fbpx

Tag: 電話座

街霸「土下座」後新扭蛋     用力托電話阿隆扮痛苦

街霸「土下座」後新扭蛋 用力托電話阿隆扮痛苦

奇譚之前出過嘅街霸「土下座」系列扭蛋好受歡迎,阿隆阿Ken全部跪地叩頭超正,最近佢哋又有新合作,今次改為出電話座,都係街霸II,動作方面有阿隆同阿Ken用力托住嘅電話座,兩個主角表情仲好痛苦交足戲。印度佬就手長長一嘢轟落去,仲有春麗嘅百裂腿,最慘都係軍佬,未出招已經註定lose,好似杯緣子咁變咗杯墊,塊面仲壓扁晒,好醜樣但粉絲應該好想要。預計下年4月發售,今次點都要搵齊一套。

Read more ›

【超想要】蛋黃哥8件日常工具 蛋黃布甸座/petpet咭片夾萌爆

【超想要】蛋黃哥8件日常工具 蛋黃布甸座/petpet咭片夾萌爆

出名懶嘅蛋黃哥又嚟嘞,今次日本re-ment出嘅呢8款小工具堅想要!最想要係蛋黃哥變咗布甸嘅手機座,其次係托住支筆懶辛苦嘅筆座,仲有用pet pet夾住咭片嘅咭片架、冚住塊煙肉覺覺豬嘅書籤、扮晒扣住啲蛋白嘅集線器‥‥‥係,我認,全部8款我都好想要呀!每盒380円,不過要等到今個月14號先有得買,有無朋友去開日本,不如幫我哋團購?

Read more ›
霸氣機械人電話座   全人手掣夠環保

霸氣機械人電話座 全人手掣夠環保

電話座人有我有,想擺一個夠新奇刺激又可以引倒同事行埋嚟讚吓吹吓水嘅,呢個絕對係穩陣之選。首先設計上極具霸氣,大大個機械人,換埋自己張相做Screen saver相信效果更爆!全人手製,網站Etsy有得賣,開價港幣$776,睇啲配件,有幾件應該係出自宜家傢俬嘅裝配組件,呢啲咪環保囉。

Read more ›
日本拉麵電話座   三款拉麵超迫真

日本拉麵電話座 三款拉麵超迫真

一蘭拉麵到而家都係要排幾粒鐘先食倒,可想而知香港人幾咁鍾意食拉麵(同埋一窩鋒追潮流)。日本最近出咗三款拉麵電話座,有中華拉麵、博多拉麵同埋札幌味噌拉麵任揀,手功同你喺拉麵館門口見倒嘅模型一樣真到嚇死人,而且連iPad Mini都打直放得落,開價9334円一款,8月底推出,下次帶埋佢去一蘭拉麵威啦。

Read more ›
一條鎖匙頂起一部電話     鎖匙電話座超慳位

一條鎖匙頂起一部電話 鎖匙電話座超慳位

老實,呢個電話座唔算靚,但勝在方便、唔重兼慳位,因為只需要一條鎖匙。先將呢條特製鎖匙KeyProps扣入你日日袋住嗰抽鎖匙度,之後就可以隨時隨地托起部電話,想調教角度?方法好原始,就係叠高多幾條鎖匙。呢條特別匙適用於大部份智能手機,而家喺kickstarter集資中,$15美金已經有一條,買得過喎。

Read more ›
日本太空人電話座   氧氣筒變iPhone

日本太空人電話座 氧氣筒變iPhone

電話配件越玩越大,好似之前介紹個嘅龍蝦iPhone,大過部電話,拎出街好似拍緊《玩嘢王》咁。而今次呢個太空人電話座,來自日本公司Cibone嘅設計,太空人唔拎氧氣筒改拎電話,仲好認真計算緊你部iPhone仲有幾多電,夠晒無聊。售價1995円,200蚊港紙唔駛,仲有綠色士兵、酒店bellboy同埋北極熊任君選擇,放喺枱頭都幾得意吖。

Read more ›