Post Tagged with: "雙截棍"

崔成安x劉萬梁 密切期待《雙節棍連環圖譜》
by / on 25/04/2017 at 10:45 pm

崔成安x劉萬梁 密切期待《雙節棍連環圖譜》

唔多,齋睇封面啫,我已經決定捧崔成安《雙節棍連環圖譜》場,原因有二,一,崔成安畫功精湛到一個點,畫乜都咁靚,佢出書點可以唔儲?二,叫得圖譜當然要有人示範,而示範者正是靚仔到叮一聲嘅劉萬梁師傅,劉師傅唔係得個殼,靚仔就梗,功夫亦係實牙實齒揮灑自如嗰隻,唔信可以去YouTube搵佢啲短片睇睇。一個示範,一個畫,誠完美組合也,真心Mode拭目以待。

Read more ›

好葡萄!崔成安贈畫劉萬梁師父!
by / on 29/12/2016 at 9:00 am

好葡萄!崔成安贈畫劉萬梁師父!

好葡萄!崔成安對劉萬梁師父真係好,成日畫親筆畫送畀佢,之前已經見過幾幅,啱啱又有兩幅新作嘞,真係羨慕死人。唔係求其亂畫架,幅幅都跟足劉萬梁師父面相畫,姿勢動作固然似,眼神表情亦有神髓,崔成安手畫真係無懈可擊。講番劉萬梁師父,除咗耍雙截棍厲害外,佢仲有一個優點──靚仔!唔係吹水,有相為證,你可以話啲相影得好Chok,但事實係唔係人人都Chok得起;功夫呢?口講無憑,可以上YouTube搵佢啲片睇睇,黑暗中舞螢光雙截棍,堪稱型到一個點。

Read more ›
有片:大渡聚餐2016 雙截棍表演助慶
by / on 05/04/2016 at 6:25 pm

有片:大渡聚餐2016 雙截棍表演助慶

之前報導過嘅大渡聚餐2016,越來越節目豐富,繼推出Phoenix Card之後,最新消息當晚會加插雙截棍表演。表演者劉萬梁師傅,係「東方體育會」同好多電影嘅動作導師,一身肌肉就梗,難得在仲幾靚仔添。唔係花拳繡腿得個殼架,上網摷到佢舞螢光雙截棍嘅短片,有姿勢有實際,好型呀。

Read more ›
《BRUCE’S ART》畫集有Part Two 貼紙雙截棍開售
by / on 28/10/2015 at 11:00 pm

《BRUCE’S ART》畫集有Part Two 貼紙雙截棍開售

應該係食髓知味嘞,好賣嘅,梗係要出多水賺到盡喇,大渡剛剛喺面書發佈話:「崔成安──《BRUCE’S ART》李小龍畫集PART TWO,現正製作中,十二月中發售!」畫集有Part Two,好事吖!同場加映,大渡精品有二,一,《BRUCE’S ART》貼紙套裝,包兩張彩色貼紙、一張紋身貼同硬咭紙套,售$50;二,雙截棍,售$100。唔貴,係崔成安Fans嘅,一定入手。

Read more ›
雙截棍放鏡頭 玩危險外露
by / on 17/06/2014 at 12:00 pm

雙截棍放鏡頭 玩危險外露

呢舖影相都可以哼哼哈兮喇! 日本BLaKPIXEL最近引入咗一款GoWing嘅鏡頭放置器! 其實我都唔知點形容佢, 其實你可以當佢係兩個連住嘅鏡頭mount, 再用條帶孭上身, 好玩在換鏡真係超快手, 唔使話甚麼打開相機袋, 又話要閂返個鏡頭蓋, 穩唔穩陣!? 唔好問我! 我都唔識答你, 但我見佢鏡身完全外露, 通街屌屌fing, 你話俾人一嘢撞埋嚟, 又或者遇上黑雨……相機袋, 係有相機袋嘅道理嘅! 暫知佢有Canon、Nikon同Sony E/A雙Mount對應款式, 賣價係8,980円。

Read more ›
哼哼哈兮! PUMA雙截棍藍芽喇叭
by / on 06/12/2013 at 9:30 pm

哼哼哈兮! PUMA雙截棍藍芽喇叭

    哼哼哈兮! PUMA近幾年真係越嚟越有品味, 哼哼哈兮! 估唔到雙截棍都出埋! 唔係! 原來係藍芽喇叭先真! 呢碌棍叫 PUMA Soundchuck, 喺12月9號將會喺香港推出, 棍身兩端, 分別收藏咗兩個2W喇叭(80Hz~20kHz, 都係大大聲嗰隻啦!), 你如果覺得型嘅, 當然可以掛佢上頸, 然後透過藍芽, 將手機裏面嘅音樂、拉過去聽。

Read more ›