fbpx

Tag: 電梯

【有片】日本LEGO神人超強創作    扶手電梯Twitter熱傳

【有片】日本LEGO神人超強創作 扶手電梯Twitter熱傳

成日都覺得LEGO嘅高手在民間,日本仲特別多,最近有日本網民分享咗佢嘅創作,係一條扶手電梯呀!雖然條梯短短哋,但就裝咗摩打真係識郁,好正,而且應該好安全。除咗電梯之外呢位網民仲分享埋其他作品,都係電動嘅,超勁,入嚟有片睇。

Read more ›

有片:明玩嘢!電梯內三唔識七接吻!

有片:明玩嘢!電梯內三唔識七接吻!

入電梯,如果見到一對三唔識七嘅男女無端端接吻,你會有乜反應?呢條片就玩呢個Prank,有人得個望字,唔敢出聲;有人豎起手指公,畀個讚男仔;有人同個男仔擊掌,好明顯讚佢咁嘅環境都溝到女;有人原本耷低頭玩緊電話,忍唔住偷望臉露羨幕之色;有人以為女仔俾人飛禮,出手制止,正想開拖之際先知係惡作劇。你呢?畀著你又會點?我肯肯定,九成香港人會第一時間拎出手機拍片,之後掟上網,香港人乜都鍾意拍一餐吖嘛。

Read more ›
【好悲】中三學生被困電梯5小時 冷靜完成所有功課背埋書

【好悲】中三學生被困電梯5小時 冷靜完成所有功課背埋書

呢單新聞早幾日喺中國發生,最近傳到去日本,睇完個心真係噏一噏。說話喺哈爾濱市松雷中學讀緊中三嘅男學生孫軼瀟,11號晚被困喺電梯入面5小時,喺獲救之前,佢充分利用呢段時間,完成咗數學、物理同語文嘅功課!之後仲將要背嘅書背咗幾次,到佢被救出嘅時候,已經做完晒所~有~功~課!日本網民睇完都忍唔住留言:「好厲害」、「入面有無電架?」、「功課太多嘞」、「應該會好急尿」、「如果係我會狂玩《怪物彈珠》」咁,無咩事大家返出去做功課先嘞。

Read more ›
有片 電梯急墮自保法 專家:「大字型瞓底最好!」

有片 電梯急墮自保法 專家:「大字型瞓底最好!」

意外嘅嘢好難預計,所以平時睇多啲《The Walking Dead》,遇到喪屍都知點應付。另一樣好大機會遇到嘅生活災難可能就係電梯急墮,以前聽人講話嗰一刻最好跳起,咁就可以減低下墜力,不過外國MIT Center嘅專家就有唔同睇法,佢哋話最好嘅方法係大字型攤喺地,面部朝天,咁就可以將急墜力分散去身體各部份。但墮lift時真係瞓得切?而且香港嘅lift出名細,可能唔夠位瞓,慘。

Read more ›
有片:喪屍入侵電梯 典地翻生嚇死人

有片:喪屍入侵電梯 典地翻生嚇死人

都係嗰句,如果俾我遇著呢類惡作劇,照正路我先會好驚好驚,然後話求活命會即刻還拖,話之你喪屍定閻羅王,一於打咗至算!呢個Prank好簡單,電梯門打開,一隻喪屍扮死大字形仆低,嚇到乘客天然呆之際,喪屍作狀渾身顫抖,之後翻生,既大嗌,又捉住乘客隻腳甚或逼乘客去牆邊。霎時標隻喪屍出嚟,係好驚嚇嘅,走唔夾抖係正常,但就係唔知點解,硬係永遠無人還拖嘅。

Read more ›
擦身而過,都扯得爛靚女件衫?

擦身而過,都扯得爛靚女件衫?

成個Prank好簡單,道具有二,一,一件做咗手腳超容易扯爛嘅衫;二,一個有樣有身材嘅金髮靚女。點玩法?靚女守喺電梯口,趁途人甲乙丙經過就快手快腳將隻夾仔夾住途人件衫,夾仔綁住條魚絲,魚絲又綁住靚女件衫……之後估都估到喇,途人上電梯,魚絲因而拉直,之後扯爛件衫,繼而靚女作狀掩胸尖叫,嚇到途人一仆一碌,驚俾人誤會非禮。老實,請眼睛食冰淇淋喎,我都幾想俾人整蠱……

Read more ›

新片速報:當搭電梯遇上蜜蜂 嚇到典地

新片速報:當搭電梯遇上蜜蜂 嚇到典地

唔知係咪笑點低,呢個惡作劇真係笑到我出腹肌,成壇嘢係咁嘅:一個由頭到腳包到實、成個生化武器研究員咁款嘅人走入電梯,手捧三個紙箱,紙箱裡面擺咗個模擬蜜蜂嗡嗡聲嘅發聲器,成個Look暗示畀其他乘客知──紙箱內藏萬千蜜蜂,小心!然後,梗係,當然,有預定嘅「意外」發生,阿研究員因為聽電話跣手,詐詐帝整跌紙箱,乘客一見,即時嚇到合埋眼趴喺地,研究員大曬紙碎物體,扮蜜蜂飛上乘客身……睇見乘客嚇到典地,我都笑到碌地,呢個Prank,掂呀。

Read more ›
世上首條單車電梯      上150米長命斜

世上首條單車電梯 上150米長命斜

唔係最新不過啱啱先見倒,好想share吓。人哋話上斜容易落斜難,不過踩單車喎,最怕梗係遇到長命斜,仲要係上斜,嗰下好易放棄。估唔到挪威嘅城市Trondheim咁細心,整咗條全球第一條嘅單車專用電梯Trampe,最近仲重新改良,用落更加爽。話就話電梯,其實係有個圓形腳踏位比單車手單腳踩住,然後可以用時速5米嘅速度,推動駕駛者上呢條150米嘅攞命斜路,一次過最多可以5個人同時使用,除咗單車,其他有小型車轆嘅工具一樣用到,年中慳返唔少腳骨力呀。

Read more ›
有片  小學雞玩電梯   原力搞搞震扮開門

有片 小學雞玩電梯 原力搞搞震扮開門

細個阿媽都有教落唔好玩電梯,不過前排有香港議員表演咗一次,仲比人拉咗。外國方面,呢位倫敦嘅學生哥都玩埋一份,仲用原力扮打開電梯門。玩法好簡單,同謀匿喺電梯外負責按開門掣,企喺電梯入面嗰位就趁每次度門關上時,用手撥一撥扮晒用原力開門,好無聊好小學雞?我都覺!佢仲玩咗不下十次。奇在短片兩星期已經有70萬views,dislike嘅人又唔算多喎,我諗因為喺電梯入面嘅人無得即時按dislike啫。試幻想吓你仲有一分鐘返工就遲到,有個小學雞仲用原力搞搞震,你會唔會用激光劍扑暈佢?仲笑唔笑得出?

Read more ›