一場武漢肺炎引發全球災難，喺隔離抗疫期間，超級英雄可以做啲咩？外國插畫師John Euclid Templonuevo就設計咗好多插畫喺網上分享，例如識飛嘅Iron Man就幫手消毒吓個城市、閃電俠就去送外賣、雷神就狂做gym減肥，入嚟有得慢慢睇輕鬆吓。

LEGO專門店好多時門口都會有幅巨型LEGO完成品展出，最近成田機場就有呢幅超巨型嘅馬賽克藝術畫，畫咗日本傳統嘅風神同雷神，好靚好震憾，近睇仲超細緻，去開機場可以去親身睇吓。

呢個片段好多人睇過，不過啱啱睇完《復仇者聯盟4》，Twitter又有日本網民放出嚟重溫。日本Twitter就好多人分享呢段NG片，美國隊長好有型，雷神就超搞笑，完全無劇透，不過未睇《復仇者聯盟4》嘅就唔好睇Twitter嘅留言嘞。

《THOR: RAGNAROK》好睇吖？但係Marvel美國英雄電影喎，如果配《魔法科高中的劣等生》主題曲，即係LiSA嘅〈Rising Hope〉會點？冇問題喎，好睇喎！

Mjolnir，即係連其他英雄都拎唔起嘅Thor雷神槌呀，擺喺公司係咪好型？係！肯肯定係！雖然係陶製，有番一定重量，但肯肯定人人都拎得起。不過只裝到20安士咖啡，容量好似少咗啲，同埋都好訝詐吓，每個19.99美金，又係抵玩之選。

曾經以為雷神個槌重到無人拎得起，但其實唔係嘅，而家連我同你都拎得到。呢個鐵槌工具箱將平時「喼神」嘅嘢移咗入去，有齊螺絲、槌仔等合共44件實用工具，Think Geek賣緊$99.99，有朋友上嚟屋企可以拎起個槌表演吓，抵吖。

呢條片係喺聖地牙哥Comic Con播嘅，o依家官方就發佈咗喇，講嘅係《Captain America: Civil War》冇出場嘅「雷神Thor」去咗邊。佢去咗澳洲，做啲咩呢？探訪吓學校，同學生講吓邊個係Vision，又講解吓無限石，又同「變形俠醫Hulk」傾吓計咁，而且傾緊嘅時候，Tony Stark仲咁啱打電話嚟……至於被問到佢哋班友打交冇預佢有冇唔開心，佢話……呢條片嘅導演Taika Waititi，亦即係《Thor: Ragnarok》嘅導演，而新一集雷神《Thor: Ragnarok》就會喺2017年11月上映。

睇咗《美國隊長3》未？今集蜘蛛俠好搶鏡，可惜同雷神無對手戲，想睇嘅可以睇吓呢套fans製作嘅惡搞短片。片中雷神個鐵槌無處不在，但依然無人拎得起，仲古惑地出現喺唔應該出現嘅地方，例如合埋咗嘅廁所板上蓋或者大門口前面，最後仲衰到責住咗蜘蛛俠個面罩，結尾有驚喜，1分鐘左右嘅短片，而且唔駛等片尾roll完字幕先有睇。

又買玩具？哦呢個其實係一個工具箱，入面有搥仔、鉗、螺絲批……好實用，都係買番嚟幫你整吓嘢咁啦。有得玩又夠實用，如果真係出得成，必買啦！Geeky Idea就有呢套「THOR Hammer Tool Kit」嘅idea，好多人留言話希望快啲出，一定願意俾錢咁話。

  其實一直都有呢啲意見喇，好似《復仇者聯盟》、到《Birdman》，去到日本之後，張海報都係要「畫出腸」先得，搞到好似日本電影迷好膚淺咁……最新作品就係《In The Heart Of The Sea》，即係我哋早兩日報過「雷神」Chris Hemsworth減磅減到極瘦嚟拍嗰套。原裝海報係細細粒一個潛緊水嘅人，見到一隻大眼睛……而日本版呢，就大大個雷神加幾位男角，成件事好復仇者，而個名都改埋……

第一眼同第二眼睇都唔認得佢，係，佢就係演超級英雄《Thor雷神奇俠》嘅Chris Hemsworth，佢啱啱喺網絡發佈咗呢張相，加一句：「Just tried a new diet/training program called ‘Lost at Sea,’」就係為咗12月上映嘅電影《In The Heart Of The Sea》減磅啦，因為套戲係改編自Nathaniel Philbrick小說《In the Heart of the Sea》，講述1819年捕鯨船喺南太平洋被一條大白鯨所撞而沉沒，倖存嘅船員喺3隻小艇上漂流90日……Chris Hemsworth之前接受外國傳媒訪問時話拍另一套電影《Blackhat》時已經瘦咗，不過拍呢套《In The Heart Of The Sea》就再瘦多15磅，為咗減磅，每日只攝取500 calories……至於新一集雷神《Thor: Ragnarok》就2017年11月先上，到時又要練番，呢啲就係專業喇。我又諗起Christian Bale……

類似嘅嘢喺之前香港個活動都玩過，不過呢位YouTuber「Sufficiently Advanced」就教埋大家點自製，佢喺「Mjolnir」呢個搥入面加入一個「Transformer Electromagnet」連電池，即係用電力嚟產生磁力，令個搥會攝住金屬物品，如地上嘅金屬板、渠蓋。另外，仲喺一個位加入指紋認證，即只有佢嘅手指公可以熄咗嚿電磁鐵，令佢可以拎得起個搥！最後，就去街上面搵人玩喇，點解嘅點解嘅？記得睇到最後，有人好聰明破解到呀！

扮演《雷神》嘅男演員Chris Hemsworth雖然無Loki咁型，不過大大隻加少少憨直，都有好多女fans架！最近日本網民@moccchi9就發現《雷神》個樣其實好似秋田犬，仲搵咗8幅相做對比，吸引好多人RT。我覺得都有7成似嘅，而且咁樣擺埋一齊做對比，雷神個樣即時cute晒！BTW，我經常搞亂柴犬同秋田犬，上網查咗吓，原來秋田犬通常比較高大，毛比較蓬鬆，睇埋對比相即時明晒，不過下次見到又應該都係唔識分。

《Avengers: Age of Ultron》香港4月23日有得睇，美國就要等到5月1日啦。宣傳開始，估唔到係雷神可以咁玩嘢咁奔放。話說Chris Hemsworth喺最新一集《Saturday Night Live》做主角，而呢條片佢就扮喺復仇者聯盟打贏Ultron軍團之後接受訪問，除咗同後面啲市民擊掌合照之外，仲長期跳舞彈嚟彈去又多表情……雖然其他工作人員都唔係本尊，但講啲嘢都好好笑……

單身嘅妳，有乜好得過情人節喺屋企睇Tom Hiddleston嘅廣告？喺《雷神》入面奸奸哋嘅Loki簡直係女性恩物，呢條幫Jaguar積架跑車F-Type Coupe拍嘅廣告雖然已經出咗好耐，但係唔算多人報導，屬於滄海遺珠。情人節呢啲寂寞時刻，未睇嘅不妨一睇，睇咗嘅都可以重溫。Loki依然好型，仲配埋架靚跑，無得輸。拍法方面，不停自言自語，有啲似畢彼特嘅豆腐火腩飯廣告，講起我又想重溫，好啦，情人節打孖上。