有無曾經喺夜深人靜時想過cosplay一拳超人嘅埼玉？機會嚟嘞，日本Cospa旗下嘅trantrip最近公佈推出埼玉嘅cosplay套裝，身長165-175cm，有齊黃色緊身衣、披風、紅手套、長靴、皮帶，不過最正係有埋個肉色頭套，唔駛剃頭都可以扮光頭，雖然膠啲。預計8月中發售，連稅售價14904円，如果真係想買入嚟有link。

專出貓頭套嘅日本扭蛋公司奇譚，最近竟然將頭套喵實體化！一式五款嘅扭蛋，將之前推出好受歡迎嘅貓頭套戴上貓身變成擺設品，比起平時嘅官方相，呢班喵睇落瘦啲長啲乖啲，頭套方面當然唔少得好受歡迎嘅賊仔款，仲有白兔仔、蘋果、金魚，下年3月推出，作為貓奴點好想儲齊一套。 

當貓奴仲煩惱緊買唔買萬聖節貓頭套嘅時候，日本扭蛋公司Kitan又有新款推出嘞！今次仲要係同Pokémon聯乘。嘩，係比卡超呀！鍾意比卡超嘅貓奴，好難唔買齊一套六件，因為入面仲有卡比獸呀。入嚟有得睇款，不過想買都要等到1月中，暫時都係用住萬聖節嗰款先啦。 

又嚟喇又嚟喇，快啲走呀喵！專出喵星人頭套扭蛋嘅奇譚Kitan又有新作，今次同芝麻街合作，推出總共六個款式嘅頭套，最搶眼都係紅色嘅Elmo同埋藍色嘅Cookie Monster，仲有保暖作用，喵奴快啲去搶啦。

要嚟嘅始終都係要嚟，講緊嘅係萬聖節同埋呢套喵星人頭套。無玩一排，當班喵星人以為可以鬆一口氣嘅時候，奇譚又宣佈推出呢套頭套，一式五件，有女巫、惡魔、南瓜、妖怪同蝙蝠造型，都要配合返本身隻貓嘅毛色嘅，例如金色呢套，黑貓就非常合適嘞！

又嚟？喵星人又有得變裝嘞，今次仲要係米奇老鼠！日本專出貓頭套扭蛋嘅necos最近同Disney合作，繼上次推出鬆弛熊貓頭套，今次仲出動到貓嘅天敵「老鼠」。總共有6個款式，仲正一定係米奇同米妮，如果屋企有兩隻喵就可以一人扮一個，主人超開心。

日本喵星人頭套真係好有市場，所以成日出，唔同品牌都出。最近有necos呢個系列，同超萌嘅鬆弛熊合作，除咗鬆弛熊之外，仲有佢班朋友仔，一式五款，喵星人示範戴起超可愛！5月推出，到時班喵又要匿埋或者發脾氣嘞。

喵星人嘅頭套越出越瘋狂，繼食物、動物系列之後，而家竟然連「貓耳」頭套都出埋！咁佢哋本身已經係貓，已經有貓耳，點解仲要戴呢？由necos出品，總共有6個款式，價錢500円，不過無得揀顏色只可以隨機抽，我最想要係黑色，因為一直想養隻黑喵。BTW，necos之前都出過漫遊世界系列，入嚟有回帶。

係呀，仲有一個月唔夠又到復活節，屋企嘅喵星人又要換裝嘞！今次日本扭蛋公司奇譚嚟到第18彈，一共推岀5個款式嘅貓頭套。除咗萌萌嘅兔耳款之外，連復活蛋都有！戴上貓頭之後變成一粒椭圆形嘅復活蛋，主人睇梗係覺得可愛啦，不過隻喵自己就未必想變粒蛋嘞。

要嚟嘅始終都係避唔到，令喵星人聞風喪膽，奇譚推出嘅「貓頭套」又嚟嘞，今次係第17彈，主題係「野菜」，最搶眼係個粟米頭啦，睇見都想食，之後仲有紅蘿蔔、白蘿蔔、蕃茄、茄子、洋蔥，戴起全部都好搞笑，好想買嚟送俾佢哋過年！

日本扭蛋公司奇譚呢個喵星人頭套系列，唔經唔覺原來已經出到第16彈！今次為咗俾貓奴表達愛意，推出咗呢個超巨型心心頭套，心心上面仲綁咗個絲帶蝴蝶結，好似份禮物咁送返俾你。一次過有齊4種顏色，但係白色嗰款點解好似打完交傷咗包紥咁呢？1月初推出，各位貓奴注意嘞，各位喵星人記住走避嘞。

奇譚呢款貓頭套扭蛋真係長出長有，之前有賊仔款、船梨精、生果主題，連兔仔都扮埋，最近終於輪到扮貓嘞，不過係扮吉蒂貓Hello Kitty！今次同Sanrio合作，除咗Hello Kitty之外仲有布甸狗、小惡魔Kuromi等等，可惜要等到10月頭先正式推出，呢排俾隻喵抖吓先，遲啲先同你大變身！

呢款貓頭套扭蛋之前都出過唔少款式，有賊仔頭巾、水果主題，今次輪到水族館嘞。都係日本嘅奇譚扭蛋出品，一共有6個款，最無奈應該係魚仔嗰款，明明食魚嘅喵星人俾條魚騎住，睇得唔食得，難怪黑晒面嘞。今個月中推出，每扭一次300円，去開日本記住扭俾喵星人做手信嘞，雖然佢唔想要。

金仔、Trump Trump，加埋個戰鬥民族普京，地球嘅命運可能就係掌握喺佢哋手中。咁因咩事佢哋三個約埋一齊仲要咁Hip Hop呢？其實係Monsterpalooza活動現場，有三個人戴咗特技化妝級嘅頭套，著住件核爆Tee喺度開party……你可能會問，咦係咪爭阿習總呀？會唔會其中一個頭套入面……

喵星人有難嘞！日本扭蛋公司奇譚Kitan又出貓頭罩，今次唔扮賊仔唔扮羊，改為扮「水果」！總共有六款水果，包括蘋果、香蕉、西瓜、士多啤梨、哈蜜瓜同蜜柑，最正當然係蕉星人啦！不過喵頭要28cm-29cm先戴得落，可惜6月先推出，到時記住要儲一套日日換新款！