Tag: 電單車

【你睇我唔到】奇趣動物面罩 揸電單車/滑雪必備

天寒地凍揸電單車,戴返個防風面罩好重要,如果款面罩係呢個款,更加係型到震!外國網Teya Salat有得買,貓、狗、獅子、熊、老虎、熊貓等等,乜動物都有,每個賣美金$34,戴埋幅超遮一遮對眼效果更佳。嫌動物cute得滯,仲有Iron Man面罩可以揀。BTW,其實唔止揸電單車,去滑雪甚至落7仔買雪糕都可以戴,我都想訂返個睇醫生時用。

Read more ›

【分體亞基拉】隨時分道揚鑣 概念車可以分體行駛

呢架「Lane Splitter」,分體咗之後真係有啲似《Akira》金田架型爆電單車。由Fast Company嘅Mark Wilson提出,之後同argodesign合作研發,除咗外觀型爆外,呢架車嘅概念仲好勁,就係本來係一架雙座跑車,但分體之後就變成兩架電單車!如果真係可以投產,仲可以行緊時分體,有型之餘應該會造成混亂,正呀!

Read more ›

超型Iron Man電單車頭盔 蜘蛛俠大減價 龍珠都有份?!

之前見過Fans自製嘅蜘蛛俠電單車頭盔,如果想喺街扮超級英雄,去外國呢個AirGraffix嘅網站會發現大量正嘢,最吸引係Iron Man頭盔,有幾個款任揀,至於蜘蛛俠呢?最近減緊價,而家買似乎幾抵,最搞笑係連《龍珠》嘅悟空都有份!至於女士呢,就可以揀Wonder Woman或者Hello Kitty…..價錢由美金500至800蚊不等,如果自備頭盔改裝仲可以減$50。所有頭盔都係全人手繪製,聲稱戴咗依然可以清楚睇倒路面嘅情況。戴住佢唔係唔襯埋成套戰衣啩?

Read more ›

自護軍軍官專用 電單車皮褸

自護公國萬歲! 自從馬沙出咗部跑車之後, 大家開始明白! 所有自護嘅軍官階級, 會有特殊軍用物資供應, 啱啱又有好嘢發佈, 係一件好有德軍風味嘅皮褸, 而且仲係由日本嘅HAROLD’S GEAR所出品, 據知佢係專出Classic電單車衫飾用品嘅公司, 早前仲出過一對自護軍專用嘅皮手套!

Read more ›

新片速報 揸電單車玩過山車 玩命無極限

好勁!對於平時坐過山車都腳震嘅人嚟講,睇呢條片可能會嚇到手心標汗。Red Bull最近搵咗法國電單車手Julien Dupont跳戰極限,去咗墨西哥嘅主題樂園玩過山車,不過係揸住架電單車喺過山車道上面駕駛!無安全帶全程真人搵命搏上陣,全條片仲要用第一身主觀鏡拍,每次睇到佢落斜我個心都離一離,難怪佢本人都話起跑前勁緊張,放心,呢條過山車賽道無O型圈嘅。

Read more ›

新片速報 真人版印度佬 玩瑜伽揸電單車

一講起印度男人,我就會諗起《街頭霸王》入面嘅Yoga Fire印度佬。呢位叫Gugulotu Lachiram男人都係印度人,都係身手敏捷,而且好似靚仔少少,佢發明咗喺駕駛中嘅電單車上面做啲高難度嘅瑜伽動作,挑戰自己嘅平衡力,好彩佢唔係住香港,否則我連街都唔敢出。

Read more ›

熊本熊萌樣四驅車 池袋店7月27日限定發售

熊本熊之前都同MONKEY合作推出過電單車,不過價錢唔平,fans未必買得落手。好彩最近又有新嘢,就係同四驅車品牌TAMIYA合作出四驅車,熊本熊變身車手,一臉認真咁坐喺駕駛座,好搞笑,架車仲貼滿熊本熊嘅貼紙,幾精緻。之所以有今次合作,係因為一年一度嘅「四驅車2014東京大會」將會喺7月27日喺池袋嘅東武百貨舉行,每年都會推出限定車款,今次就揀咗大熱嘅熊本熊,開價1188円,每日限買兩盒,加油呀熊本熊,又有機會搵錢喇!

Read more ›

打火機變模型電單車 超型DIY

打火機係煙民專用物品,日日用但係又有幾多人試過拆散個火機慢慢砌究?Imgur用家JoeDUsk就親自拆解,原來一個打火機可以拆成14個組件,扭兩扭加少少配件仲可以變埋電單車模型,手功好好,勁神奇!不過玩完之後想還原佢變返打火機就好難嘞!

Read more ›

Star Wars烈火戰衣 黑武士白兵唔包頭盔

我認我想像力唔夠,所以要發達應該無我份。好似黑武士同白兵,點諗倒可以用嚟做電單車服裝?呢件由UDReplicas設計嘅電單車戰衣,通過CE驗證,交通意外都可以保護駕駛者。不過要型都唔平,一套賣接近港幣一萬,好彩可以拆散嚟買,嚟如淨係買件外套($4500)、褲($2500)、手套($700)或者boots($1500),至於嗰頭盔就not for sale,都啱嘅,戴住佢你點睇路?

Read more ›

慎入!車模男與女 重口味性感相集

車模係一樣好吸引嘅生物,內地仲經常爆出車模搏出位事件,好富娛樂性。不過如果車模變晒男人會係點?車牌Ducati嘅公司Moto Corsa最近拍咗輯廣告相,搵咗個靚女model喺架電單車Ducati 1199 Panigale旁邊擺性感甫士,弊在同時搵多個男人做相同甫士‥‥‥兩輯相併埋一齊超重口味,又原來車模嘅甫士可以咁多變化,直情挑戰人體極限。

Read more ›

龍蝦電單車模型 霸氣盡現

打定底,唔係新聞但我啱啱先睇倒。呢位台灣廚師黃銘波好慳儉,食完嘅龍蝦殼佢唔係拎去煲湯,而係攞去參展,因為佢用所有殼整咗架電單車模型!呢架型爆電單車仲去埋大陸福福州美食展展出,最近吸引埋外國傳媒報導,老實,真係幾靚幾有霸氣,不過望住佢我好肚餓。

Read more ›

Batman電單車頭盔 又要威又要戴頭盔

有無人可以話我知,戴住呢個Batman頭盔揸電單算唔算犯法?由設計師Helmet Dawg嘔心瀝血製作而成,頭盔都改埋個致敬名叫「Dark As Night」。用電單車頭盔名牌GMax嘅GM485改裝而成,戴住佢揸電單車,保證大量男男女女都會偷望你。個人認為最特別係兩隻耳仔,夠晒搶眼,企得遠都望倒你,最啱又要威又要戴頭盔嘅電車男。

Read more ›

新片速報 日本黑暗面 Yamaha電單車廣告黑夜飛車

雖然已經放低咗幾年,但有時我都會懷念揸電單車嘅感覺,不過呢排少啲,因為日日都好熱……呢條片其實係Yamaha MT-09呢架跑車嘅廣告,9月喺歐洲發售梗係要谷一谷宣傳,主題就係「The Dark Side of Japan」,唔關黑武士事,但就喺黑夜飛車至黎明間展現好多日本嘅黑夜風情,做拉打真係幾有型!

Read more ›

型!內地骷髏coser出戰Harley Davidson賽事

強國又揚威海外,不過今次型得多。事發地點喺中國淅江省舉行嘅Harley Davidson五週年賽車活動,其中一個參賽者以骷髏頭cosplay造型上場參賽,型之餘仲可以擋風擋沙,幾實用,襯埋副Ray Ban太陽鏡,簡直型絕全場。講開又講,一架Harley Davidson喺內地閒閒哋賣20萬人仔,即係大概一個普通北京人民嘅四年人工,呢個骷髏頭肯定係富二代。

Read more ›

手機新Game:鐵騎士的超卓技術

皮包鐵,我極度覺得電單車危險,o係馬路上面兩個轆點夠四個轆撞?根本就係搵命博。打o下機都仲可以,莫過話駕駛,連坐電單車尾我都唔制呀。

Read more ›