Post Tagged with: "面書專頁"

面書專頁「YeungDraw啊羊繪記」出過節WhatsApp Sticker
by / on 04/02/2019 at 8:00 pm

面書專頁「YeungDraw啊羊繪記」出過節WhatsApp Sticker

面書專頁「YeungDraw啊羊繪記」又出WhatsApp Sticker喇喂,咁家陣臨近農曆新年,所以啲Sticker都好有過節氣氛,甚麼「恭喜發財」、「利是逗來」、「我封利是呢?」、「又要買花生啦!」、「我今年做過D乜?」、「好好笑」同「Juke福You」等等,呢期過時過節肯定啱用,Save低傍身無壞。

Read more ›

面書專頁「獅子山羊」 出限定Figure爆裂RX
by / on 02/02/2019 at 7:45 pm

面書專頁「獅子山羊」 出限定Figure爆裂RX

面書專頁「獅子山羊」剛剛公佈,話會喺農曆年間推出限定「爆裂RX──紅‧系列」Figure,有個「紅」字跟尾,斷估應該仲有好多顏色選擇,價錢、大細、乜質料暫時未知,大家先作備忘喇。

Read more ›
面書專頁「另類漫畫」x《Hoop TW美國職籃》 出特刊送啤牌
by / on 01/02/2019 at 8:00 pm

面書專頁「另類漫畫」x《Hoop TW美國職籃》 出特刊送啤牌

話說台灣有本NBA雜誌《Hoop TW美國職籃》,推出特刊《2019 NBA ALL-Star Collection》,隨書附送本地面書專頁「另類漫畫」繪畫嘅球星啤牌,大家可以去博客來等網上書店購買,原價199台幣。正呀喂,芸芸精品中,我都幾Like啤牌,易收藏吖嘛,大家可以望望相,啲Q版球星畫得幾過癮架。很想要吧?如果向「古妮之部屋-二手漫畫店」預訂,仲會醒多你兩張Postcard,預訂價$140,Postcard只會隨古妮預訂附上,大家識做喇,截止日期2月10日。

Read more ›
專頁「十萬個激嬲女友的理由」擺攤 「你又話唔鍾意大波妹」布章買得過
by / on 30/01/2019 at 10:00 am

專頁「十萬個激嬲女友的理由」擺攤 「你又話唔鍾意大波妹」布章買得過

我幾鍾意睇面書專頁「十萬個激嬲女友的理由」,啲啜核金句同錯摸場景幾幽默,係博到熱戀中男女一笑嘅。專頁今年擺年宵攤檔,連攤檔名都頂癮過人,曰「恭喜發嬲」,賣嘅貨物有刺繡布章,質料如何唔知,淨係知布章上面嘅對白依舊好笑,甚麼「你又話唔鍾意大波妹」、「我冇嬲」、「夠膽你就玩得開心啲」、「我哋少鬧交佢鬧我就多」等等,係咪你拍拖生活寫照?買番個捧吓場喇喂。

Read more ›
睇片:《江湖,再見!》 你仲撐唔撐港產片?
by / on 07/02/2018 at 9:45 pm

睇片:《江湖,再見!》 你仲撐唔撐港產片?

面書專頁「電影公社」出咗條片《再見,江湖!》,將歷代經典港產江湖片、英雄片混剪埋一齊,有時裝有古裝,左Cut一幕右Cut一句對白,成條片係有層次有頭有尾有Message嘅,之所以片長7分25秒,會唔覺唔覺睇晒,我仲睇得好投入添。陳浩南、陳永仁、韓琛、Mark哥、葉問、燕赤霞……邊睇,唔知可唔可以勾番起大家嘅美好回憶?仲記唔記得邊套戲打邊套戲?專頁有留言曰:「今日無咩講,剩係想講撐香港電影嘅,俾個Like,等香港電影工作者知道,仲有好多人撐香港電影!」港產片,你仲撐唔撐?

Read more ›
牛佬畫賀圖《漫畫大師班》面書專頁開皮
by / on 05/03/2014 at 10:00 am

牛佬畫賀圖《漫畫大師班》面書專頁開皮

《漫畫大師班》面書專頁擒日正式Open,意味住又多一個機會可以欣賞到港漫人作品,懶感性都係咁話,我都唔想廿年後都仲係齋睇黃玉郎同邱福龍,我都希望有多啲新秀湧現,令港漫得以永遠延長下去。

Read more ›