Post Tagged with: "面書"

Save低佢!面書專頁「重金屬Heavy Metal」出WhatsApp Sticker!
by / on 09/10/2019 at 8:16 pm

Save低佢!面書專頁「重金屬Heavy Metal」出WhatsApp Sticker!

執筆嘅刻下,有幾百名市民去咗新港城中心聲援被無理拘捕嘅5個保安,人哋盡忠職守啫,錯喺邊呢?連保安都要拉,沒有最荒謬只有更荒謬。同好多市民一樣,面書專頁「重金屬Heavy Metal」都睇唔過眼,作畫聲援,值得大家畀個手指公。另,專頁剛剛推出咗WhatsApp Sticker,畫極高質,字亦極言簡意賅──「ADD OIL!!」、「FUCK U!!」、「WAIT!」、「WTF?」、「BYE!!」等等,總有一個啱用,值得Download。

Read more ›

有片:面書專頁「六道」蠍子王 x Felix Ip 講科學怪人由來
by / on 04/03/2019 at 8:45 pm

有片:面書專頁「六道」蠍子王 x Felix Ip 講科學怪人由來

新開面書專頁「六道」負責人蠍子王聯乘Felix Ip,搞咗條《怪MECH》聲音節目式短片,第一彈題目係「科學怪人」,有旁述加配圖同相片,詳細解釋科學怪人作者誰屬、興起原因、何解英文叫「Frankenstein」、歷年各類改編作品等等。古仔本身都幾曲折離奇,負責VO位人兄把聲同背景音效都不俗,成功製造到詭秘氛圍,有少少聽收音機節目《怪談》Feel,咁Felix Ip啲插畫就梗係誇啦啦喇。不過都唔係無嘢挑剔,字幕「……信個故事」應該係「……這個故事」、「moster」應該係「monster」、「……秘密現成」應該係「……秘密做成」,如果可以校對多幾次咁就完美嘞。努力加油,期待第二彈出現,拭目以待呀喂。

Read more ›
面書專頁「火鳳燎原」出殘兵月曆 2月有司馬懿
by / on 02/02/2019 at 7:18 pm

面書專頁「火鳳燎原」出殘兵月曆 2月有司馬懿

好得很,有擔當!話說面書專頁「火鳳燎原」上年諗住每月推出嘅殘兵月曆,因電腦檔銷毀而喺8月被逼告終;新一年來臨,專頁決定由2019年2月開始,每月1號重新推出,方便大家Save as Wallpaper。2月份先嚟司馬懿,除圖外有埋人物簡介,製作好有心機,值得畀Like。

Read more ›
網圖分享:蚩尤的性感靚女
by / on 29/05/2018 at 9:56 pm

網圖分享:蚩尤的性感靚女

天氣繼續熱,個人懨懨悶悶咁,做乜都提唔起勁。唔好講咁多,都係睇女喇,今次介紹嘅台灣插畫家叫蚩尤,面書專頁叫「蚩尤-畫家」,個名好有霸氣,但最擅長嘅係畫女。何謂性感而不令人反感,喺佢筆風下完全演繹晒出嚟,唔阻大家,眼睛食冰淇淋。

Read more ›
阿傑多送小海報 推介面書專頁「獅子山羊」
by / on 16/05/2018 at 3:00 pm

阿傑多送小海報 推介面書專頁「獅子山羊」

開心!有嘢派呀!阿傑多剛出席咗深圳文化博覽會,兼特別印製咗介紹自家作品嘅小海報,有興趣嘅話,可以PM佢預留一張。大家可以望相,張小海報製作好精美吓,一啲都唔求其,好值得收藏。睇過佢面書啲留言,想擁有海報者眾,暫時亦未見佢話派晒,咁當然,有來有往,大家都支持吓佢個面書專頁「獅子山羊」,畀個Like喇唔該。

Read more ›
面書專頁「獅子山羊」頭砲 阿傑多x葉明發開漫畫班
by / on 02/05/2018 at 3:28 pm

面書專頁「獅子山羊」頭砲 阿傑多x葉明發開漫畫班

大家Like咗由阿傑多同葉明發扯頭纜嘅面書專頁「獅子山羊」未?未就唔該快手支持吓。而創業第一砲呢,就係呢個「爆熱漫畫創作班」,保證「將整個漫畫製作過程完全教學」。學費?無言明。「爆熱」呀,你仲有無一顆投身或認識漫畫嘅爆熱之心?唔好咁多藉口,仲有嘅話,WhatsApp佢哋喇。

Read more ›

阿傑多x葉明發搞工作室 即Like面書專頁「獅子山羊」
by / on 28/04/2018 at 4:51 pm

阿傑多x葉明發搞工作室 即Like面書專頁「獅子山羊」

之前報導過阿傑多會同葉明發會搞甚麼《天戰.幻戰.超擊戰》,家陣有啲眉目嘞。話說兩位開咗個工作室兼面書專頁「獅子山羊」,嚟緊會專注製作漫畫、海報同遊戲人設,估計《天戰.幻戰.超擊戰》就係是次成立工作室重頭計劃之一嘞。佢哋仲透露遲啲會招收會員,搞漫畫課程同交流會等等。一切尚在開初階段,大家依家需要做嘅除咗係拭目以待外,就係即刻加佢哋面書,唔該。

Read more ›
鄭健和開面書 你哋Add咗未?
by / on 20/09/2017 at 3:00 pm

鄭健和開面書 你哋Add咗未?

嘩,和仔大人開面書呀,你哋Add咗佢未呀?行不改名,坐不改姓,名字就正正用番「鄭健和」三個大字。新開張,裡面除咗大頭貼照之外,暫時係乜都無嘅,莫講話相,連圖畫都無張。咁大家究竟想睇啲乜呢?我呢,就希望除咗《西遊》同《封神紀》等大路宣傳圖外,可以有多啲和仔大人嘅生活照片,好希望佢可以好似福龍咁,多啲分享生活趣事,多啲同讀者互動,咁就Very good嘞。

Read more ›
網圖分享:Cuson親筆畫相贈 讀者感動喊出嚟
by / on 25/07/2017 at 10:15 pm

網圖分享:Cuson親筆畫相贈 讀者感動喊出嚟

書展曲終人散,成績如何都好,好多有份出書嘅港漫人,都喺面書登同讀者嘅合照或寫感謝文,識睇梗係睇留言,勉勵之言彼彼皆是,令人相當開心鼓舞,惟獨Cuson面書卻滲出淡淡哀愁。事緣Cuson作四格漫畫一幅,交代有讀者買書要求親筆畫,將自己同娘親畫埋入書,因為娘親喺醫院長唞,唔可以出嚟行書展,講講吓該讀者仲感動到喊埋出嚟添,搞到Cuson都好Sad,只好邊安慰邊用心畫。呢啲咪人間有情囉,Cuson心地好,抵佢娶個靚靚老婆,所話千其唔好睇小一幅畫,簡單一幅畫足以帶畀人好多正能量,相信該讀者之娘親見到親筆畫會好開心,祝佢早日康復。

Read more ›
新面書帳戶「邱福龍」 龍少:返嚟呀朋友!
by / on 17/02/2017 at 5:45 pm

新面書帳戶「邱福龍」 龍少:返嚟呀朋友!

睇完今期《山海逆戰》「福龍週記」,先知原來福龍有鋪浸浴上面書癮,完全唔擔心手機跌落浴缸整濕晒,過癮。另外,大概大家都知福龍早前個面書帳戶打咗柴,一次過無咗五千幾個Friend,搞到佢嫩人家謝晒皮,頭髮蓬鬆、目光呆滯、皮膚暗啞、食慾不振、爆晒暗瘡……好嘞,佢依家正式用新帳戶「邱福龍」示人,為證明真身,仲畫咗張異形畀大家醒醒神,唔好認錯,大家快啲Add番佢喇,完。

Read more ›
網圖分享:為乞Like,你可以去到幾盡?
by / on 28/11/2013 at 12:00 pm

網圖分享:為乞Like,你可以去到幾盡?

唔明點解咁多人鍾意畀Like,亦唔明點解咁多人鍾意被Like,一個爛鬼手指公Icon,既唔可以當飯食亦賣唔到錢,求嚟做乜?為乞Like,你又可以去到幾盡?

Read more ›