fbpx

Tag: 食品

【不要玩食物】日本道具食品展 超創意設計Twitter熱傳

【不要玩食物】日本道具食品展 超創意設計Twitter熱傳

日本人整食物展示品出名勁,最近喺日本就有個食物sample展覽,入面唔止基本嘢,仲有好多新奇刺激嘅設計。好似扮層層叠嘅豚肉千層塔、有隻蟹走出嚟嘅蟹肉罐頭、接駁山葵嘅wasabi醬、動感炒飯等等,全部都好正,唔少網民都有去開吓眼界,入嚟有回帶。

Read more ›

【有片】日本即食丸子新煮法 夾麵包變飛碟超美味

【有片】日本即食丸子新煮法 夾麵包變飛碟超美味

櫻井翔最近有個CM宣傳新食品「おにぎり丸」,呢粒肉丸可以放入飯團度當食材,30分鐘自然解凍,都幾方便。不過有網民就發現新食法,佢買咗咖哩豬肉丸,用兩塊麵包夾實佢再烘一烘,飛碟造法,呎吋啱啱好,咬開嘅時候啲肉汁咇晒出嚟超美味,睇完好想試!

Read more ›
【環保超市】丹麥超市專賣過期食品 網民大讚夠環保

【環保超市】丹麥超市專賣過期食品 網民大讚夠環保

「最佳食用日期」唔等於「食物到期日」,不過好多人為方便起見,都會掉咗啲未過期嘅食物。最近丹麥就開咗間超級市場WeFood,入面賣嘅食物全部都係過咗期但依然食得嘅,售價比哥本哈根一般超市平50%,減低食物浪費之餘又可以惠及低收入嘅家庭,難怪網民都大讚。睇返資料,原來丹麥每日被棄置嘅食物足足有70萬公噸,唔知阿信屋有無興趣開返間呢?

Read more ›
【流浪暴肥】喵星人失踪14個月 好食好住肥足1倍

【流浪暴肥】喵星人失踪14個月 好食好住肥足1倍

呢隻叫Clive嘅挪威森林貓,流浪咗14個月後最近終於俾主人搵返,不過就發現佢比原先重咗接近一倍!原來呢一年呀Clive經常喺寵物食品工場附近流浪,估計好食好住,所以越食越肥。佢喺14年12月失踪,主人周圍貼街招仲開埋Facebook尋貓都無消息,當佢準備放棄時就收到獸醫來電,原來呀Clive成日嘅寵物食品工場裝咗個捉貓器,最後成功捕獲呢隻為食喵送去俾獸醫,對方就憑呀Clive嘅晶片搵返主人。而家佢返咗屋企,主人話佢胃口大咗好多,成日不停食食食,不過就無諗住要佢減肥,唔知係咪心理作用,感覺上返咗屋企嘅呀Clive好似悶悶不樂,係咪掛住出面班豬朋狗友?

Read more ›