Post Tagged with: "雜誌"

日本潮流雜誌《Smart》X《Tiger & Bunny》服飾睇啱即網購
by / on 06/07/2014 at 3:17 pm

日本潮流雜誌《Smart》X《Tiger & Bunny》服飾睇啱即網購

之前介紹過《劇場版 Tiger & Bunny ‐The Rising‐》日本Bandai出咗一系列主角服飾有得賣,件皮褸仲貴到喊賣3萬幾円。最近佢哋又同潮流雜誌《Smart》合作,同時裝品牌BEAMS、HTML ZERO3、override同埋JAM HOME MADE聯乘推出日常服,由頭到腳包括帽、衫、褲以至首飾都有得買,一件Tee都係賣3百零蚊,易入手好多。 可惜女裝得一頂冷帽咁大把,其實 Tiger & Bunny都有好多女fans,可惜《Smart》主攻男生,無計。

Read more ›

日本紅爆OL公仔   今期《GINZA》 隨書附送
by / on 20/01/2014 at 10:57 am

日本紅爆OL公仔 今期《GINZA》 隨書附送

呢隻杯緣子「コップのフチ子」OL公仔喺日本真係紅到開巷,繼同百貨公司PARCO做展覽,最新動向係同女性潮流雜誌《GINZA》合作,2月號隨書附送限定版杯緣子,制服係全新桃紅色,心口仲有大大個G仔logo,動作就係之前都推出過嘅倒吊款。最特別係今次著上銀色legging,唔怕露底。

Read more ›
薑餅人殺人事件   壓爆頭超血腥
by / on 24/12/2013 at 7:03 am

薑餅人殺人事件 壓爆頭超血腥

聖誕節又係薑餅人出動嘅時候,不過佢成日笑口噬噬懶友善,我對佢無乜好感,反而呢輯相將佢嘅邪惡一面表露晒出嚟就令我耳目一新。今次薑餅人將自己嘅同類用磨芝士嘅廚具壓碎爆晒血,甚至硬生生將對方個圖塞入多士爐,惡搞味極重,目的係宣傳外國一本恐怖雜誌《Fangoria》。食正聖誕熱潮又突顯倒雜誌嘅特性,好殘忍好正呀!

Read more ›
Capcom御用畫師   女英雄雜誌封面超型
by / on 11/08/2013 at 1:55 pm

Capcom御用畫師 女英雄雜誌封面超型

香港出生,現居新加坡嘅華人插畫師Stanley Lau(Artgerm),之前幫Capcom制作過《Devil May Cry》、《街霸4》等插畫,最近回歸佢最鐘意嘅英雄系列,設計咗一系列偽雜誌封面,全部清一色都係超級女英雄做封面,有Supergirl、Catwoman、Jun the Swan、Poison Ivy同埋Black Canary,用色靚之餘效果仲好型,佢上星期仲畫咗遊戲《The Last of Us》嘅Ellie畫像,一樣比網民激讚,仲有之前嘅《Tomb Raider》蘿拉,入嚟有回帶。

Read more ›
英國時裝網《Vogue》玩「上上下下左右左右BA」
by / on 12/07/2013 at 7:15 am

英國時裝網《Vogue》玩「上上下下左右左右BA」

估唔倒時裝雜誌《Vogue》嘅英國網站居然會同打機連上關係,仲吸引倒我今日上去玩咗15分鐘。事緣今日開始上到網站首頁,只要輸入機迷一定識嘅密碼「上上下下左右左右BA」,就會失驚無神有隻恐龍喺網頁底部走出嚟。恐龍頭上仲頂住唔同款式嘅怪帽,好搞笑。而且我發現,有時明明chok咗都出唔到隻恐龍,十足十細過chok掣時總有一兩次失手咁,不過我相信純粹個人問題,唔係網站故意設定出嚟嘅。

Read more ›
咪記新招谷Office 365   買《福布斯》送WiFi
by / on 06/05/2013 at 8:59 am

咪記新招谷Office 365 買《福布斯》送WiFi

雜誌越嚟越少人買,跟書送嘅贈品變成誘餌,不過禮物通常離不開送袋仔、拖鞋呢啲行嘢,邊有好似Microsoft咁揼本跟書送Wi-Fi Router?今次係外國咪記同財經雜誌《福布斯》嘅合作企劃,送足15日電訊商T-Mobile嘅免費WiFi服務,目的係宣傳Office 365,外國部份傳媒率先收到,大讚咪記大手筆有驚喜,本書今日開始有得賣,可惜香港用唔著吖。

Read more ›