Post Tagged with: "頭盔"

有片:日本網民毛冷織高達頭盔+口罩+魔蟹爪
by / on 05/11/2019 at 9:00 am

有片:日本網民毛冷織高達頭盔+口罩+魔蟹爪

日本網民「なみお」係個高達迷,佢用毛冷織出高達頭盔、口罩、魔蟹隻爪,仲拍埋片公諸同好。原來,戴住高達毛冷頭盔睇報紙、玩貓、自拍……係一件咁有型嘅事。

Read more ›

日本最強裝備玩《Ace Combat 7》 戴美軍專用頭盔
by / on 20/01/2019 at 7:50 am

日本最強裝備玩《Ace Combat 7》 戴美軍專用頭盔

PS4隻《ACE COMBAT 7: SKIES UNKNOWN》出咗,最多人講嘅係佢嘅VR模式,之前有日本戰機迷勁推介,話玩完唔會暈浪。轉頭見到有網民玩仲專,戴埋JHMCS「聯合頭盔顯示系統」,即係美軍用嘅飛行頭盔嚟玩,相信投入度同爆汗指數都會急升,如果加埋個專用操控杆就更正嘞。玩完個頭盔上面仲可以放部VR,擺喺屋企當裝飾都型。

Read more ›
日本知名設計師新作 腳趾尾都要戴頭盔
by / on 22/05/2018 at 2:35 pm

日本知名設計師新作 腳趾尾都要戴頭盔

安全第一,最細小嘅腳趾尾都應該受到周全嘅保護,日本設計師Yoshida最近整咗呢頂地盤安全帽俾腳趾尾用,喺Twitter好多人RT,佢之前仲設計過秋葵形狀嘅垃圾埇,可以篤穿嘅紙門日曆,全部都好受歡迎,入嚟有回帶。

Read more ›
日本新年利是封   揭開Iron Man頭盔知幾錢
by / on 31/12/2017 at 12:23 pm

日本新年利是封 揭開Iron Man頭盔知幾錢

嚟到新曆新年,又到日本大人派「お年玉」俾後輩嘅時候嘞。「お年玉」即係我哋嘅「利是」,每年日本Twitter都會見唔少搞笑嘅設計款式。今年率先有呢封準備好嘅Iron Man利是封,一揭起Iron Man個頭盔就會見到野口英世,即係1000円啦,如果係5000円嘅樋口一葉(真係好似郭藹明)或者1萬円嘅福澤諭吉應該會更受歡迎嘞!不過點都好過揭開係Robert Downey Jr.嘅。

Read more ›
有片:超科幻單車用頭盔!充氣墊護頭頸炒車無有怕!
by / on 21/09/2016 at 5:30 pm

有片:超科幻單車用頭盔!充氣墊護頭頸炒車無有怕!

原來單單喺美國,每年已經有超過50萬宗單車意外,咪以為炒嘅係單車就好小事,跌斷手腳事小,一個唔好彩後腦又或頸背先落地,分分會搞出人命。為此,有人研究出呢個超科幻單車用頭盔,頭盔用特強尼龍製成,撕唔爛,一Sense到有危險就會自動充氣,除咗塊面之外,佢Cover到成個後腦同後頸位,從YouTube測試片可見,炒車仆前仆後俾人撞或撞人都好,頭盔充氣時間都極快,充氣墊包到實一實,確實提供到有效緩衝,畫面有啲似Iron man自動戴頭盔咁,好有型。

Read more ›
【新片速報】外國靚女自製《Pokémon Go》頭盔 用條脷捉精靈
by / on 15/08/2016 at 7:14 am

【新片速報】外國靚女自製《Pokémon Go》頭盔 用條脷捉精靈

之前日本都有媒體用衣架整咗過《Pokémon Go》嘅掛頸免提裝置,最近呢位國靚女YouTuber Simone Giertz再勁啲,自製咗呢個《Pokémon Go》頭盔,戴住佢玩《Pokémon Go》唔駛用手,個頭左郁右郁就得嘞,佢仲親身示範捉精靈嘅方法,就係用條脷‥‥‥

Read more ›

【無得輸】靚仔海軍機師勇救喵星人  迷你喵星人鍾意瞓頭盔
by / on 20/06/2016 at 7:14 am

【無得輸】靚仔海軍機師勇救喵星人 迷你喵星人鍾意瞓頭盔

喵星人雖然有9條命,但真係唔可以成日咁曳。好似最近又有隻喵星人亂咁走咗入架車入面,揸車嘅係一位靚仔海軍直昇機機師Lieutenant Nick Grimmer,當日佢駕駛住公司車由伯明罕機場去英格蘭西南部Cornwall嘅機地,途中行駛咗超過300英里,期間佢隱約聽到啲怪聲,於是地氈式搜查,最後喺泵把位置發現咗隻迷你喵星人,隻喵無受傷,由於佢趕住返工,所以就帶埋佢去開工。而隻喵星人Tigger就長期瞓咗喺佢個頭盔入面。件事放咗上網後好多人Like,仲有好多女仔留言話淨係見到個靚仔留意唔到隻貓。講真,空軍男神加可愛喵星人,夠膽講絕對係無得輸。

Read more ›
日本武士威士忌 型爆金屬頭盔+盔甲底座
by / on 10/05/2016 at 10:00 pm

日本武士威士忌 型爆金屬頭盔+盔甲底座

唔係導人飲酒,飲酒呢家嘢,小斟怡情喇,之所以推介呢支由日本Nikka推出嘅Gold & Gold日本武士威士忌,全因包裝實在型棍。有盔甲造型底座,有日本武士頭盔,全金屬製,可以好似砌模型咁罩住支威士忌,好鬼死藝術品Feel。每支盛惠$780,可接受喎,衰啲講句,入手唔飲,齋擺飾櫃都抵呀。

Read more ›
俄羅斯貓耳頭盔 戰鬥民族另類方法賣萌
by / on 06/02/2016 at 1:35 pm

俄羅斯貓耳頭盔 戰鬥民族另類方法賣萌

日本都有好多貓耳產品,不過去到俄羅斯,貓耳就多咗幾分霸氣,呢間戰鬥民族公司Nitrinos motostudio出咗一式十二款嘅貓耳頭盔系列Neko Helmets,價錢由美金495起,仲可以根據個人喜好再度身設計,官方表示就算萬一有意外,隻玻璃纖維做嘅貓耳都唔會構成危險,去到時速100公里亦唔會有額外阻力,當然最重要係有俄國囡囡親自上陣戴埋俾你睇,我最鍾意黑貓有埋眼嗰款,好wild!

Read more ›
愛心《星戰》頭盔網上熱傳 慈父為患病囝囝設計矯正性頭盔
by / on 15/08/2015 at 5:59 pm

愛心《星戰》頭盔網上熱傳 慈父為患病囝囝設計矯正性頭盔

今晚明珠開始連環周六播《Star Wars》,係時候重溫吓為年尾套新戲熱熱身。講返正題,外國有位網友mikesweeney最近放咗一系列星戰頭盔相上網,引起好多人討論。原來呢啲頭盔係佢老友幫個仔阿Jack設計嘅。其實正式嚟講,呢個係矯正性頭盔,Jack仔患咗先天性顱縫早閉症 (congenital craniosynostosis),需要做腦部手術,手術後一年就要長期戴住頭盔矯正,為咗令小朋友開心啲,呢個孝順爸爸就係一年內設計咗唔同嘅頭盔比佢戴,更開心嘅係,囝囝已經康復,唔需要再長期戴住頭盔,但我相信佢一定會將啲頭盔儲起佢,因為入面載滿咗爸爸對佢嘅愛嘛。

Read more ›
超型Iron Man電單車頭盔   蜘蛛俠大減價  龍珠都有份?!
by / on 28/02/2015 at 12:22 pm

超型Iron Man電單車頭盔 蜘蛛俠大減價 龍珠都有份?!

之前見過Fans自製嘅蜘蛛俠電單車頭盔,如果想喺街扮超級英雄,去外國呢個AirGraffix嘅網站會發現大量正嘢,最吸引係Iron Man頭盔,有幾個款任揀,至於蜘蛛俠呢?最近減緊價,而家買似乎幾抵,最搞笑係連《龍珠》嘅悟空都有份!至於女士呢,就可以揀Wonder Woman或者Hello Kitty…..價錢由美金500至800蚊不等,如果自備頭盔改裝仲可以減$50。所有頭盔都係全人手繪製,聲稱戴咗依然可以清楚睇倒路面嘅情況。戴住佢唔係唔襯埋成套戰衣啩?

Read more ›

不要玩食物! 黑武士bear bear熊軟糖頭盔    好易惹蟻
by / on 24/01/2015 at 3:16 pm

不要玩食物! 黑武士bear bear熊軟糖頭盔 好易惹蟻

勁喎!呢個由Crummy Gummy整嘅黑武士1:1頭盔,全部由bear bear熊軟糖砌成,總共用咗超過1千粒,睇見都覺得sweet。最近喺美國佛羅里達州嘅Wyn317 Gallery展出,本來黑色型爆嘅黑武士,變咗甜心軟糖,一世英名比佢搞到一面口水,仲唔知會唔會惹蟻?話時話,把激光劍可以用超長蚯蚓糖整喎!

Read more ›
奇妙的頭盔        模擬長頸鹿/變色龍視點
by / on 08/01/2015 at 7:03 am

奇妙的頭盔 模擬長頸鹿/變色龍視點

要威梗係要戴頭盔,不過頭盔仲有其他用途,好似外國設計師就將佢哋變成動物嘅一對眼。即係點?Anne Cleary同埋Denis Connolly將頭盔設計成奇形怪狀,戴住佢,會變成唔同動物嘅視點,包括長頸鹿、馬、雙髻鯊甚至變色龍,好好玩!呢堆好有科幻感嘅頭盔由1月6日至2月20日喺巴黎嘅Centre Culturel Irlandais展出,咁遠,唉。

Read more ›
白兵頭盔展覽    250個星戰勁人聯合創作
by / on 04/05/2014 at 3:24 pm

白兵頭盔展覽 250個星戰勁人聯合創作

今日係星戰日(May the Forth),外國嘅星戰迷都有好嘢睇。呢個白兵頭盔展正名叫「 The Star Wars Legion Art Show」,由潮牌Neff聯同Lucas Film及迪士尼共同籌辨,Lucas Film好豪爽送咗250個迷你白兵頭盔比一班勁人,包括Star Wars嘅Art Director、迪士尼動畫師、Neff嘅product designer等等,叫佢哋自由發揮整靚佢,最後全部集齊擺放喺洛杉磯嘅Robert Vargas Gallery。不過展覽期有限,由5月2日至到星戰日5月4日,睇怕你同我都無機會飛過去睇,好在有internet我哋可以喺電腦前慢慢欣賞,仲唔駛坐10幾小時長途機,邊睇邊慶祝星戰日,May the force be with you。

Read more ›
白兵頭盔網上拍賣     向冼拿致敬
by / on 07/04/2014 at 7:26 am

白兵頭盔網上拍賣 向冼拿致敬

賽車史上嘅傳奇人物冼拿20年前去世,呢位曾經贏過3次Formula One冠軍嘅車手仍然係好多人心目中嘅偶像。圖中呢個白兵頭盔取材自當年冼拿戴過嘅頭盔,勾起fans好多回憶。由藝術家Jason Brooks同埋Andrew Ainsworth合力製作,上年喺倫敦嘅Art Wars藝術展展出,而家拎出嚟拍賣,只得一個,有興趣可以去暗標競投吓。BTW,上年嘅Art Wars展出好多重新設計嘅白兵頭盔,錯過咗入嚟有回帶,星戰粉絲必睇!

Read more ›