Post Tagged with: "食物"

日本便利店Lawson食物新包裝 網民鬧爆「納豆」爛設計
by / on 26/05/2020 at 7:53 am

日本便利店Lawson食物新包裝 網民鬧爆「納豆」爛設計

好耐無去日本,原來便利店Lawson啲食物換咗包裝,不過評價就非常差嘞。有網民影咗相放上網,話新包裝遮住晒啲食物,一啲都吸引唔到人,另外最多人鬧嘅係納豆,包裝寫住Natto,好多人都唔知係咩,樓主仲串佢係咪扮緊「北大西洋公約組織」(NATO),連Lawson店員都留言鬧埋一份,話納豆同啤酒都因為新包裝而賣得好差。之後有網民仲改埋圖,入嚟有回帶。

Read more ›

《動物之森》真實版食物   「大頭菜」超像真唔捨得食
by / on 24/04/2020 at 7:31 am

《動物之森》真實版食物 「大頭菜」超像真唔捨得食

最近好多人狂玩《動物之森/ 動物森友會》,已經分唔到真實同遊戲世界,好似見到呢幾條大頭菜,都會懷疑究竟自己係咪有幻覺?Twitter用戶@EverydayBewear好鍾意製作任天堂角色嘅食物,最近《動物之森/ 動物森友會》咁流行,當然要整吓,其中佢整嘅「大頭菜」肉包就令大家感覺好有親切感,不過玩家會唔會唔捨得食?好貴架!仲有呀,得返兩日時間,大家放晒啲菜未?

Read more ›
【有片】日本超正老虎機     靠運氣中jackpot食「海膽丼」
by / on 05/01/2020 at 5:20 pm

【有片】日本超正老虎機 靠運氣中jackpot食「海膽丼」

正喎,如果有部老虎機,500円一舖,轉中圖案就會有相應嘅食物跌落嚟,係咪正先?中jackpot3個都係海膽仲會變埋海膽丼,諗起都好想食!呢段3D短片由日本網民製作,放上Twitter好快已經過百萬瀏覽,好多人都想佢量產化,除咗海膽丼,仲有洋蔥牛肉丼、親子丼、吞拿魚刺身丼,製作好認真好像真,入嚟有得睇片同埋製作花絮圖回帶。

Read more ›
日本網民分享「肌肉型鴨仔」 變種食物Twitter熱傳
by / on 02/12/2019 at 7:51 am

日本網民分享「肌肉型鴨仔」 變種食物Twitter熱傳

點睇都係一隻鴨!有日本網民喺屋企搵到呢嚿食物,有頭有尾仲有個鴨嘴,生得好有個性,仲係隻充滿肌肉嘅鴨仔。雖然佢實情係薯芋類植物,但係已經回不去了。

Read more ›
【新片速報】惡有惡報 日本倉鼠搶食物被KO
by / on 29/08/2019 at 7:47 am

【新片速報】惡有惡報 日本倉鼠搶食物被KO

日本網民最近分享咗段片,喺Twitter好多人RT,片中兩隻倉鼠仔坐咗喺雪糕入面食嘢已經好得意,點知右邊隻倉鼠好貪心,居然想搶旁邊隻倉鼠啲嘢食,之後精彩嘅場面出現了!入嚟有片睇,超搞笑。

Read more ›
唔係相片 100%像真食物圖全部畫出嚟
by / on 19/07/2019 at 7:34 am

唔係相片 100%像真食物圖全部畫出嚟

好難相信呢幾張食物圖係畫出嚟嘅!出自日本插畫師「齊藤幸延」嘅手筆,佢係業餘插畫師,之前喺Konami做遊戲角色設計師(好彩走咗)。輯相絕大部份網民嘅回應都係「吓?唔係相嚟嘅?」亦有唔少人睇完之後覺得好肚餓,好勁。

Read more ›

東京羽田機場新食物 杯裝咖喱邊走邊食
by / on 18/06/2019 at 7:55 am

東京羽田機場新食物 杯裝咖喱邊走邊食

邊行邊食咖喱,好型好chill。日本東京羽田機場由噚日開始推出咗呢款杯裝咖喱,底層係飯,上面有咖喱、溫泉蛋、紅甜椒、牛油多士同西蘭花,用咖啡杯裝住,一邊拖住行李一邊拎住杯咖喱,然後係咪拎上機食?每杯580円,入嚟有地址。

Read more ›
《東京喰種》餐廳血洗銀座 4萬支紅玫瑰食物血淋淋
by / on 07/06/2019 at 7:48 am

《東京喰種》餐廳血洗銀座 4萬支紅玫瑰食物血淋淋

《東京喰種》電影續集《東京喰種 トーキョーグール【S】》日本7月19日上映,諗起佢自然諗起間餐廳,最近六本木開設「喰種レストラン」,俾大家感受《東京喰種》夜宴,除咗有血淋淋嘅食物,場內仲有4萬支紅玫瑰嘅佈置,好型!只限7月5日至8月4日開放,地點未公開,只係話咗喺銀座某處,而且要預訂,每位價錢1萬円。食物方面係佢哋稱為「血與鮭魚嘅美食晚餐」,菜單包括鵝肝、生牛肉片、烤鹿肉等等,全部血淋淋,fans必去。入嚟有得回帶睇返電影預告。

Read more ›
日本人氣插畫師作品實體化 「食物進化而成的狗」
by / on 21/03/2019 at 7:35 am

日本人氣插畫師作品實體化 「食物進化而成的狗」

日本超人氣插畫師JUN(じゅん)嘅狗狗進化系列喺網上好受歡迎,例如白色松鼠狗係由白飯進化而成;哥基係由一排麵包進化而成,最近日本轉蛋品牌Qualia就同佢合作,將呢班狗狗實體化,預計6月發售,個人認為貴婦狗變炸雞都好好笑,其餘仲有臘腸狗同埋芝娃娃,入嚟有得回帶睇返JUN嘅插畫。

Read more ›
日本Twitter熱傳「皺紋慘樣比卡超」 大量改圖食物/LEGO都有
by / on 07/03/2019 at 7:04 am

日本Twitter熱傳「皺紋慘樣比卡超」 大量改圖食物/LEGO都有

最近日本Twitter最多人玩嘅話題應該係「皺紋慘樣比卡超」,勁多改圖,甚至進展到連食物、LEGO都有。事緣有網民發現真人版電影《POKÉMON 名偵探比卡超》入面嘅比卡超,怪得嚟由於好多肌肉紋理,睇落仲好似老咗幾十年咁,特別係佢皺眉或者唔開心嘅時候,於是大家開始攞皺紋比卡超嚟玩,連小智都變老埋,入嚟有大量改圖,好多人將慘樣比卡超應用喺打工仔返工嘅心情上,好有共鳴。

Read more ›
【有片】吉卜力動畫「食物精選合集」    肚餓慎入Twitter熱傳
by / on 30/11/2018 at 7:04 am

【有片】吉卜力動畫「食物精選合集」 肚餓慎入Twitter熱傳

每次睇吉卜力嘅動畫都會好肚餓,外國呢位網民都有同感,仲分享咗段動畫證實吓。全段片都係剪輯自吉卜力動畫入面嘅煮食場面,片長兩分鐘,全部都係食物,睇完堅肚餓!之後有網民分享埋其他動畫嘅食嘢片,入嚟有回帶。

Read more ›

日本網民狂玩「卡路里計算」程式 貓狗變食物超搞笑
by / on 07/09/2018 at 7:58 am

日本網民狂玩「卡路里計算」程式 貓狗變食物超搞笑

日本呢個計算卡路里嘅程式最近喺Twitter好多人分享,本來佢係影張相就可以自動偵測係乜嘢食物,然後再計算埋卡路里,不過網民就攞嚟影佢哋嘅寵物,有狗狗被誤認為壽司卷物、茶碗煮、燒肉甚至溫泉蛋,又唔怪得個程式嘅,你哋瞓成咁‥‥‥

Read more ›
【有片】食物廣告making of       低成本製作示範片網上熱傳
by / on 23/08/2018 at 7:03 am

【有片】食物廣告making of 低成本製作示範片網上熱傳

拍攝技巧真係好重要,最近呢段片紅到去外國,來源係抖音,分享咗食物靚片背後嘅making of,其中最神奇係個著火嘅漢堡,前期原來只靠一樽gas同一個打火機,就做出背景著火嘅震憾畫面,仲有大量食物片嘅製作過程,入嚟有得睇。

Read more ›
喵星人食物PS圖集 好想全部吞落圖
by / on 22/06/2018 at 7:57 am

喵星人食物PS圖集 好想全部吞落圖

貓同食物都好得人鐘意,外國有設計師就將兩樣嘢二合為一,呢個「cats_in_food」IG帳戶而家已經有接近8萬個followers,由牛角包到冬甩到蘑菇都有,全部都經佢手PS成好特別嘅圖,入嚟有得睇,睇完好想吞晒啲貓落肚!

Read more ›
女版Low Cost Cosplay玩謝金正恩 食物做主題影完食返晒
by / on 18/05/2018 at 7:40 am

女版Low Cost Cosplay玩謝金正恩 食物做主題影完食返晒

繼好出名嘅low cost cosplay之後,泰國又有另一位cosplayer出現,呢位22歲嘅Sine Benjaphorn,特別之處係所有衫都有用食物嚟做裝飾。例如金正恩前面啲咪變晒一條條腸,又例如范冰冰條裙變咗棵菜。全部都係平平哋嘅惡搞cosplay,不過最正係佢唔浪費食物,每次影完相啲食物佢都會食返晒,好女仔。

Read more ›