fbpx

Tag: 電車

奇蹟一枚 日本攝影師影櫻花 + 電車 放大發現……

奇蹟一枚 日本攝影師影櫻花 + 電車 放大發現……

雖然唔係女女,不過櫻花加電車都超正!而且呢幅相仲有啲特別,當攝影師放大再放大之後發現……俾啲貼士,車長好nice呀!另外亦有電車迷提到,呢部係京急新1000型イエローハッピートレイン,地點係「三浦海岸周辺」,今年櫻花開時應該都未得,期望下年可以去啦!

Read more ›

【有片】日本列車車長舉中指被評擊 網民出片出圖撐有好車長

【有片】日本列車車長舉中指被評擊 網民出片出圖撐有好車長

話說早幾日有兩個電車迷影列車時,發現車長伸出隻手舉起隻中指,咁就引嚟熱議,而影相嘅人就話自己當時好守規矩喺黃線後影又冇阻到人,唔知點解會受到不禮貌對待。最終JR方面都有出嚟道歉希望平息事件,同時亦都有好多網民都出圖出片,表示自己遇過好友善嘅車長,有車長見到小朋友會揮手,有啲見有人影相又會揮手,仲會舉起手指,不過係兩隻,V字手勢啫。

Read more ›
李小龍80週年誕辰 主題紀念電車出巡

李小龍80週年誕辰 主題紀念電車出巡

今年係李小龍80週年誕辰,海報師阮大勇之子阮繼增為此創作紀念海報,透過電車公諸同好。留意番,海報會喺8、80同160號電車車身出現,而當中嘅80號同160號,就連車廂內櫳都有相關裝飾佈置,所以千其唔好齋影車身就算,有時間嘅不妨跳入車廂,有排你打卡,大把位畀你致敬。

Read more ›
初號機電車京都現身 仲有特別版產品

初號機電車京都現身 仲有特別版產品

京都東映太秦映画村嘅《Evangelion》「エヴァンゲリオン京都基地」喺2020年10月3日開幕,裏頭有15米高、半身浸喺LCL嘅初號機像打卡位!所以咁,京都市中心部四条大宮到嵐山嘅京都唯一路面電車「嵐電」亦都有好嘢,就係初號機電車,唔少得就係記念品嗰啲囉,不過算啦,我好灰呀依家。

Read more ›
【新片速報】日本喵星人突襲電車 零秒出手Twitter熱傳

【新片速報】日本喵星人突襲電車 零秒出手Twitter熱傳

呢段片好好笑,日本好多人買呢類型識郁嘅電車玩具,不過如果有養喵就要諗清楚嘞。有網民拍咗段片放上Twitter,隻喵瞓正喺電車路軌旁邊,當架車越駛越近,佢終於忍唔住出手嘞‥‥‥

Read more ›
【新片速報】日本超靚電車風景 藍天白雲大海Twitter熱傳

【新片速報】日本超靚電車風景 藍天白雲大海Twitter熱傳

無得去旅行,唯有得閒睇吓啲舊相,或者上網睇吓片當去咗。日本有網民最近分享咗段電車片,地點喺香川縣,沿途風景超靚,藍天白雲仲有大海,好relax!之後有網民分享咗愛媛縣嘅電車風景,一樣超靚,入嚟有回帶。

Read more ›

【新片速報】日本小朋友電車小遊戲 奔跑忍者超可愛

【新片速報】日本小朋友電車小遊戲 奔跑忍者超可愛

小朋友好簡單,小小嘢都可以玩一餐玩得好開心,好似日本呢個小朋友坐田園都市線,就利用一張忍者透明膠片玩奔跑,效果好得意!

Read more ›
甘小文報料 哨牙珍將現身電車車廂

甘小文報料 哨牙珍將現身電車車廂

甘小文報料,為響應喺維園舉辦嘅「Walala遊樂空間」活動,其筆下角色哨牙珍將變成人偶,現身電車車廂,到時相關電車站都會有展板同宣傳裝置。人偶有真人咁高,著One-Piece吊帶短裙,交叉腳坐,雙手放喺兩膝之間,非常Lady,充盈滿滿淑女氣質,難怪甘小文稱佢為「佳人」。坐叮叮遇到佳人的話,記得打卡。

Read more ›
「名偵探比卡超」公仔陳列架 似擠迫電車車廂

「名偵探比卡超」公仔陳列架 似擠迫電車車廂

呢隻「名偵探比卡超」嘅公仔真係越睇越想要!之前都介紹過,最近有日本網民又將佢放上Twitter,今次嘅主題係「滿員電車感」,即係好似朝早迫JR時嘅感覺,又眼瞓又無奈又擠迫,比卡超嘅表情配合得零違和,有網民仲改埋圖,好可愛!

Read more ›
Tiny x 長城牌火腿豬肉電車 盒蓋喺罐頭底

Tiny x 長城牌火腿豬肉電車 盒蓋喺罐頭底

Tiny推出嘅迷你車仔不嬲吸睛,而呢期呢,我就睇中呢架長城牌火腿豬肉罐頭造型嘅電車,包裝盒本身做成罐頭咁嘅樣,綠色招紙做到似十足,裡面架電車車身有火腿豬肉廣告,比例係1:120。過癮嘅係,罐頭頂嗰個拉環,純粹裝飾,真正盒蓋係罐身底。即日至10月15日,7仔有售,如果有人送畀我就好了。

Read more ›
京都「仁和寺」創意電車廣告     「千手觀音」網民話好恐怖

京都「仁和寺」創意電車廣告 「千手觀音」網民話好恐怖

位於京都嘅仁和寺觀音堂最近修復完,而家仲有春季特別內拜,為咗宣傳吓,官方最近包咗架「嵐電」做廣告,有網民影咗相放上網,吸引好多人RT。首先車身大大個千手觀音像好特別,而車入面嘅宣傳牌更加有創意,係一隻隻觀音嘅手呀!有網民話夜晚坐會覺得好恐怖、有人話似恐怖電影宣傳,不過肯咁玩其實幾大膽。

Read more ›

京都超正觀光電車 車廂似小庭院只限假日行駛

京都超正觀光電車 車廂似小庭院只限假日行駛

最近有日本網民分享咗佢搭「阪急電車」嘅靚相,車廂入面好似京都嘅小庭院,一啲都唔似搭緊電車,好靚,吸引好多人RT。翻查資料,呢架係「阪急電車」喺3月22日正式行駛嘅觀光列車「京Train雅洛」,行駛於梅田同河原町之間,每節車廂都係以一個季節做主題,只限週六日同國定休假日行駛,全車仲有免費Wifi,去開京都旅行可以搭吓。

Read more ›
Pen So x Benz電車車身廣告 幫手影相唔該

Pen So x Benz電車車身廣告 幫手影相唔該

Pen So畫作是無處不在的,起碼喺香港島可以咁講,話說佢聯乘Benz出咗個廣告,流動嘅,事關畫作複印喺電車車身,大家搭開叮叮記得多加留意。佢喺面書留言曰:「我其實仲未見過實物,大概一月至二月時間行走,大家見到的話麻煩幫我影張相,儲相集!」大家收到喇,正所謂人多好辦事,見到就唔該幫佢閃番張相,PM番畀佢喇。

Read more ›
Exam Sum的廚娘小橋 現身2號線電車

Exam Sum的廚娘小橋 現身2號線電車

畀啲掌聲唔該,Exam Sum嘅「珠江橋牌」動漫角色廚娘小橋,家陣已經印咗喺電車車身,電車路線係來往跑馬地與筲箕灣嘅2號線。Exam Sum喺面書咁話:「右邊呢個小橋應該都算係我人生中印出嚟最大嘅一幅圖啦。」係,雖然句口號「人生有起落,經典永傳承」係有啲娘,但大大個廚娘小橋實在係Cute,大家見到嘅話,記得打卡咯喂。

Read more ›
日本電車又有「痴漢」? 拖陌生女仔隻手好變態

日本電車又有「痴漢」? 拖陌生女仔隻手好變態

日本經常都有痴漢出沒,女仔搭車真係要小心啲。最近有網民影咗幾張相,發現有位痴漢出沒喺浦賀方向嘅電車,睇相見到佢旁邊有個女仔瞓著咗,而疑犯就將隻手越放越埋,最後拖住個女仔隻手,好變態!樓主話佢一到站就通知職員,不過個男人已經即時逃走咗。

Read more ›