Post Tagged with: "頻道"

揭露日本大企業OT問題    YouTube頻道專拍大廈外牆片
by / on 12/07/2018 at 7:19 am

揭露日本大企業OT問題 YouTube頻道專拍大廈外牆片

日本OT文化好嚴重,之前都有員工過勞死嘅新聞。呢個叫Tokyo Worker嘅YouTube頻道,專門拍低大企業入夜之後大廈嘅燈幾點先會熄。佢哋發現Sony、Square Enix、Toyota到夜晚10點幾11點依然著住燈,反而之前有員工自殺嘅廣告公司DENTSU,真係如佢哋所講,10點鐘就熄晒燈,另外仲有講談社、集英社、日航、JTP等等嘅公司,入嚟有片慢慢睇。佢哋話拍嘅片可以幫助啲未入職人士窺探到嗰間公司嘅OT文化,好實用!

Read more ›

【新片速報】Playboy嚴選「10個YouTube最性感女性」 逐個頻道訂閱
by / on 27/03/2016 at 12:11 pm

【新片速報】Playboy嚴選「10個YouTube最性感女性」 逐個頻道訂閱

曾經盛極一時嘅男性雜誌《Playboy》近年經營困難,最近公司仲搵緊買家,所以而家有得睇好睇多啲嘞。啱啱佢哋喺YouTube頻道放咗條新片,題目係「10個YouTube最性感嘅女人」,入面全影像,不同國藉美女,大量比堅尼演出,入嚟仲可以睇晒10個美女嘅YouTube頻道,啱晒星期日慢慢欣賞,不過,唔,有啲都幾鬼佬口味。 

Read more ›
【新片速報】韓國貓頻道 偷拍喵星人第一次遇見B
by / on 18/01/2016 at 7:14 am

【新片速報】韓國貓頻道 偷拍喵星人第一次遇見B

韓國YouTube貓頻道Suri Noel好多嘢睇,佢哋屋企養咗5隻喵星人,主人拍嘅片又好高質,而且upload得好頻密,貓奴必睇。當中一定要睇嘅就係早前佢哋屋企添置咗新成員嘅影片,影片偷影一班喵星人第一次見到BB嘅反應,睇見佢哋一開始call齊馬好奇圍住呀B,之後偷偷用手摸呀B,過程好可愛。不過好快班喵星人已經失去咗興趣,仲走咗去瞓覺‥‥‥另外有段片影37隻喵星人一齊困喺一間房入面都好狀觀,入嚟有回帶。

Read more ›
新片速報   7歲o靚仔拍片試玩具     年薪過千萬
by / on 21/09/2014 at 8:07 am

新片速報 7歲o靚仔拍片試玩具 年薪過千萬

以前啲人成日發明星夢,而家好多明星都搵唔倒錢,反而做網絡紅人分分鐘變富翁。好似呢位只得8歲嘅有啲假嘅肥仔Evan仔,喺YouTube開咗個頻道EvanTubeHD專門試玩玩具或者遊戲,再拍片分享吓感受,每年收入達到130萬美金!你無聽錯,即係年薪港幣過千萬!好似最近試《捉鬼敢死隊》LEGO玩具條片就有超過2百萬點擊,最爽都係幫佢開台嘅爹哋,買多幾箱玩具比Evan仔都得啦!

Read more ›
新片速報  治癒系貓貓  攬實公仔超有愛
by / on 07/09/2014 at 12:25 pm

新片速報 治癒系貓貓 攬實公仔超有愛

星期日,你有無好似片中隻貓貓咁,賴喺床唔肯起身?呢隻來自日本嘅可愛貓貓阿Mu,來自YouTube頻道9 Cats,佢好似人一樣,鍾意攬住公仔瞓,呢隻可愛嘅粉紅色毛毛兔仔已經被佢私有化。睇見佢伸懶腰都要夾實隻公仔,就知佢幾有愛,配合埋音樂,極有治癒效果。

Read more ›
新片速報   靚女周街坐大脾   睇盡男人百態
by / on 22/08/2014 at 7:11 am

新片速報 靚女周街坐大脾 睇盡男人百態

FF題:假如有日喺街上有個靚女突然坐上你大脾,你會點算好?外國YouTube頻道OckTV專拍惡作劇短片,最新題材就係搵個靚女周街坐人大脾,你估男士們對飛來嘅豔福會有咩反應?我唔劇透,只可以話條片睇盡男人百態。BTW好彩唔係喺砵蘭街拍,否則結果好危險。

Read more ›

里安納度晒冷短片     3分鐘睇18套戲
by / on 29/12/2013 at 2:37 pm

里安納度晒冷短片 3分鐘睇18套戲

呢度有無里安納度狄卡比奥(Leonardo DiCaprio)迷?近年佢嘅戲越做越好,有佢做嘅戲我幾乎都會入場睇。由當年嘅《鐵達尼號》賣靚仔,到今年嘅《大亨小傳》chok住賣演技,真係越老越有型。YouTube頻道Official Comedy啱啱就將佢咁多年嚟嘅精彩演出,集合成一條3分鐘嘅短片比大家一次過重溫,我最鐘意係《不赫島》(Shutter Island – 2010)同埋《娛樂大亨》(The Aviator – 2004),你呢?

Read more ›
新片速報    模型車仔變魔術    大熱魔術頻道
by / on 28/12/2013 at 3:06 pm

新片速報 模型車仔變魔術 大熱魔術頻道

魔術真係睇極唔厭,今次主角係一架模型車仔,首先有兩張紅牌仔,郁吓郁吓唔知點解就變咗架車出嚟,驚喜事接住又有,魔術師用支箱頭筆喺張紙上面畫咗條路線,架遙控車居然識自動跟住條線走!不過我懷疑係有人離遠控制架車,你呃我唔倒嘅。順帶一提,呢個Quirkology頻道有大量魔術片睇,好多仲有過千萬點擊,夠魔術迷玩足一日。

Read more ›
新片速報   聖誕老人變刺客   識飛簷走壁
by / on 21/12/2013 at 12:44 pm

新片速報 聖誕老人變刺客 識飛簷走壁

聖誕老人幾十歲人,真係要逐家逐戶派禮物都幾攰,而且時間可能唔夠駛。外國YouTube頻道Ronnie Street Stunts最近趁聖誕節,拍咗段刺客版嘅聖誕老人短片,片中嘅聖誕老人十足《刺客教條》咁識飛簷走壁,喺屋頂之間跳嚟跳去打晒筋斗,配樂仲係Disco版嘅Jingle Bell,睇到個人好熱血。臨尾仲有劇情。睇完我淨係好想要返份聖誕禮物。

Read more ›
全球首個狗狗電視頻道     DOGTV狗仔睇唔睇?
by / on 18/08/2013 at 6:17 pm

全球首個狗狗電視頻道 DOGTV狗仔睇唔睇?

香港地,想要多個免費電視頻道都難過登天,外國呢,就連狗仔都有專用電視頻道。講緊係呢個號稱全球首個專為狗狗而設嘅電視台DOGTV,屬於美國DirecTV旗下,每個月$10美金可以睇足24小時。節目內容經過多年研究,又有狗專家比意見,仲得到美國人道協會(HSUS)認證,主為要返工嘅主人而設,幫佢哋嘅狗仔排解寂寞,話長遠對狗仔心理有正面影響。我入去睇咗少少節目內容,都係風景、狗仔喺草地玩樂嘅畫面,每條片都有不同功效,好唔好睇?我搵咗屋企隻狗仔做試驗品,佢望兩望就走咗去飲水,好唔俾面。

Read more ›
新片速報 Square Enix新頻道 直播E3《FF XV》《Kingdom Hearts III》發表!?
by / on 24/05/2013 at 5:02 pm

新片速報 Square Enix新頻道 直播E3《FF XV》《Kingdom Hearts III》發表!?

如果你唔係去開美國,咁E3直擊就梗係可以留意我哋GameoverHK啦!到時現場實況、新機、新遊戲、Coser咩都有得你睇!仲要有相有片有文字,安坐家中能知天下遊戲事……Hard sell到我都有啲毛管楝,賣完廣告,講番正事,Square Enix啱啱新開咗個YouTube頻道,話明會有E3直播同新聞影片,叫大家訂閱佢,咁之前都講過,佢哋今次會有《Final Fantasy》新作新消息嘛,加埋新世代主機嘅遊戲,應該幾多嘢睇!到底,係咪會有《FF XV》?《DQ XI》?《Kingdom Hearts III》?係,我估啫。

Read more ›