fbpx

Tag: 電視台

【有片】美國電視台主持「在家工作」報天氣 肥貓入鏡一齊報網上熱傳

【有片】美國電視台主持「在家工作」報天氣 肥貓入鏡一齊報網上熱傳

報天氣都可以有新意,美國電視台《14 News》最近因應武漢肺炎疫情,天氣報導員都在家工作,用綠幕喺屋企報天氣。主持人Jeff Lyons好創新,竟然抱埋隻貓Betty一齊報天氣,難得隻貓全程好乖無掙扎,隻手仲伸高任佢玩,好nice,而家隻喵喺網上好紅,大家都好想睇天氣報導,入嚟有片睇。

Read more ›

【有片】日本阪神大地震24週年 電視台回帶睇當年災情

【有片】日本阪神大地震24週年 電視台回帶睇當年災情

時間過得好快,原來當年日本嘅阪神大地震已經發生咗24年。1995年1月17日早上5時46發生嘅7.3級地震,由於神戶人口密集,事件造成至少6千人死亡,超過4萬人受傷。日本媒體NHK放咗段片上Twitter,睇返地震當時嘅一刻同埋之後嘅破壞嚴重程度,兵庫県伊丹市公園亦有追悼活動,入嚟有回帶。

Read more ›
日本超強清潔Keyboard技術      網民發現Window鍵唔同咗

日本超強清潔Keyboard技術 網民發現Window鍵唔同咗

日本TBS電視台節目《マツコの知らない世界 》經常發掘新奇刺激嘅嘢,最近呢集講清潔Keyboard,不過就吸引好多網民討論。其中最主要嘅原因係before and after張相,除咗成個keybaord乾淨晒好似新嘅一樣之外,竟然連粒Window鍵都唔同咗!有人話一定係清潔時順便換埋,再睇真啲,Alt由甩色到還原都好神奇。果然係一個未知嘅世界。

Read more ›
【成功上樓】喵星人硬闖電視台直播 男主播淡定回應網民大讚

【成功上樓】喵星人硬闖電視台直播 男主播淡定回應網民大讚

為咗上樓可以去到幾盡?之前我哋都見唔少喵星人爭取上樓嘅絕技,今次土耳其呢隻仲勁,直踩上電視新聞直播,最後當然成功被收養。當日男主播Kudret Çelebioğlu報報吓天氣,突然出現咗呢隻不速之客,首先喺枱邊裝裝吓,之後一嘢跳上枱,仲施施然喺枱中間橫過,然後坐咗喺部電腦嘅keyboard上面。而男主播唔單止無俾佢嚇窒,反而語調一轉,呼籲電視機前嘅觀眾要善待流浪貓,如果遇到應該要開門俾佢哋同俾少少食物、水呢啲小動物。「專業」表現被網民大讚。最後電視台其中一個職員決定收養,仲幫隻喵改咗名叫Hüsnü,即係Beauty即係靚啦。恭喜恭喜!

Read more ›
日本電視台「○○年一遇的美少女」專題 網民熱烈聲援

日本電視台「○○年一遇的美少女」專題 網民熱烈聲援

原來眨吓眼橋本環奈已經出道咗3年,自從橋本環奈被封為「千年一遇」之後,陸續有2000年一遇、4000年一遇、一萬年一遇甚至2萬年一遇出現。日本電視台做咗個「○○年一遇的美少女」專題,日本2ch網民都cap圖熱烈討論。有人話太田夢莉張相好有惡意,影到佢青筋暴現,有人話其實偶像本人都唔想被封為「○○年一遇」,仲有好多網民放大量圖上網聲援偶像。BTW,有人留意到電視台將橋本環奈成名嘅相片「奇跡の一枚」換咗做插畫,相信係避免被原拍攝者要求索取報酬嘞。

Read more ›
日本B女沖涼被打格       網民:「電視台想法下流!」

日本B女沖涼被打格 網民:「電視台想法下流!」

印象中香港電視台未試過將BB乳頭打格仔,呢個話題最近喺日本引起好大爭議,話說朝日電視台拍咗個電視節目,搵咗幾個搞笑藝人分別照顧4個只有1歲大嘅超可愛四胞胎姊妹,其中幫佢哋沖涼嘅部份,導演就幫BB嘅乳頭打格變咗鴨仔,不過網民就好大反應,有人話咁做更加顯得電視台想法下流,反而令人聯想更多,仲話感覺好唔自然。不過亦有人話可能係父母要求,而且BB係女仔。唔知B女大個睇返會點諗?

Read more ›

日本電視台直擊增高新方法 成功高咗1.8cm

日本電視台直擊增高新方法 成功高咗1.8cm

坊間經常都流傳唔同嘅增高方法,最近日本有個節目搵咗三個人一齊試吓,有網民放咗上Twitter之後好多人RT。片中嘅增高方法好簡單,跪坐之後個身向後拗,睇落好流,但最後三個測試者都成功增高,最多嗰個高咗1.8cm!睇完真係得啖笑。(今晚返去試吓先)

Read more ›
【新片速報】超靈異!直播新間期間 女人突然失踪

【新片速報】超靈異!直播新間期間 女人突然失踪

你信唔信有鬼?信唔信有外星人?丹麥電視台最近直播新聞時,就發生咗件靈異事件。當時佢哋喺機場拎行李位置訪問緊手球隊教練,後面有兩個女人傾緊計,但係突然間,其中一個女人竟然消失咗!有人話佢係瞬間轉移,有人話佢俾外星人捉走咗,不過更多人話佢其實係同旁邊個女人一齊移動,咁啱被佢遮住咗。條片放上網好快已經過百萬點擊,我諗好多人同我一樣不停翻睇。

Read more ›
日本電視台公佈 外國人最愛3大日本偶像 AKB48登榜首

日本電視台公佈 外國人最愛3大日本偶像 AKB48登榜首

日本電視台啱啱公佈咗外國人最鐘意嘅日本偶像排行榜頭三位,第一位大家好易估到,就係組合AKB48,至於第二位就係Morning娘「モーニング娘。’15」,第三位就係BABYMETAL。對於呢個結果,有日本網民就問:「點解無桃色幸運草架?」,有人就突破盲點:「AKB48喺亞洲同中國好高人氣,如果按中國人口比例嚟計,AKB48梗係攞第一啦。」有日本網民仲搵返之前外國粉絲出席AKB48活動時嘅相出嚟笑人,但就無乜人提專玩「可愛金屬」音樂嘅BABYMETAL。BTW,我哋都算係「外國人」吖,你嘅頭三位選擇係咪一樣?

Read more ›
新片速報     韓國貓貓被困地底     電視台出動救貓

新片速報 韓國貓貓被困地底 電視台出動救貓

韓國電視台SBS嘅動物節目《動物農場》經常拯救動物,最近有隻貓唔知點解被困喺下水道兩個月,由於排水渠出口只得5cm闊,大家都救唔倒貓貓出嚟。其中一個好有愛心嘅男仔每日都會走去餵佢,最後仲聯絡埋電視台請佢哋出手救貓。最終幾經波折終於將隻可愛貓貓救出,圍觀嘅市民同一班小學生都開心到歡呼,全程電視台拍埋片,YouTube有得慢慢睇。成功救貓, 最開心係報案嘅男仔最終收養埋隻貓貓,大團圓結局,好感人呀!

Read more ›
日本紅爆杯緣子  變身溫泉大使上電視

日本紅爆杯緣子 變身溫泉大使上電視

日本紅到爆燈嘅扭蛋玩具OL杯緣子最近又有新動向,就係會登上電視大銀幕,介紹日本各地嘅溫泉!杯緣子將會換上溫泉裝變成「温泉のフチ子」,再由靚女佐藤聰美配音,人氣寫真家宮澤正明合作拍攝。成件事感覺有啲詭異,不過都見證倒杯緣子有幾人氣旺盛。節目會由6月4日起逢星期三喺TOKYO MX電視台播放,唔知YouTube或者Niconico有無得睇呢?

Read more ›

新片速報    女主播雪地暈低照訪問   YouTube過百萬點擊

新片速報 女主播雪地暈低照訪問 YouTube過百萬點擊

香港有新聞主播潘蔚霖颱風下紮馬報導新聞,外國都有呢位雪地暈低照做訪問嘅Brooke Graham。呢位KUTV電視台嘅女主播當日報導緊滑雪新聞,當佢開始訪問旁邊嘅男士,突然間好以比薩斜塔咁傾斜然後跌低,最厲害係佢即時擘大眼坐喺度繼續訪問準備扶佢嘅受訪者,專業精神令人佩服。影片放上YouTube吸引170萬點擊,好多人留言關心佢,因為佢原來唔係跣親而係暈低咗,佢仲話自己經常會突然暈低,亦經常一星期連續開足六日工‥‥‥

Read more ›
全球首個狗狗電視頻道     DOGTV狗仔睇唔睇?

全球首個狗狗電視頻道 DOGTV狗仔睇唔睇?

香港地,想要多個免費電視頻道都難過登天,外國呢,就連狗仔都有專用電視頻道。講緊係呢個號稱全球首個專為狗狗而設嘅電視台DOGTV,屬於美國DirecTV旗下,每個月$10美金可以睇足24小時。節目內容經過多年研究,又有狗專家比意見,仲得到美國人道協會(HSUS)認證,主為要返工嘅主人而設,幫佢哋嘅狗仔排解寂寞,話長遠對狗仔心理有正面影響。我入去睇咗少少節目內容,都係風景、狗仔喺草地玩樂嘅畫面,每條片都有不同功效,好唔好睇?我搵咗屋企隻狗仔做試驗品,佢望兩望就走咗去飲水,好唔俾面。

Read more ›