Tag: 預訂

《Pokemon》傻鴨出1:1等身高公仔 超可愛即日起預訂

《Pokemon》傻鴨出1:1等身高公仔 超可愛即日起預訂

《Pokemon》嘅傻鴨「コダック」儲埋儲埋好多fans,最近官方公佈將會推出佢嘅1比1等身高公仔,預計首批9月中出貨,放喺屋企真係見到都好開心,售價30800円,即係2千零蚊港紙,今日開始有得訂,入嚟有link!

Read more ›

超靚日本醬油碟 預訂款式「富士櫻」火速售罄

超靚日本醬油碟 預訂款式「富士櫻」火速售罄

好靚!有日本網民最近買咗個醬油碟,裝咗豉油之後,嚴島神社嘅鳥居就會浮現出嚟。睇返資料,間公司仲有出其他不同款式嘅醬油碟,其中6月底推出嘅富士櫻更加係靚到癲,可惜已經預約售罄,好想買!佢仲有出貓仔、狗仔等款式,每個賣1080円,網站支援國際運送,有興趣可以入嚟睇吓。

Read more ›
芒亨「艾露貓」超正配件 手掣/手機托即日預訂

芒亨「艾露貓」超正配件 手掣/手機托即日預訂

《Monster Hunter: World Iceborne》嚟緊玩冰天雪地,艾露貓都換咗新造型,官方仲公佈推出咗呢個艾露貓配件,可以用嚟托住隻手掣或者部電話,賣4860円,差唔多夠買多隻手掣,預計9月6日推出,日本官網有得預訂。

Read more ›
日本首間Snoopy主題酒店 超型房間8月9月爆滿

日本首間Snoopy主題酒店 超型房間8月9月爆滿

唔講唔知,原來之前日本無Snoopy嘅主題酒店,不過8月開始有嘞,位於神戶市嘅呢間Peanuts Hotel同想像中嘅Snoopy酒店有啲唔同,入面嘅裝修超型,總共有18間客房,有齊Snoopy、Charlie Brown同他角色,入嚟有多啲相睇。不過暫時8-9月已經full晒嘞,嚟緊8月20日香港時間中午12點可以預訂10月至11月嘅房間,鍾意Snoopy嘅記住bookmark定嘞!

Read more ›
日本「免提雨傘」預訂展開 騰空雙手去釣魚

日本「免提雨傘」預訂展開 騰空雙手去釣魚

有得預約嘞,日本呢把「免提雨傘」好實用,落雨天唔駛用手拎遮,好似頂帽咁戴住就得。騰空咗嘅手好多用途,官方提議例如shopping完可以用嚟拎重嘢,或者去釣魚、影相都好啱用,另外想喺街用兩隻手玩手機都得。而家網上有得預訂,每把1280円,即係港幣100蚊唔駛,都幾抵吖。

Read more ›

超靚恐龍開瓶器網上預訂 好想插支飲管入佢口

睇完電影《真‧哥斯拉》之後,對所有巨型生物都好有興趣,好似呢個恐龍擺設就好實用嘞,表面上係個擺設,實際上係個開瓶器,外國網Foodiggity有得預訂,開價美金40蚊,連個盒都有心思過人。唔知點解,我好想插支飲管入佢口。

Read more ›

【邪惡】日本《刀剣乱舞》推出手袋 近身接觸囡囡必搶

《刀剣乱舞-Online》呢隻電腦遊戲深受囡囡歡迎,咁女仔出名鍾意買手袋,所以日本Super Groupies同遊戲合作推出手袋實在好邪惡。今次係第二彈合作,4款手袋,分別以4個男主角「山姥切国広」、「大倶利伽羅」、「一期一振」、「へし切長谷部」做主題,囡囡鍾意邊個可以隨便帶返屋企。6月29日開始預訂,10月中推出,售價10800円,買嚟送禮或者自用都諗得過。

Read more ›

蛋黃哥開運八寶 御守護身符超想要!

好打耳!蛋黃哥瘋狂出產品,每次都好吸引,不過今次用「開運」做主題,夠晒日本風,而且每件都好精緻,超想要!照舊都係RE-MENT出品,總共有8個款式,最正都係蛋黃哥御守護身符,其次成咗佛嘅金色蛋黃哥都好正,10月12日有得賣,380円,有無得訂?

Read more ›

【1小時內預訂】日本西瓜年輪蛋糕回歸 樂天網站長期NO.1

  呢個西瓜年輪蛋糕好像真,上年日本一出已經有電視介紹,而且極速賣晒,仲高踞樂天商店嘅第1位,超人氣。今年夏天終於再度限定推出,不過要8月1日早上11點上網預訂,而且只限1小時,好巴閉。每個賣2268円,表面睇佢係一個西瓜,切開之後會發現,紅色嘅部份係西瓜味嘅慕思,一粒粒嘅朱古力碎就扮西瓜籽,有試過嘅人話唔止外形似西瓜,切開食會發現味道仲非常之好,我都好想試呀!

Read more ›

【點坐?】鬆弛熊超靚木凳 今日有得訂

幸福就係咁簡單,一張凳兩個人,兩家人一條命。網上見到呢張鬆弛熊嘅木凳,睇落好靚,不過睇真啲唔係比人坐而係比公仔坐嘅,咁都好嘅,我屋企邊有位放咁大張木凳?9月推出,而家開始網上有得訂,售價19440円,而家円平,都係千零蚊左右,用嚟放公仔都抵吖。起碼唔會好似之前張鬆弛熊梳化咁,萬萬聲(港幣呀),得個睇字。

Read more ›

紙箱人USB線 雙眼發紅光 950円有交易

紙箱人叉電器之前好多人都搶過,出埋變種版仲有咩可以出?USB線囉!今次呢條紙箱人USB線講真我有啲興趣,因為插頭位有紙箱人嘜頭,插住電之後雙眼仲識發光,用返之前叉電器嗰條橋,而且通電時對眼仲會發紅光,嚇死人!有齊10厘米、25厘米、50厘米、100厘米同埋180厘米總共5種呎吋,點用都得。950円起,日本amazon有得買。

Read more ›

Instagram寶麗來相機終於推出 買唔買好?

摷返舊資料,呢部盛傳推出嘅Instagram寶麗來上次寫已經係2013年12月,好喇,今次似層層應該真係推出,照舊叫Polaroid Socialmatic,不過內涵有改進,配備1400萬像素鏡頭,背面嘅4.5吋LCD芒仲可以touch screen,內置4GB記憶體,最正係行Android系統,可以用埋嚟上網收email,影啲相出嚟仲有QR Code,Amazon已經開訂,聲稱1月1日有貨,售價299.99美金,大約港幣$2300左右。喂,可以買嚟比自己做聖誕加新年禮物喎!買唔買好?好掙扎呀!

Read more ›

有片 2015自拍神器 遙控飛機最啱高炒

老實,自拍神器嗰支棒拎出街已經唔型,所以想玩自拍可以諗吓呢件高科技新產物Zano,外形好似一架迷你遙控飛機,全程用手機操控,影相拍片都得,仲可以飛到極高影,下巴即刻尖晒。影完撳個掣就可以將啲相同片過返晒落手機再開心share。暫時喺kickstarter集緊資,預計下年3月量產。

Read more ›

限量1000件 《哈比人》矮人皇帝雕像 精靈寶鑽好燦眼

《哈比人:五軍之戰》要等到12月17日先有得睇,係時候翻睇第一集做定功課。第一集最搶眼除咗我最鐘意嘅咕嚕,仲有火龍同埋矮人族爭餐死嘅精靈寶鑽,最近Weta Workshop宣佈推出呢粒寶鑽,連埋矮人族皇帝Thror雕像同埋張皇椅,全球限量1000座,開價美金299,即係港幣2300左右,近睇皇帝Thror嘅面相幾精緻,但係啲鬍鬚就好假,最搶眼都係粒寶鑽,勁閃,唔知真嘅有無咁燦眼?

Read more ›

多啦A夢都出層層叠 藤子‧F‧不二雄9個角色晒冷

嘩!終於到佢喇!比卡超、魔女宅急便,個個都玩層層叠,終於到多啦A夢!日本Ensky最新公佈推出藤子‧F‧不二雄嘅漫畫角色層層叠,美中不足唔係齋玩多啦A夢,否則大雄踩技安、技安裝靜香裙底,潛力似乎更高。今次呢套套裝有9個藤子‧F‧不二雄嘅經典漫畫角色,預計12月推出,開價1580円。順手測試吓你嘅年齡,有幾多個你識先?

Read more ›