散!今個月推出,每扭一次200円,去開日本記住帶埋佢哋返香港嘞。

Read more ›

【首先你要有個女朋友】自製龍貓撻短片教學 其實唔難
by / on 16/08/2015 at 1:48 pm

【首先你要有個女朋友】自製龍貓撻短片教學 其實唔難

龍貓撻!睇見都想食,不過首先你要有個女朋友先得。喺日本網站見倒呢段龍貓撻教學片,製成品還原度好高,而且睇落好似唔係太難整喎,個樣又好好味咁。BTW,呢個YouTube頻道kawaiisweetworld好多教學片,除咗龍貓,仲有Hello Kitty、Minions、鬆弛熊蛋糕,有女朋友嘅快啲send條link比佢叫佢學整,無嘅,唔,自己學多門手藝,整嚟氹吓人都得嘅‥‥‥

Read more ›
【不要玩食物】攝影師咖啡豆變迷宮 雪糕杯變數學算式
by / on 10/08/2015 at 7:07 am

【不要玩食物】攝影師咖啡豆變迷宮 雪糕杯變數學算式

玩食物唔啱,但好似呢位外國攝影師Dina Belenko咁玩到出神入化就唔忍心怪佢。咖啡豆可以變成迷宮、鮮橙變成氣球、方糖變食鬼,我最鐘意係佢將3球雪糕變成數學算式嗰張,好有美感,杯雪糕仲好似好好味咁。攝影師話佢最鍾意咖啡同甜嘢,所以影咗呢堆同呢兩款食物有關嘅靚相,咁影完一定有食返啦!

Read more ›
【一日一個IG推介】時裝友生活品味 蕉皮蠔殼變fashion
by / on 29/06/2015 at 7:05 am

【一日一個IG推介】時裝友生活品味 蕉皮蠔殼變fashion

型喎!蕉皮都可以變fashion,生蠔殼變tube dress,仲有青椒變燈籠褲,呢位IG叫groehrs嘅藝術家,真名叫Gretchen Röehrs,強在利用日常生活嘅蔬果、時物變成時裝,而且睇落真係型。早兩日慶祝美國同性婚姻合法,佢仲用唔同嘅蔬果做咗幅靚圖,好正,love wins!

Read more ›
【有可疑】20款古怪食物特集 檸檬似香蕉 / 蘿蔔似臭腳
by / on 28/06/2015 at 3:24 pm

【有可疑】20款古怪食物特集 檸檬似香蕉 / 蘿蔔似臭腳

有時我會懷疑外星人偷偷哋隱藏咗喺食物入面,如果唔係,點解啲食物個樣咁古怪?例如日本人成日講嘅,有兩隻腳嘅白蘿蔔啦;切開好似惡魔樣嘅紅椒啦;仲有好似bear bear熊嘅薯仔;好似鴨仔嘅蕃茄;好似蝴蝶嘅士多啤梨;好似香蕉嘅檸檬(呢個真係有可疑)‥‥‥講到我都有啲亂,總共有20款,入嚟自己慢慢睇,好神奇。

Read more ›
【唔荒好食】Emoji變食物  還原度勁高好睇唔好食?
by / on 18/06/2015 at 7:01 am

【唔荒好食】Emoji變食物 還原度勁高好睇唔好食?

emoji又實用又普及,最近有公司準備將emoji變成可以使用嘅密碼,另一邊廂,Instagram嘅用戶fresheather都創作咗好多款自己設計嘅emoji公仔食物,將emoji變成真係食得落肚嘅食物,除咗笑臉之外,仲有女人捧餐、馬騮遮眼奸笑等大家經常用嘅圖案,還原度都幾高,不過睇落就仲似乎唔多好食嘞。

Read more ›

蛋黃哥8種好味食法     完美演繹hea爆藝術
by / on 28/04/2015 at 7:16 am

蛋黃哥8種好味食法 完美演繹hea爆藝術

蛋黃哥又出動!今次開正佢嗰瓣,就係RE-MENT出嘅食物扭蛋!一共有8個款式,全部都係名物,例如玉子燒啦、蛋黃哥納豆啦、溫泉蛋烏冬啦、蛋包飯、玉子壽司、蛋多士‥‥‥全部都有蛋黃哥瞓身hea爆演出,完美演繹到佢hea懶呆嘅特色,好想儲齊一套!

Read more ›
LEGO食物大全    冬甩西瓜壽司粟米乜都有
by / on 05/03/2015 at 7:28 am

LEGO食物大全 冬甩西瓜壽司粟米乜都有

呢個叫PleyWorld嘅網站好啱fans去,有啲似平民版嘅LEGO Ideas,大家可以將自己嘅作品放上去,儲齊5000個投票公司就會用佢哋嘅儀器製作嗰款LEGO,其他人就可以透過月費租佢返屋企玩。網上搜羅咗好多喺PleyWorld以「食物」做主題嘅LEGO作品,有冬甩、西瓜、朱古力蛋糕、粟米甚至壽司,好彩係LEGO,睇完都唔會肚餓。

Read more ›
LEGO大神整食物   雞脾薯條有得睇無得食
by / on 12/12/2014 at 7:33 am

LEGO大神整食物 雞脾薯條有得睇無得食

唔講唔知,原來每年都有個叫FOODcember嘅活動,徵召各位LEGO大神舖啲唔同嘅LEGO食物相出嚟挑吓機,而啲食物就要係佢哋嘅國家名物,即係好似香港就係魚蛋、 雞旦仔之類。其中叫KOSbrick,真名Kosmas Santosa嘅呢位LEGO大神,整嘅食物就相當出色,有蛋糕,有雞脾薯條,不過呢啲係乜嘢地方嘅名物?

Read more ›
食人腸開腦做甜品   手術遊戲另類宣傳法
by / on 09/11/2014 at 12:51 pm

食人腸開腦做甜品 手術遊戲另類宣傳法

本來呢隻iPhone遊戲《Surgeon Simulator》未必會留意倒,不過佢嘅宣傳手法夠爆,忍唔住令人望多兩眼。遊戲入面玩家要幫病人阿Bob做手術,官方就搞咗個晚宴做宣傳活動,仲搵埋真人扮阿Bob瞓喺床上,大家就食佢啲腸,口渴就飲平時驗尿嘅樽仔裝嘅黃色飲品,至於甜品就係切開嘅大腦!要食就要用較剪或者拑,無論食同睇嘅都覺得好刺激。好喇,我哋無份食,不過可以比$48買隻game玩吓,過吓醫生癮。

Read more ›