Post Tagged with: "雪晴"

RIP!資深漫畫家雪晴離世!
by / on 06/08/2019 at 1:44 pm

RIP!資深漫畫家雪晴離世!

好好好好好Sad,擒晚半夜先有時間認真瀏覽面書,方得悉資深漫畫家雪晴原來喺6月26日已經離開咗我哋,終年49歲。其facebook管理人Coffee交代呢件事。唉,際此風雨飄搖嘅日子,心情沉鬱,更加唔知講乜好,難忘雪晴燦爛笑容,一路好走。

Read more ›

雪晴電影漫畫版《不義之戰》 每本$98開訂
by / on 22/08/2018 at 9:30 pm

雪晴電影漫畫版《不義之戰》 每本$98開訂

雪晴有新作推出呀喂,電影漫畫版《不義之戰》家陣公開預訂,176頁,每本$98。網上預訂隨書附送電影《不義之戰》特別版林明禎Yes! Card。全套30張,分兩Set,每Set 15張,Set A隨小說附送、Set B隨漫畫附送。雪晴Fans,識做喇。

Read more ›
雪晴《辣警霸王花二之不義之戰》角色人設曝光
by / on 27/03/2018 at 6:35 pm

雪晴《辣警霸王花二之不義之戰》角色人設曝光

因為雪晴,我先知原來有《辣警霸王花二之不義之戰》呢套戲,Cast呢,有譚耀文、唐文龍、梁琤、何佩瑜、林明禎、余曉彤、林琳奇、楊恭如、袁文傑、趙善恆等等,預計年尾上畫咁話喎。而雪晴呢,就替呢套電影畫漫畫,剛剛喺面書登咗幾幅人設圖。海報?小冊子?實甩甩一本拎得上手慢慢揭嘅漫畫?唔知以乜形式發佈呢?稍後會有發佈喎。

Read more ›
《山海逆戰》珍藏卡特別版三封面 賣萌雪晴版售罄
by / on 24/05/2017 at 7:45 pm

《山海逆戰》珍藏卡特別版三封面 賣萌雪晴版售罄

嚟緊第26期《山海逆戰》推出珍藏卡特別版,三個版本終於有齊封面睇嘞:一,手繪至尊版專刊封面由雪晴繪畫,售$1280;二,卡簿特別版專刊由何志文繪畫,售$188;三,珍藏卡套裝版專刊封面由馮志明繪畫,售$88,「收藏家港漫專區」已經開始全部接受訂購,你又最鍾意邊一個版本?值得一提係雪晴版本已經售罄,于若蘭同傲嵐出自女仔手筆,原來會咁受歡迎,賣萌一樣掂,厲害!

Read more ›
網圖分享:港漫人出圖祝《遇見貴人》大賣 張萬有畫老祖宗
by / on 24/01/2017 at 9:00 am

網圖分享:港漫人出圖祝《遇見貴人》大賣 張萬有畫老祖宗

不喜勿插兼利申,我認我孤陋寡聞,真係未聽過新加坡賀歲片《遇見貴人》,更加唔識導演夏友慶,之所以認識呢個名字,全因有港漫人贈賀圖俾佢,預祝電影賣個滿堂紅。作為港漫迷,最開心莫過於又有靚畫睇喇,雪晴、趙汝德、鄺志德、Kent Chu同張萬有相繼出手,尤以張萬有幅老祖宗最有霸氣,睇完,我腦袋又閃番起呢幾個字──殺殺殺!殺性回歸!殺呀!

Read more ›
漫畫星光大道週年同樂日 主筆親筆畫板曝光
by / on 19/01/2017 at 11:00 am

漫畫星光大道週年同樂日 主筆親筆畫板曝光

之前介紹過「香港漫畫星光大道週年同樂日」喺呢個禮拜六舉行,大家有無興趣?個心仲係十五十六?依家黄玉郎、馬榮成、邱福龍、阮大勇、李志清、鄺彬強、馬星原、Cuson、陳某、黃國興、鄧達軒等主筆親筆畫曝光,會唔會吸引力大增?唔只我你他等港漫迷,就連雪晴都話:「粒粒巨星……阮生嗰張我都好想抽中…想要」,我呢,就最鍾意邱福龍嗰張嘞。

Read more ›

動漫授權市場開動 雪晴水晶畫板有售
by / on 06/01/2017 at 10:30 am

動漫授權市場開動 雪晴水晶畫板有售

動漫基地《想入非非──老夫子漫畫作品展》完結,緊接有《動漫授權市場》,唔係展覽有乜好行?行攤位囉。屆時有二十個本地動漫同玩偶創作單位駐場,有茶敍,有Open-mic介紹會。創作單位包括jin x cafedebollo x La La Woodland、阿塗、Alice Hobbey Illustration、羅浩光、Devil Toys、多利繪、格子、香港插畫師協會、Intoxic Studio、江記、杜翰煬、Morning Gary、海洋創作有限公司、豬朋狗友、七十二行、彩虹守護者、森巴Family、快樂文族、The Art of Bonnie Pang同野士創工。當中的快樂文族有售雪晴水晶畫板、特價快樂生活手帳本同車仔鎖匙扣,而雪晴亦會喺1月11日6:00pm-6:30pm親臨動漫基地面見Fans,大家識做喇。

Read more ›
網圖分享:港漫人2017新年賀圖
by / on 01/01/2017 at 2:10 pm

網圖分享:港漫人2017新年賀圖

  睇港漫人新年賀圖啦喂!2016年有何不快不安不忿不足不甘心不情不願,唔該統統抹晒佢,踏入新一年,大家醒神呀。展望2017年,大家機繼續打劇繼續煲公仔書繼續開開心心睇,本網站祝大家新年進步,身體健康。

Read more ›
雪晴繪本Figure正式開訂 分兩款套裝有獎抽
by / on 16/12/2016 at 3:12 pm

雪晴繪本Figure正式開訂 分兩款套裝有獎抽

擺明賣廣告,都係嗰句,真心Mode希望雪晴隻繪本Figure早日沽清,詳細資料如下──預訂分兩款套裝,一,袋裝包17cm Figure、袋仔、抽獎Postcard各一,售$528;二,木盒套裝,包括17cm Figure、木盒、雙面水晶畫板、鎖匙扣各一、抽獎Postcard兩張,售$728,中獎者會得到一份「超珍藏禮物」禮物。講明限量,即係要搶,所以落訂要快呀,完。

Read more ›
雪晴繪本Figure曝光 Toysoul 2016有辦睇
by / on 14/12/2016 at 10:30 pm

雪晴繪本Figure曝光 Toysoul 2016有辦睇

繼鎖匙扣後,雪晴首個繪本Figure真身終於曝光,可能因為條孖辮仔,又可能因為粉紅色,定因為個Pose呢?定因為手捧住隻貓仔太可愛呢?唔係吹水,我男人老狗都覺得個Figure好Kawaii,畀到人一種好嗢馨嘅感覺。賣幾錢,唔知,淨係知周五喺九龍灣國際展貿中心舉行嘅Toysoul 2016有辦睇。Like嘅,即場落埋訂都仲得,真心Mode同雪晴打氣,希望呢隻公仔可以大賣。

Read more ›
雪晴繪本Figure 附件鎖匙扣曝光
by / on 07/12/2016 at 11:15 pm

雪晴繪本Figure 附件鎖匙扣曝光

兩個月前,本網站報導過雪晴將會推出首個繪本Figure,依家聞到樓梯響喇,雖然未有Figure實物睇,更遑論價錢,但套裝附件鎖匙扣已經做好,雪晴仲拿臨臨掟上面書公諸同好添。大家即管望望,啱唔啱心水?

Read more ›

雪晴首個繪本Figure 《鐵將縱橫》仗義賣廣告
by / on 22/10/2016 at 9:15 pm

雪晴首個繪本Figure 《鐵將縱橫》仗義賣廣告

Coming soon!講緊嘅係雪晴首個繪本Figure,咁Soon到幾時?2017年咁話喎,雖則十畫未有一撇,難得邱福龍已經仗義喺今期《鐵將縱橫》幫雪晴賣廣告,港漫人咁團結,可喜可賀也。為乜無端端出Figure呢?雪晴喺面書留言曰:「話說早2個月的茅一天,一位好友突然問雪晴:『有無興趣做figure?』大概想了5秒,我就回覆佢:『好丫@@』」Good吖,爽快吖,做人做事最緊要隨心,鍾意咪鍾意,想點咪點囉。好,依家隆重宣報,雪晴Figure不日橫空面世,拭目以待呀。

Read more ›
撐「漫本」App  攞正牌上網睇港漫
by / on 07/04/2016 at 9:06 pm

撐「漫本」App 攞正牌上網睇港漫

上網睇盜版漫畫係唔啱嘅,要睇唔該睇「漫本」,攞正牌,睇得光明磊落。呢個打住「華人原創漫畫發行平台」嘅漫畫網站剛剛出埋App,我下載咗,感覺好有親切感,因為裡面有我哋熟識嘅港漫,牛佬《血崩女》、馬遜《蘇生戰銃》、司徒劍僑《再造空間》同雪晴《我和天師有個約會》都係必睇之選。介面方面,顏色望落舒服,操作簡單,都係分「排榜行」、「已完成」、「搞笑」、「奇幻」、「熱血」、「懸疑」、「格鬥」、「恐怖」、「魔幻」、「勵志」、「校園」、「愛情」、「日常」、「戰爭」等子項目,好易搵。唯一要挑剔係某啲漫畫用殘體字,同埋要縮放圖片睇漫畫,手指好疲,或者遲啲慣咗會好啲。

Read more ›
漫本網站 牛佬《Bloody Girl》、司徒劍僑《再造空間》、雪晴《我和天師有個約會》、馬遜《蘇生戰銃》免費睇
by / on 10/12/2015 at 8:45 pm

漫本網站 牛佬《Bloody Girl》、司徒劍僑《再造空間》、雪晴《我和天師有個約會》、馬遜《蘇生戰銃》免費睇

紙媒沒落,上網睇漫畫係大勢所趨,「漫本」呢個網站大家可以留意吓,因為有我哋熟識嘅香港漫畫家參與,牛佬《Bloody Girl》、司徒劍僑《再造空間》、雪晴《我和天師有個約會》、楊孝榮《玄蟬說》、楊懷濱《暗界追冥狩》已經可以「立即閱讀」,而馬遜《蘇生戰銃》、曉君《鍾馗森林》、黃俊維《百辰劍》同陳漢明《陰陽宅急便》就「等待中」,各附故事簡介。我Click過入去睇,好唔好睇就好個人口味,但解像度奇高睇得舒服絕對係事實,免費漫畫嚟講算真真不俗,硬要挑剔的話,用殘體字我有少少唔Like囉。總括嚟講,呢個網站值得加入「書籤」,期待有更多香港漫畫家加入。

Read more ›
網圖分享:港漫人同大家拜年
by / on 21/02/2015 at 3:00 pm

網圖分享:港漫人同大家拜年

  今日大年初三,不宜拜年,唔出街就留番喺屋企上網喇。每逢大時大節,港漫人都習慣過過手癮出賀圖,今年都唔例外,個人認為文嘉宏嗰幅賀圖最靚,唔知大家又點睇?唔阻大家喇,睇畫喇……

Read more ›