Post Tagged with: "面具"

有片:日本網民玩風扇 能面面具360度自轉好詭異
by / on 18/06/2019 at 9:00 pm

有片:日本網民玩風扇 能面面具360度自轉好詭異

搞笑呀喂,有日本網民P-MAN唔知因乜事,將日本能面女子面具覆蓋住座檯扇扇面,日頭見到的話,成個畫面好有喜感;不過都恐怖呀喂,夜媽媽無開燈見到的話,一張白臉360度自轉,仲要瞇實眼睛笑住轉,可以想像有幾詭異,你都咪話唔驚。

Read more ›

【嚇死人咩?】日本網民惡搞聖誕樹 加恐怖面具嚇到標尿
by / on 04/12/2016 at 12:00 pm

【嚇死人咩?】日本網民惡搞聖誕樹 加恐怖面具嚇到標尿

嚇死人咩,個心離一離呀!有日本網民玩嘢,將屋企棵聖誕樹加咗個「能面」面具,呢,即係日本舞台劇(「能劇」)入面經常出現,眼細細笑笑口嗰個恐怖面具呀!妙在雙眼位置啱啱好,仲散發出詭異嘅氣氛,夜晚起身去廁所經過見到,真係分分鐘嚇到標尿呀!

Read more ›
【囡囡尖叫】蛋黃哥亂入萬聖節 面具殺人魔 /吸血伯爵好罕見
by / on 15/10/2015 at 7:15 am

【囡囡尖叫】蛋黃哥亂入萬聖節 面具殺人魔 /吸血伯爵好罕見

好過份!一向對萬聖節無乜感覺嘅我,見到呢幾隻蛋黃哥都忍唔住鍾意咗萬聖節。一共七個造型,除咗繼續賣萌嘅蝙蝠、南瓜同巫師造型之外,個人認為最驚喜係用透明蛋白罩住自己扮鬼嘅鬼蛋黃,仲有趴地戴面具嘅《黑色星期五》「面具殺人魔」Jason Voorhees造型、吸血伯爵蛋黃哥露出兩隻尖牙‥‥‥每個設計都好有心思,儲得過!今次都係台灣嘅「研達國際」出品,之前出過蛋黃哥磁石貼,由於係台灣出品,所以盒面應該係寫住「蛋黃哥」而唔係「梳乎蛋」,網站有得買,一套台幣899,唉我又想買一套。

Read more ›
《復仇者2》效應    自製Ultron頭 一樣無鼻
by / on 06/05/2015 at 7:04 am

《復仇者2》效應 自製Ultron頭 一樣無鼻

有無人睇多過一次《復仇者聯盟2》?今集多咗好多新角色,Ultron懶醒又夠搶眼,好快已經有fans。最近有fans整咗個Ultrons頭玩吓支持吓。個面具由3有個人合力完成,用咗3D印刷機gMax 1.5XT製作,要足足83小時先印得晒。完成品同電影入面一樣都係無鼻嘅。嚟緊佢哋仲計劃量產,不過就要視乎情況再安排。想買返個或者同佢做朋友,可以上佢facebook傾吓計。

Read more ›
emoji面具有得賣    最受歡迎5大emoji原來係你
by / on 02/11/2014 at 2:11 pm

emoji面具有得賣 最受歡迎5大emoji原來係你

emoji公仔真係好,表達到我哋複雜嘅感情,例如咀藐藐、笑到見牙唔見眼、心心眼‥‥‥一講有無令你即時聯想起嗰個emoji表情符號?外國有公司出咗一系列emoji嘅面具,有齊最受歡迎嘅5款emoji表情,最衰過咗萬聖節,如果唔係戴返個喺面,出街一定好受歡迎。

Read more ›
狗仔唔易做   萬聖節扮馬面具
by / on 26/10/2014 at 5:20 pm

狗仔唔易做 萬聖節扮馬面具

做狗仔唔駛返工唔駛早起身,不過要娛樂主人,有時仲要放棄尊嚴,呢份工都唔易做。好似呢個專為萬聖節出嘅狗狗面具,由日本設計師Hiroko Fukatsu操刀,我唔信有狗仔會鍾意戴,但係主人應該好like,戴咗佢之後,狗狗會唔會以為自己係一匹馬? 我仲見倒隻model狗狗有啲眼濕濕‥‥‥

Read more ›

幾何面具DIY   骷髏頭狐狸頭有得下載
by / on 25/10/2014 at 9:20 am

幾何面具DIY 骷髏頭狐狸頭有得下載

3D印刷聽得多,用2D印製3D效果嘅幾何面具估唔倒都有市場。最近外國好興呢款幾何面具,自己上款下載完個檔案,列印之後跟住佢摺摺摺再剪吓貼吓,就完成倒呢款有啲奇異嘅面具,可以扮骷髏頭又可以扮動物,一家大細親子樂都係靠佢,不過世界上無免費嘅午餐,想DIY就要比錢,設計師Steve Wintercroft將檔案放上網賣,一款50蚊港幣左右,都唔算貴嘅。

Read more ›
驚嚇相集   馬騮戴面具細膽勿入
by / on 17/10/2013 at 7:37 am

驚嚇相集 馬騮戴面具細膽勿入

日日開著電視都見倒羅蘭姐跳舞,哈囉喂似乎同我好有關係。不過要我覺得都係留喺屋企上網安全啲,點知又比我見倒芬蘭攝影師Perttu Saska呢輯好似《娃鬼回魂》嘅驚嚇相集,認真時運低呀!講返輯相,全部嘅model都係馬騮仔,不過著咗套人類嘅服裝,再笠咗個面具,場景仲要陰森恐佈,驚嚇怪異程度爆燈,自認大膽嘅先好入嚟睇,睇完今晚發惡夢唔好賴我呀。

Read more ›
像真八哥狗面具     星期日蹓狗一流
by / on 29/09/2013 at 1:17 pm

像真八哥狗面具 星期日蹓狗一流

cosplay睇得多,扮動物真係比較少見,外國網Archie McPhee好鐘意出動物面具,最新作品就係呢款狗仔八哥嘅面具(係咪八哥?其實我唔係好識分八哥同沙皮),用乳膠製成,聲稱味道好聞過真狗,我諗戴住佢星期日去公園蹓狗都幾有型。分分鐘平時見親你都狂吠嘅嘅隔籬屋狗女,會對你忽然熱情咗。除咗狗狗,仲有豬呀、雞呀、鸚鵡呀等數之不盡嘅動物面具,總之務求你同屋企嘅籠物有得襯到絕出街威威。

Read more ›
卡通氣球當面具    靚過龍小菌
by / on 24/09/2013 at 7:18 am

卡通氣球當面具 靚過龍小菌

香港幪面代表有龍小菌,其他人唔想比網友見倒自己個樣,除咗馬賽克之外,意大利設計師Laurina Paperina呢個氣球遮面設計都有得諗,起碼每個人樣都係鵝蛋臉型,仲有個下巴仔。每個被攝者手上嘅人樣氣球,設計師話係根據返佢哋嘅面貌同埋風格畫成,照咁睇,呢班被攝者都幾三尖八角‥‥‥  

Read more ›
恐怖變臉     「索」女面具一戴即變
by / on 12/09/2013 at 8:04 am

恐怖變臉 「索」女面具一戴即變

打定底,唔係新料,但極獵奇,忍唔住share吓。想變大眼、長睫毛、高鼻、尖下巴原來唔一定要整容,成個面具戴出街都得。外國公司Uniface利用bionic-skin科技,創作咗一種接近人體皮膚嘅面具,女士們唔駛化妝唔駛整容,戴上面具就可以即時變「索」,仲可以照講嘢同埋做啲好膠嘅表情。表層有毛孔可以令皮膚抖氣,洗面簡單用落妝液就得,一個面具賣港幣3千蚊左右。好喇,我要開估喇,其實呢個面具係假嘅,不過成個網站做到似層層,仲有幾個女仔扮model,原來係想諷刺女人為咗靚會喪失理智。其實好多女星整完個樣都係咁「膠」,可能佢哋都買咗個面具。

Read more ›

進擊之巨人面具有得賣   開價$6000只此一件
by / on 30/07/2013 at 9:03 am

進擊之巨人面具有得賣 開價$6000只此一件

今年所有動漫展都見倒嘅進擊之巨人,睇到厭但依然有勁多人爭住cosplay,外國網民Nathan Rodriguez仲整咗隻巨人面具放上網賣,手工好精緻,全人手縫製,仲用埋靚皮製作,頭同尾仲有索帶比你調校到超貼面,不過價錢都貴到嚇死人,開價港幣約$6000,只此一隻,難怪睇咗幾日,都仲係有一隻等賣。

Read more ›
原作崩壞!《玻璃假面》新作動畫4月開播
by / on 26/02/2013 at 1:41 pm

原作崩壞!《玻璃假面》新作動畫4月開播

當年嘅少女,o依家都唔只變中女,應該過埋更年期。到底有幾多讀者睇過呢本《ガラスの仮面》?我諗睇過都可能只係之後改篇嘅動畫或韓劇……呢套1976年開始連載嘅《玻璃假面(ガラスの仮面)》,原作漫畫家係美內鈴惠,多年之後,啱啱宣佈會喺4月播放最新動畫,而且變成惡搞路線……正式宣佈原作崩壞。

Read more ›
黑武士變鍵盤戰士 只此一件藝術品
by / on 28/12/2012 at 8:51 am

黑武士變鍵盤戰士 只此一件藝術品

之前見過唔少用剩餘物資整成嘅動漫角色,好似鐵罐比卡超我仲記憶尤新,不過呢個用電腦殘餘配件造成嘅黑武士頭像,我覺得堪稱高級版藝術級數,真係幾靚。睇倒每個配件,例如頭盔由幾百粒打字機鍵盤組成,雖然顏色由全黑變成古銅,但難得係顏色又襯得幾絕。由美國印第安納州嘅設計師Gabriel Dishaw設計,放喺專賣古靈精怪手作仔嘅網站Etsy上賣,只此一隻,開價美金$800。

Read more ›