fbpx

Tag: 雷射

【現代版梁祝】床上裝雷射線     一人一半唔駛拗

【現代版梁祝】床上裝雷射線 一人一半唔駛拗

【現代版梁祝】床上裝雷射線     一人一半唔駛拗 兩個人一齊瞓當然爽,不過爭執亦都會跟住嚟。外國有位網友經常同老婆爭拗邊個霸住張床,以前有梁山伯與祝英台用杯將張床一分為二,今時今日呢位做咗科技行業15年嘅丈夫,就自己裝咗個雷射線,清清楚楚計過度過將張床分開一人一半,唔駛拗,不過條雷射線又無熱能,瞓瞓吓應該都無人理。不過最正都係reddit網友嘅神回覆:「單身男仔嚟講你張床都幾大。」

Read more ›

【超靚】寵物小精靈水晶球 3D雷射雕刻151隻精靈

【超靚】寵物小精靈水晶球 3D雷射雕刻151隻精靈

寵物小精靈嘅精靈球好多公司都出過,不過呢個水晶球,入面仲有埋立體投射,真係睇見都想買。店主PokeMsterCrafter喺Etsy有網店,做埋設計連製作,水晶係平時高級室內設計用嘅k9質素,水晶球直徑80毫米,入面嘅圖案係3D雷射雕刻,用新技術直接將圖案打印喺水晶球內,仲聲稱比傳統雷射精緻5倍。不過店主話暫時未收單,要等6月先有新公佈,而佢暫時只會做寵物小精靈入面嘅151隻精靈,有興趣就繼續留意我哋嘅報導啦。

Read more ›
新片速報     Iron Man雷射藍光手套     具殺傷力射爆波

新片速報 Iron Man雷射藍光手套 具殺傷力射爆波

《復仇者聯盟2》劇透罪大惡極,我哋唔會亂嚟,所以都係講吓周邊嘢安全啲。最近有fans Patrick Priebe自製咗隻Iron Man假手,之前都有人整過類似嘅裝置,今次唔同之處係有埋殺傷力,因為用咗Laser!手掌嘅中心位置唔止識發光,仲會射出藍色雷射激光,手背亦有紅色燈射激光,可以做到輕微嘅熱力,例如離遠射爆個汽球,燒燶個橙之類,有埋聲效,好似幾好玩。BTW,呢位Partick好鍾意玩激光,之前整過X-Men嘅Laser Eyes、激光手錶、飛行器等等,可以去佢YouTube頻道LaserGadgets欣賞吓。

Read more ›
新片速報    雷射洗紋身過程直擊    即時褪色好神奇

新片速報 雷射洗紋身過程直擊 即時褪色好神奇

紋身容易,想移除紋身據聞都好痛苦。之前睇過一針一針紋身嘅近距離過程影片,齋睇片都覺痛,今次到移除紋身過程直擊,用laser洗紋身,過程唔算血腥,睇見啪啪聲啲顏色即刻變淡,仲覺得幾神奇。之但係洗紋身唔單止痛,價錢仲相當貴,所以都係嗰句,紋身前諗清楚先啦。

Read more ›
新片速報   自製Iron Man手   射子彈無教學

新片速報 自製Iron Man手 射子彈無教學

武器係用嚟對付暴民,唔係對付手無寸鐵嘅平民,唔明可以睇吓Iron Man。外國有位叫Patrick Priebe 嘅Iron Man fans,自製咗一隻Iron Man鐵手,除咗發光外,仲可以發射子彈同埋雷射,佢拍咗片示範,不過就聲明唔會有教學,費事大家學佢咁樣自製武器。好彩,睇片見倒子彈殺傷力好弱,同真正Iron Man嘅級數無得比。

Read more ›
好玩!寵物高科技玩具    捉雷射點真正啱玩

好玩!寵物高科技玩具 捉雷射點真正啱玩

屋企嘅寵物終於有高科技玩具玩!呢款名為Petcube嘅玩具,一個簡潔箱仔,有齊camera、mic同埋貓狗最鐘意嘅雷射紅點。當你出咗街又掛住佢,就可以開者個手機app睇佢有無瞓晏覺,嗌吓佢個名,最正係可以開著畫面同佢玩「捉雷射點」嘅無聊遊戲,雖然簡單,但係貓仔真係好鐘意,好過你開著套膠劇《神鎗狙擊》毒害佢。Petcube而家喺kickstarter集資中,反應好好,而家美金$149套餐仲有少量名額,要買快手。預計下年5月到貨。

Read more ›