Post Tagged with: "領養"

超級巨貓26磅 太肥太可愛火速被領養
by / on 06/09/2019 at 7:53 am

超級巨貓26磅 太肥太可愛火速被領養

生得肥有時都有著數嘅,好似呢隻叫Mr.B嘅超級巨貓,就成功火速被領養。上個月美國費城嘅動物領養團體Morris Animal Refuge喺網上放咗呢隻26磅肥貓待領養資料,火速就塞迫網絡,大家都俾佢傻傻肥肥嘅外形吸引咗,而家佢已經成功上樓,主人仲幫佢開埋IG等大家可以緊貼肥貓嘅新生活,入嚟有link。

Read more ›

新宿發現棄養倉鼠     網上求領養Twitter熱傳
by / on 04/07/2019 at 7:06 am

新宿發現棄養倉鼠 網上求領養Twitter熱傳

棄養事件真係一件都不能接受,唔止香港間中發生,原來日本都有。最近有日本網民分享咗喺Twitter,佢喺新宿發現一個紙袋,入面有10隻出世無耐嘅倉鼠仔,樓主希望有人幫忙收養,好彩好快已經有唔少網民留言,當中好多都係養緊倉鼠嘅,最終每人認投幾隻,眾志成城,希望班倉鼠仔快啲成功上樓。

Read more ›
【成功上樓】小黑喵變大黑喵 被領養喵星人超幸福
by / on 25/05/2018 at 7:51 am

【成功上樓】小黑喵變大黑喵 被領養喵星人超幸福

有得上樓嘅喵星人真係幸福,仲要喺上海喎!呢隻黑喵本來要喺上海街頭流浪,好彩有新主人收養,當時嘅佢又瘦,雙眼又受到感染,之後經過獸醫治療後好返晒,主人仲每日都會帶埋佢返工,眨吓眼佢已經由小貓變咗做大貓,唯一無變係頸嗰個位都係有執白色毛,好似著咗禮服咁,好有型,入嚟有多啲佢嘅生活照睇。

Read more ›
【成功上樓】流浪狗狗慘變皮包骨 獲救後成功被領養
by / on 22/02/2018 at 7:39 am

【成功上樓】流浪狗狗慘變皮包骨 獲救後成功被領養

好開心又有一隻狗狗成功上樓!呢隻叫Frodo嘅狗狗身世好坎坷,之前喺克羅埃西亞做流浪狗,俾人發現時唔止瘦到皮包骨,仲有一隻眼因為受細菌感染而盲咗,全身都係蜱蟲、跳蚤。好彩有人救咗佢然後送去動物醫院,經過悉心照顧,最後佢變返靚仔,仲搵到新家庭收養佢,而家超幸福。大家睇完如果想養狗,都記住選擇領養,等多啲動物可以成功上樓啦。

Read more ›
【超可愛】六隻黑喵待領養 媽媽被遺棄獲好心義工照顧
by / on 12/02/2017 at 7:12 am

【超可愛】六隻黑喵待領養 媽媽被遺棄獲好心義工照顧

今次真係名副其實買一送六嘞。呢隻黑色喵星人Belle嘅前主人因為搬屋而遺棄佢,好心嘅鄰居一直有餵佢,直至發現佢原來有咗BB。由於天氣越嚟越凍,鄰居最終通知咗動物協會LAPS幫忙。最近呢隻黑貓媽媽Belle生咗6隻B,全部都係烏黑嘅毛色,企埋一齊影相超可愛。據知佢哋雖然貓仔細細,但就好大食。希望佢哋快啲搵到新主人,過住幸福快樂嘅生活啦。

Read more ›
【圖集】超可愛雙色臉喵星人 「成功上樓」被領養
by / on 03/01/2017 at 7:11 am

【圖集】超可愛雙色臉喵星人 「成功上樓」被領養

三色貓好可愛,如果好似呢隻咁,一半啡一半黑嘅雙色臉,更加好大機會喺網上爆紅。呢隻叫Yana嘅喵星人之前喺網站徵求領養者,擁有一對圓碌碌嘅眼,仲有頸部神秘嘅白三角「領巾」,加埋咁特別嘅臉孔,好快就有人收養佢嘞!而家佢有個錫佢嘅主人,喺IG仲有過萬個followers,生活好幸福,唔怪得之個樣越嚟越可愛啦。

Read more ›

【感人】領養失明喵星人三兄妹 無私主人感動網民
by / on 11/07/2016 at 7:13 am

【感人】領養失明喵星人三兄妹 無私主人感動網民

好感人!領養喵星人好有愛,如果係失明嘅喵星人,仲要係3隻,嗰種偉大更加係難以想像。呢3隻喵星人喺2014聖誕前被前主人棄養,當時佢哋3個已經因為貓流感導致失明,本來鄰居收養咗大哥呀Blue,但呀Blue唔捨得兩個妹妹Meadow同Willow,成晚不停叫,最後唯有送返去收容所等佢哋可以團聚。好彩,而家嘅主人Catherine被佢哋打動,決定一次過收養晒三兄妹。而家佢哋生活得好幸福,Catherine亦想趁呢個機會話俾公眾知,其實失明嘅喵星人並無想像中咁難養。所以如果有機會又能力嘅,記住俾機會呢啲有缺憾嘅喵星人,等佢哋都可以有個幸福嘅家。

Read more ›
【愁爆喵】天生一對愁爆眼 小喵星人火速被領養
by / on 30/01/2016 at 1:21 pm

【愁爆喵】天生一對愁爆眼 小喵星人火速被領養

好屈機,呢隻喵星人呀Bum天生有對愁到爆嘅眼睛,加埋個扁嘴,真係望多兩眼個心都會融埋。佢喺4星期大嘅時候就俾人帶咗去美國聖地牙哥嘅動物收容所,大家見到佢對眼都即時愛上佢,而佢都好快唔駛愁爆,因為好短時間就被領養。據San Diego Humane Society負責人講,雖然呀Bum個樣愁爆,但其實好有愛心,仲好怕醜,亦會照顧收容所入面受傷嘅貓貓。本來想follow埋呀Bum嘅IG,但發覺係私人帳戶,快啲批准我入伍啦!

Read more ›
【超感動】貓貓走失18個月 領養新貓偶然重遇   5歲小主人真情爆喊
by / on 04/11/2015 at 7:11 am

【超感動】貓貓走失18個月 領養新貓偶然重遇 5歲小主人真情爆喊

只得5歲嘅小男孩Ronnie Cockroft喊住咁摸隻貓貓Phoenix,呢張相唔知感動咗幾億人,因為背後故事實在太巧合!原來Ronnie同呢隻喵星人Phoenix由細玩到大,感情好深厚,點知18個月前隻貓失咗踪,一家人用盡所有方法都搵佢唔到。隔咗年半,最後佢哋決定收養另一隻喵星人,但就喺佢哋揀定貓貓去領養所攞貓當日,等候手續期間,居然比Ronnie發現失!咗!踪!18!個!月!嘅!Phoenix!佢即刻開心到爆喊咗出嚟,經過晶片驗證身份,的確係佢哋嘅失貓(至於點解之前驗晶片搵唔到佢哋,就係因為佢哋啱啱搬咗新屋未登記番),於是,就梗係要帶Phoenix返屋企啦,同時,本來去收養嘅新喵星人,佢哋都同時領養埋,大團圓結局!連收容收都話估唔到Phoenix居然可以搵返舊主人,呢啲就係緣份嘞,唔好再俾佢走失喇!

Read more ›
待領養喵星人改髮型    全新造型食正萬聖節
by / on 30/10/2015 at 7:16 am

待領養喵星人改髮型 全新造型食正萬聖節

美國每年有340萬隻喵星人被送去動物收容所等收養,攝影師Ryen Blaschke好想為呢班喵星人做少少嘢,於是請埋佢嘅造型師好朋友Shaina Fishman一齊影咗呢輯相,希望多啲人留意倒呢班喵星人,快啲帶佢哋返屋企。相入面嘅喵星人全部嚟自動物收容所Brooklyn Animal Action,至於貓頭上嘅造型,例如假髮、帽或者裝飾品,全部都係位造型師設計晒,新造型慶祝萬聖節,好合理吖。

Read more ›
【不要歧視黑貓】攝影師為黑貓拍寫真    呼籲貓奴領養
by / on 21/10/2015 at 1:27 pm

【不要歧視黑貓】攝影師為黑貓拍寫真 呼籲貓奴領養

  作為貓奴,唔應該對不同顏色嘅貓有歧視,正如人類唔應該有種族歧視一樣。一直以嚟黑貓都被視為不祥,所以喺動物領養部門入面,黑貓往往係最少被領養,最多被人道毁滅嘅貓種。攝影師Casey因為呢個原因,影咗呢輯以黑貓做主角嘅寫真,比大家睇到黑貓其實都好可愛!呢幾隻黑色喵星人而家住喺洛杉磯Los Angeles shelters等待領養,攝影師希望透過呢輯相可以幫佢快啲搵到個新家庭,等佢唔駛被人道毁滅。各位準備收養小動物嘅貓奴,考慮吓一樣好可愛嘅黑貓啦!

Read more ›

【大猩猩】領養兩隻喵星人   自己禮物自己揀
by / on 17/10/2015 at 2:02 pm

【大猩猩】領養兩隻喵星人 自己禮物自己揀

前排海洋公園樂樂被取笑戴綠帽,盈盈要去四川搵外援,可惜最終都係流產,似乎生仔同不育嘅問題已經漫延到動物界。美國加州嘅大猩猩Koko都有不育問題,所以早喺1984年佢已經簽協議收養咗隻貓貓All Ball,仲出過本書《Koko’s Kitten》,可惜最後貓貓過咗身,Koko仲因為咁而喊咗一場。最近佢44歲生日就收到份大禮,有一箱嘅迷你喵星人比佢任揀兩隻收養,佢好開心即刻叫人將隻貓放上佢頭頂,好得意。BTW,Koko係一隻出名聰明嘅大猩猩,可以同佢嘅訓練員用超過1000個大猩猩動物語溝通,仲識2000個英文單字,可能仲多過我。

Read more ›
【瘦到見骨】可憐狗狗被領養 越養越肥笑騎騎
by / on 22/09/2015 at 7:19 am

【瘦到見骨】可憐狗狗被領養 越養越肥笑騎騎

睇見呢啲好人好事,心情都好啲。呢兩隻狗仔之前好可憐,喺7月時比芝加哥嘅警察發現佢哋喺一楝棄置嘅大廈入面,當時佢哋瘦到得返排骨,睇相見到啲骨現晒出嚟,令人好心痛。最近有人放咗佢哋嘅近照上網,兩隻狗狗經過獸醫嘅悉心照顧,而家已經肥肥白白,連個樣都開心埋,影相識得笑騎騎。而家啡色嘅Emma比其中一位獸醫診所嘅職員收養咗,至於白色嘅Oscar就等緊人領養,相信佢好快會搵到個好家庭,睇嚟佢哋都好有肥嘅潛質,仲越嚟越肥,以後應該餐餐都可以食飽飽。

Read more ›
囡囡與喵相集    紐約愛心女生領養喵星人
by / on 23/07/2015 at 7:13 am

囡囡與喵相集 紐約愛心女生領養喵星人

非正式統計,Gameover嘅讀者應該有好多貓奴,因為同喵星人有關嘅新聞,瀏覽數目同囡囡新聞差唔多。咁如果兩樣加埋呢?呢輯由攝影師BriAnne Wills用咗4個月拍攝嘅「Girls and Their Cats」,入面全部都係紐約女生同佢哋領養嘅喵星人,喵星人加女仔,仲要愛心爆棚,仲唔係網上最易呃like嘅post?攝影師開咗個IG戶口,嚟緊會去其他地方繼續影影影,入嚟睇吓啦,我梗係指睇喵啦,唔通睇囡囡咩?

Read more ›
新片速報 喵星人開班做瑜伽 懶懶閒唔願郁
by / on 16/06/2015 at 7:18 am

新片速報 喵星人開班做瑜伽 懶懶閒唔願郁

喵星人咁懶,叫佢做瑜伽一定難度爆燈。不過美國嘅動物收容所Homeward Bound就諗到開個瑜伽貓班,將等待收養嘅喵星人同大家一齊做瑜伽建立友誼,希望更多人關注同埋領養呢班貓咪。睇相見到班喵星人懶懶閒唔多願郁。比人按住個身又好疑惑,有啲索性喺側邊搵個空地瞓覺好過。睇嚟佢哋只係識做Cat pose伸懶腰嗰招。

Read more ›