Post Tagged with: "霸氣"

【新片速報】半年火速融入家中    啡喵超霸氣睡姿Twitter熱傳
by / on 16/10/2019 at 7:48 am

【新片速報】半年火速融入家中 啡喵超霸氣睡姿Twitter熱傳

實在太可愛!呢一家三口喵星人住喺日本,之前都報導過,啡貓只得半歲,但就大得好快,而且好快融入家中,最近樓主分享嘅影片,就見到3隻喵瞓埋一齊嘅情況,啡喵當正白喵同黑喵係咕臣一樣,責住又攬住,白喵已經採取放棄態度,而黑喵就默默忍受,好溫馨。入嚟有多啲相睇,仲可以睇返啡喵細細個嘅相,好可愛。

Read more ›

【有片】貓媽媽哺乳片熱傳 姿勢極霸氣Twitter熱傳
by / on 05/10/2019 at 1:31 pm

【有片】貓媽媽哺乳片熱傳 姿勢極霸氣Twitter熱傳

母愛真係好偉大,日本Twitter最近熱傳呢段片,有貓媽媽哺乳期間被偷拍咗,目測最少有5隻貓仔食緊奶,不過貓媽媽個姿勢就好霸氣,一手撐住個紙盒邊,好有大佬風範。入嚟有網民回帶經典圖。

Read more ›
日本Kit Kat超霸氣限定版 集合35款不同朱古力
by / on 28/11/2018 at 7:44 am

日本Kit Kat超霸氣限定版 集合35款不同朱古力

以日本手信嚟講,Kit Kat朱古力應該都長期高踞榜首位置。最近為咗慶祝品牌45周年,官方推出咗呢個特別裝,集合咗35款味道,貪新鮮鍾意試唔同味嘅啱晒,不過要小心唔覺意會食多咗。35款味道包括「世界總選舉第一位」嘅士多啤梨Tiramisu味、人氣之選同地區限定嘅款式,賣6264円,唔算平,不過買個咁霸氣嘅包裝都值。

Read more ›
【有聲】日本倉鼠飲水似唱歌    手瓜起腱Twitter熱傳
by / on 14/05/2018 at 7:32 am

【有聲】日本倉鼠飲水似唱歌 手瓜起腱Twitter熱傳

飲水唧,駛唔駛咁型先?日本呢隻倉鼠飲水飲得好霸氣,好似單手舉起支咪唱緊歌咁,仲睇得出佢手瓜起腱超強壯!輯相喺Twitter好多人分享,樓主仲分享佢自己畫嘅倉鼠插畫,入嚟有得睇。

Read more ›
【有片】日本超霸氣孔雀 狹窄行人路開屏阻塞通道
by / on 13/05/2018 at 1:45 pm

【有片】日本超霸氣孔雀 狹窄行人路開屏阻塞通道

孔雀開屏大家都見過,係就係幾靚,不過都要揀啱位置開,好似日本呢位網民,就發現咗隻喺狹窄通道開屏嘅孔雀,成條行人道俾佢霸晒,其他網民留言話覺得佢好有皇者風範,入嚟仲有片睇。

Read more ›
超型日本「雪の鎧」老虎 霸氣相集Twitter熱傳
by / on 01/04/2018 at 2:35 pm

超型日本「雪の鎧」老虎 霸氣相集Twitter熱傳

好有型!呢隻住喺日本「富士野生動物園」老虎,喺雪地之下行走,好似著咗件雪鎧甲咁,極有霸氣!輯相由官方發佈,喺Twitter好多人RT。BTW呢個動物園位於富士山附近,住喺入面嘅動物可以日日望住富士山靚景超幸福,遊客入去唔駛行路,全程坐喺專車入面近距離接觸動物,有機會俾班老虎、獅子喺你嘅車頂行過!有興趣嘅可以去佢嘅官網睇吓。

Read more ›

【有片】日本大阪香煙舖「看板犬」近照       成熟穩重霸氣依舊
by / on 19/10/2017 at 7:51 am

【有片】日本大阪香煙舖「看板犬」近照 成熟穩重霸氣依舊

大阪嘅富田林市住宅區之前有間賣煙嘅店舖,最出名係入面一隻「看板犬」,我哋都介紹過,最近又有網民影咗佢嘅相放上Twitter,舖頭而家無再賣煙,改為賣紀念品,仲有隻狗狗嘅相展覽,唔知有無得買走?而無見一排,狗狗睇落成熟咗同瘦咗,但係依然好可愛,最鍾意都係霸住個窗口位招呼客人狗狗,狗狗祝你身體健康,繼續做富田林市嘅吉祥物呀!

Read more ›
【新片速報】日本霸氣蝙蝠喵 伸手叫主人「埋嚟啦」Twitter熱傳
by / on 15/08/2017 at 7:25 am

【新片速報】日本霸氣蝙蝠喵 伸手叫主人「埋嚟啦」Twitter熱傳

呢隻日本喵星人塊臉上黑下白,好似戴咗蝙蝠俠面罩咁,喺日本好高人氣,仲出埋寫真集。最近佢嘅主人出咗段新片,好快喺Twitter熱傳。片中嘅喵星人瞓到好似一團熊貓咁,之後翻身望見主人喺後面,佢居然好霸氣咁向主人招手,好似叫緊佢「埋嚟啦」咁,超好笑,入嚟有片睇。

Read more ›
【連環圖】日本超霸氣喵星人 坐姿超hea大佬格
by / on 03/07/2017 at 7:14 am

【連環圖】日本超霸氣喵星人 坐姿超hea大佬格

星期一有邊個想早起身返工?如果可以好似喵星人咁懶懶閒瞓醒就食,食完又瞓你話幾好?日本有貓奴分享咗佢屋企嘅生活照,3隻喵星人霸住個廳感覺超爽,其中一隻仲霸住張高椅四腳朝天反肚瞓,勁hea,見到都好想捽吓佢個肚呀!主人話呢張椅係自己加高嘅,估唔到隻喵咁識嘆一嚟就霸住咗。不過睇佢嘅「坐姿」,喺屋企應該係大佬嚟架喇。

Read more ›
【相集】全球最巨型喵星人 「緬因貓」霸氣十足
by / on 14/08/2016 at 12:13 pm

【相集】全球最巨型喵星人 「緬因貓」霸氣十足

噚日介紹過一隻重28磅長4呎嘅巨型緬因貓(Maine Coons),其實呢個品種嘅喵星人係家貓之中最巨型嘅。外國攝影師Robert Sijka好鍾意影貓,佢嘅Facebook有大量緬因貓嘅相,全部都好高質,緬因貓隻隻個樣都好霸氣,有啲似老虎,而且細細隻個樣已經好成熟,入嚟有得慢慢睇,大開眼界呀!

Read more ›
【霸氣喵】蒙羅麗莎「貓抓板」 點抓都得喵權至上
by / on 16/04/2016 at 2:35 pm

【霸氣喵】蒙羅麗莎「貓抓板」 點抓都得喵權至上

係串嘅,貓奴設計師Erik Stehmann為咗令喵星人嘅地位進一步提高,設計咗呢款獨一無二嘅蒙羅麗莎名畫貓抓板,掛喺牆上面,喵星人可以隨便亂抓。唔止蒙羅麗莎,其他名畫例如Vermeer嘅The Girl with the Pearl都有得抓,開價歐羅169,好貴。不過記住之後唔好帶隻喵星人去真嘅藝術館。

Read more ›

【霸氣外露】喵星人企警車頂 日本一人一張霸氣喵圖
by / on 02/02/2016 at 7:12 am

【霸氣外露】喵星人企警車頂 日本一人一張霸氣喵圖

喵星人個性囂張,要搵佢哋霸氣外露嘅相簡直無難度。日本網民最近就一呼百應,一人一張喵星人霸氣圖,有喵星人肚皮朝天攤喺車頭曬太陽、有大膽到企喺警車車頂,仲有扮馬沙嘅喵星人、鬆弛喵、一拳打穿門嘅一拳超喵,好精彩,貓奴睇完驚唔驚?真係千祈唔好得罪佢哋。

Read more ›
網圖分享:戴冷帽腦袋霸氣外露
by / on 20/12/2014 at 3:45 pm

網圖分享:戴冷帽腦袋霸氣外露

好凍呀呵?我都覺呀,直頭凍到縮入被窩唔想起身。我唔多適合戴帽冷帽,不過都覺得以下圖輯極有趣,估唔到原來冷帽都可以有咁多造型,維京人喇、頭盔喇、尤達喇、貓頭鷹喇、機械人喇、木乃尹喇、恐怖份子喇、骷髏頭喇,最過癮都係一頂疑似腦袋造型冷帽,戴出街肯定勁招搖,唔通想話畀人知你好有腦?

Read more ›
ONE PIECE霸氣側袋 / 索柏櫻花長銀包   駛錢係時候
by / on 15/03/2014 at 12:54 pm

ONE PIECE霸氣側袋 / 索柏櫻花長銀包 駛錢係時候

日本網站PREMICO經常有動漫產品推出,而且夠高質,最近就有呢款ONE PIECE霸氣側袋推出,一式三款,紅、藍、黑都靚,而且設計夠含蓄,太陽海賊團標誌、骷髏頭標記全部都係細細粒唔搶眼,明嘅自然會明,啱晒低調嘅One Piece夥伴,開價16700円。另外女仔必冧嘅索柏都有個粉紅色長銀包推出,開價13880円,好靚,襯晒櫻花季節!

Read more ›
龍蝦電單車模型    霸氣盡現
by / on 09/10/2013 at 9:00 am

龍蝦電單車模型 霸氣盡現

打定底,唔係新聞但我啱啱先睇倒。呢位台灣廚師黃銘波好慳儉,食完嘅龍蝦殼佢唔係拎去煲湯,而係攞去參展,因為佢用所有殼整咗架電單車模型!呢架型爆電單車仲去埋大陸福福州美食展展出,最近吸引埋外國傳媒報導,老實,真係幾靚幾有霸氣,不過望住佢我好肚餓。

Read more ›