【日本旅遊品味】「青春18車票」海報回顧 日網民狂讚

一直好欣賞日本嘅「青春18車票」概念,個名夠熱血又浪漫,而且打正旗號比年青人坐鐵路慢遊日本,價錢平一截,雖然無得坐特急車,但對於有青春有時間嘅年青人嚟講,的確係好正嘅旅遊選擇。最近有日本網民就搵返官方嘅舊宣傳海報出嚟,原來每張都好靚,靚景配句似是而非嘅對白,例如:「冒險,不需要年齡限制」、「你曾嘗試過不由自主地下車嗎」,文青實like,入嚟有得睇晒。睇完好想出發嘅,嚟緊12月10日至下1月10日JR嘅「青春18車票」又啟用,12月1日開始發售,去啦唔好諗咁多喇!

Read more ›