Tag: 雪櫃

有片 吊高啤酒磁石貼 雪櫃慳位大法

鬼佬嘅設計有時都幾奇幻。呢個雪櫃專用嘅磁石貼,貼喺雪櫃頂之後,可以吊高屋企嘅樽裝飲品,留返下面嘅位擺放雜物,用盡雪櫃每個角落。名為bottleLoft嘅磁石貼,一條有三個貼,買齊兩條就可以雪半打啤酒。而家喺Kickstarter集資中。不過只限屋企個雪櫃都係鬼佬size大大個嘅人,我呢啲用緊迷你雪櫃嘅無福消受。

Read more ›

揹93磅雪櫃跑馬拉松 連跑兩個全碼84km

\好勁!跑馬拉松已經係跳戰人體極限,呢位住喺英國Hebburn嘅Tony Phoenix-Morrison唔止跑,仲揹埋一個重93磅嘅雪櫃上身,參加當地連跑一日4個全碼嘅24小時馬拉松,更加係極限中嘅極限。佢今次嘅跑步目的係為當地癌病組織「Cancer Research UK」籌款,最後成功籌得幾千英磅,可惜佢最終只能夠跑完兩個全碼,即係大概84km,因為醫生阻止佢繼續跑,話再跑多5公里佢隻腳就會跛。雖然未能成功完成晒四個賽事,不過呢個紀錄應該無人破到,佩服。

Read more ›

雪櫃磁石 提醒你食物到期日

健康嘅嘢我睇得好淡,炸雞、薯條呢啲嘢好難避免嘅,不過過期食物我就點都唔會食。有無試過雪櫃食物過晒期被迫要掉咗去?呢款雪櫃專用磁石好實用,有掃描QR Code功能,記低每樣嘢嘅到期日,再將磁石貼喺雪櫃面,當食物就快過期佢就會變色提示你。咁實用唔怪得之可以捧走2013 Red Dot設計大獎,可惜仲未量產,同埋我雪櫃有好多零食‥‥‥

Read more ›

雪櫃專用玩具 提你快手閂雪櫃門

大熱天我最鐘意一返到屋企就開住個雪櫃,表面上揀嘢飲,實際上嘆冷氣降溫。日本人好有商業頭腦,出咗一款叫Fridgeezoo系列嘅雪櫃專用玩具,繼第一彈嘅冰極動物包括企鵝、北極憑之後,最新一彈係日本家傳戶曉嘅雪條達人ガリガリ君,每次當你打開雪櫃,佢就會當你打招呼,雪櫃開得耐就會提你佢好熱快啲閂雪櫃門,得意得嚟又環保。網上有得訂,開價2300円,7月初返貨。

Read more ›

車頭裝汽水 名車Fiat出雪櫃

一到夏天,人同車都好容易熱到病,所以架車打開頭冚散熱都好合理吖。嘻,其實呢架唔係真車,而係流動雪櫃仔,由意大利Fiat車廠同出名生產雪櫃嘅品牌Smeg合作,將經典車款Fiat 500s切咗個尾變成小型雪櫃,打開車頭冚就可以拎汽水飲,爽!嚟緊會推出紅、白、綠三款顏色,不過估計應該貴到飛起,或者買架名車送雪櫃,你制唔制?

Read more ›

Z型開合雪櫃 前格放汽水

夏天我最鐘意一返屋企就打開個雪櫃過一過冷河。呢個Z型開合雪櫃剛剛獲得「2013 iF Design Award」,得意在於Z型開口設計,出面嗰格可以放成日拎嘅飲品同埋朱古力,入面大啲嘅位置可以放大人嘢。而且呢個設計可以令到前後格共用冷空氣,變相慳電。計我話,對屋企只有豆潤咁細放唔落大雪櫃嘅人嚟講,呢個雪櫃可以擺放更多物品,啱晒寸金尺土嘅香港地。

Read more ›

黑武士雪櫃 每日開肚幾十轉

呢個黑武士雪櫃,我都好想擁有一個。容量極大,而且黑武士睇落成六呎高,好有霸氣。唯一要彈係黑武士每日都要比人開肚幾十吓攞嘢飲,感覺唔係幾老嚟。之於點解入面全部都係Budweiser?我諗要問返整佢出嚟嘅親生阿爸Tom Sachs先得。

Read more ›