Tag: 雪櫃

【有片】雪櫃加「後樓梯」 奇妙情景有幻想空間

【有片】雪櫃加「後樓梯」 奇妙情景有幻想空間

成日聽見朋友講,砌咗模型或買咗玩具冇位放。咁如果善用空間嚟玩,似乎又有得諗喎。好似佢咁,將條大廈外嘅樓梯放喺雪櫃旁邊,幾有型,如果加埋燈應該仲正。

Read more ›

日本網民自製「純天然雪櫃」 積雪下挖窿雪啤酒

日本網民自製「純天然雪櫃」 積雪下挖窿雪啤酒

冬天都可以飲凍嘢嘅,仲可以利用天然環境自製雪櫃添。日本呢位網民見窗外堆積咗極厚嘅雪,決定挖兩個窿用嚟放啤酒,總共冰咗8罐,不過每次都要開窗拎,啲寒氣實吹返晒入屋啦。

Read more ›
【有片】真有其事!微軟送Xbox Series X雪櫃

【有片】真有其事!微軟送Xbox Series X雪櫃

一邊似空氣清新機,一邊就話似雪櫃,不過兩邊都似乎唔介意大家攞嚟講笑,微軟仲自己玩埋一份,送咗部Xbox Series X雪櫃俾Rapper Snoop Dogg同埋YouTuber iJustine……

Read more ›
日本喵星人偷入雪櫃斷正    興趣捐窿捐罅超可愛

日本喵星人偷入雪櫃斷正 興趣捐窿捐罅超可愛

喵星人好鍾意捐窿捐罅,好似日本呢隻喵就好搞笑,趁主人打開雪櫃時,居然搵到個靚位攝咗入去,位置剛剛好,配埋個又曳又無辜嘅樣超可愛。之後主人透露,原來隻喵一向鍾意周圍匿,屋企嘅微波爐、電飯煲都俾佢侵佔過,屋企仲有多一隻喵,入嚟有多啲生活照睇。

Read more ›
日本扭蛋「雪櫃磁石貼」 超重磅響鈴警告

日本扭蛋「雪櫃磁石貼」 超重磅響鈴警告

有無人同我一樣,每次經過雪櫃就好想打開,搵吓有無嘢好食?為咗減肥要戒吓呢個壞習慣,日本呢款扭蛋「冷蔵庫の見張り番」可以幫到手,磁石嚟嘅可以貼雪櫃,每次開雪櫃就會發出警告,款式方面有85公斤嘅磅、變咗肥仔嘅紅綠燈,全部都好正,12月推出,有需要嘅記住留意返。

Read more ›
【相集】黑白曳貓有怪癖       鍾意捐雪櫃/衝入浴缸玩水

【相集】黑白曳貓有怪癖 鍾意捐雪櫃/衝入浴缸玩水

每隻貓都有自己嘅古怪習慣,呢隻叫Tali嘅貓居然鍾意匿入雪櫃!每次主人一開雪櫃佢就會衝埋去,不幸嘅事終於發生,有日主人發現隻喵唔見咗,打開發現原來俾佢匿咗入去,好彩隻喵無事之餘個樣仲好cool!呢隻喵唔止鍾意匿雪櫃,仲好鍾意玩水,試過主人沖涼時走入浴缸沖埋一份,而家大隻咗嘅佢瞓唔到雪櫃就改瞓洗手盤,超可愛,入嚟有多啲相睇。

Read more ›

【夢寐以求】雪櫃零食塞到滿 日本Twitter熱傳夢幻圖

【夢寐以求】雪櫃零食塞到滿 日本Twitter熱傳夢幻圖

呢個雪櫃簡直係每個小朋友嘅夢想呀!全個雪櫃放滿薄荷朱古力零食,有齊薯片、蛋糕、飲品、雪糕,塞到滿晒!咁其他主要嘅雪櫃材料點算好?可以搵個細雪櫃裝晒佢囉。有無膽量星期六日將屋企個雪櫃填滿佢?

Read more ›
【新片速報】日本便利店不良少年玩雪櫃     網民極速起底

【新片速報】日本便利店不良少年玩雪櫃 網民極速起底

夏天又係啲o靚仔出動搗亂嘅時候。日本沖繩有便利店遇到幾個o靚仔入舖玩,可能沖繩熱,佢哋集中玩雪櫃,又爬又瞓,仲成個人捐咗入個裝雪糕雪條嘅大雪櫃入面,之後仲開心得滯拍埋片放上網。日本網民好快起咗佢哋底,原來係一班住喺沖繩嘅o靚仔。不過好多段片已經刪除咗,而家睇到呢段係網民backup嘅影片。

Read more ›

日本網民雪櫃發現過期5個月爛蕉 發霉變黑似烤茄子

放咗5個月嘅香蕉究竟會係點?有日本網民發現雪櫃放咗條5個月變壞咗嘅香蕉,仲影埋相放上2ch討論區同大家分享。睇相見到條蕉已經完全變黑,有人話好似一道粗嘅眉毛。不過更核突嘅係有人留言話想睇吓入面,樓主唔單止照做,仲開埋閃光燈,有人話效果好似烤茄子,仲叫樓主試食吓,好彩最後樓主好理智咁拒絕咗。食咗佢,相信會屙足幾日幾夜呀。

Read more ›

【型在細節】日本AQUA黑武士1:1雪櫃 只可以雪一罐汽水

仲有1個月多啲,12月17日就可以睇到《Star Wars VII The Force Awakens》,不過電影未出,fans嘅錢都已經吸到差唔多乾晒。新產品出完又出,今次呢個係日本電器品牌AQUA推出嘅1:1黑武士迷你冰箱,個樣無乜特別,都係黑武士頭盔,但型在入面只可以雪一罐汽水。方法就係拎起黑武士個頭,汽水就收埋喺佢嘅頸部位置,每次打開仲有聲效,係咪勁?不過講實用度可以話係近乎零,相信只有真心而又有錢嘅fans先會買,12月20日發售,開價42,984円,即係港幣2800蚊左右,唔平。補充一句,AQUA即係之前公佈咗出R2-D2識得郁嘅迷你雪櫃嗰間公司,R2-D2仲貴,賣998,000円,接近港幣7萬,真係要好有閒錢先買得起。

Read more ›

【超缺貨】正宗「蛋黃哥」雪櫃磁石貼 6個款式台灣開賣

蛋黃哥又有新嘢推出,今次睇見個盒寫住「蛋黃哥」三隻字,就知道係台灣出品(因為香港叫梳呼蛋架嘛),主菜係森永朱古力球,不過入面就附送一隻蛋黃哥磁石,一共有六款,貼晒喺雪櫃面都幾靚,盒面嘅字條都幾正,例如:「自己的食物自己找!」就夾晒蛋黃哥風格。每盒賣台幣$49,便利店或者超級市場有得買,據台灣網友講,Family Mart而家有得賣但超缺貨,7-11就月底有貨,有朋友去開台灣記住托佢買返幾盒喇。

Read more ›

新片速報 雪櫃變巨型Gameboy 真係撳得打得雪得

Gameboy變雪櫃之前都見過,不過呢個有啲唔同,因為佢真係玩得!Daniel d’Entremont將屋企個細雪櫃變咗一部玩得嘅巨型版Gameboy,首先喺門度加咗個電腦芒,然後裝埋兩粒大掣喺前面,用咗Raspberry Pi 2做驅動,真係撳得玩得,之後再裝埋模擬器,就可以用佢嚟玩大量嘅懷舊任天堂遊戲,仲可以一邊飲凍可樂一邊打,爽!

Read more ›

新片速報 喵星人自己雪櫃自己開 搵食不求人

貓奴都會有經驗,為防喵星人偷嘢食,所有嘢都要收埋,但係如果佢識開雪櫃呢?呢條片偷影倒幾隻喵星人自己開雪櫃嘅惡法,手法仲好純熟,作為貓奴真係好驚唔知點算好!BTW,千祈唔好比屋企隻喵睇到呢條片,學識咗之後照辦煮碗就大鑊了!仲有,點解我見倒片尾嗰隻黑貓被發現時好似好得戚咁伸脷嘅?

Read more ›

新片速報 烏龜開箱片 雪櫃冬眠4個月甦醒

開箱片睇得多,通常都係開吓遊戲機、手機之類,今次好突破,因為開嘅箱入面係一隻冰封咗4個月嘅烏龜!主人Neil Slorance將佢隻烏龜放入雪櫃冬眠咗4個月。據佢所講,咁做可以防止烏龜冬眠期間天氣轉變令佢醒,喺雪櫃可以保持住攝氏5度嘅溫度。咁開箱結果係點?吽吓吽吓嘅烏龜開頭郁都唔郁,好彩隔咗一陣終於識郁返,之後主人仲比佢游吓水伸展吓,不過要注意,唔係所有龜都要冬眠,同埋如果有嘢想問,可以去呢位非常主人嘅YouTube留言,佢回覆得好密,仲有問必答,好nice!

Read more ›

R2-D2提你閂雪櫃

為乜要將呢個R2-D2放入雪櫃呢?唔係應該擺入飾櫃咩?哦,原來佢並唔係一般得個睇字嘅Figure咁簡單;實際上,佢係一個「閂雪櫃提示器」,吓?閂雪櫃都要人提?係喎,Like嘅,咪覺得窩心囉,唔Like嘅,咪覺得無聊囉。

Read more ›